ການສະແດງສິລະປະໃນລາຍການ
(ພາບປະກອບ)
|
(vovworld) – ເນື່ອງໃນໂອກາດສະເຫຼີມສະຫຼອງ 40 ປີແຫ່ງວັນປົດປ່ອຍພາກໃຕ້ຢ່າງສົມບູນ, ທ້ອນໂຮມປະເທດຊາດເປັນເອກະພາບ, ຕອນຄ່ຳວັນທີ 27/4, ລາຍການຖ່າຍທອດສົດທາງໂທລະພາບພິເສດ “ລະດູບານໃໝ່ທຳອິດ” ໂດຍນະຄອນ ຮ່າໂນ້ຍ ສົມທົບກັບນະຄອນ ໂຮ່ຈີມິນ ແລະ ສະຖານີໂທລະພາບ ຫວຽດນາມ ສົມທົບກັນຈັດຕັ້ງຢູ່ ຮ່າໂນ້ຍ ແລະ ນະຄອນ ໂຮ່ຈີມິນ. ຜ່ານລາຍການ, ຜູ້ຊົມໄດ້ພົບປະກັບແຂກຖືກເຊີນພິເສດ, ນັກຂ່າວສະໜາມຮົບ, ບັນດານັກຮົບປະຕິວັດ, ບັນດາຜູ້ໄດ້ຜ່ານຜ່າໄລຍະສົງຄາມທີ່ດຸເດືອດ… ນອກຈາກນັ້ນ, ລາຍການຍັງສະເໜີໃຫ້ຮູ້ບັນດາຄຳເຫັນຂອງການນຳ, ປະຊາຊົນ, ນັກສິລະປິນ, ນັກຮົບ, ສະແດງຄວາມຫວັງມີສັນຕິພາບ, ຜືນແຜ່ນດິນອັນຄົບຖ້ວນຂອງປະຊາຊົນຫຼາຍລຸ້ນຄົນ. ລາຍການໄດ້ປະກອບສ່ວນສຶກສາອົບຮົມຄວາມເອກອ້າງທະນົງໃຈໃຫ້ແກ່ລຸ່ມໜຸ່ມໃນປະຈຸບັນ ສືບຕໍ່ສູ້ຊົນ, ແຂ່ງຂັນສ້າງສາ ແລະ ປົກປັກຮັກສາປະເທດຊາດ, ພາຍຫຼັງ 40 ປີທີ່ປະເທດຊາດໄດ້ຮັບເອກະລາດ, ເອກະພາບຢ່າງສົມບູນ.