ງານພົບປະແລກປ່ຽນມິດຕະພາບສະເຫຼີມສະຫຼອງວັນສະຖາປະນາ ລາຊະອານາຈັກແບນຊິກຄົບຮອບ185ປີ
ງານພົບປະແລກປ່ຽນມິດຕະພາບສະເຫຼີມສະຫຼອງ ວັນສະຖາ
ປະນາລາຊະອານາຈັກແບນຊິກ ຄົບຮອບ 185 ປີ
(ພາບອິນເຕີແນັດ)
(vovworld) - ຕອນຄ່ຳວັນທີ 21/7, ທີ່ຮ່າໂນ້ຍ, ສະມາຄົມມິດຕະພາບ ຫວຽດນາມ - ແບນຊິກ ສົມທົບກັບສະຖານທູດລາຊະອານາຈັກແບນຊິກປະຈຳຫວຽດນາມ ຈັດຕັ້ງງານພົບປະແລກປ່ຽນມິດຕະພາບສະເຫຼີມສະຫຼອງ ວັນສະຖາປະນາ ລາຊະອານາຈັກແບນຊິກ ຄົບຮອບ 185 ປີ (21/7/1831 – 21/7/2016). ເຂົ້າຮ່ວມມີຜູ້ຕາງໜ້າການນຳ ສະຫະພັນບັນດາອົງການຈັດຕັ້ງມິດຕະພາບຫວຽດນາມ, ສະມາຄົມມິດຕະພາບ ຫວຽດນາມ - ແບນຊິກ, ສະຖານທູດລາຊະອານາຈັກແບນຊິກ, ບັນດາວິສາຫະກິດແບນຊິກຢູ່ຫວຽດນາມ. ການເຄື່ອນໄຫວນີ້ໄດ້ປະກອບສ່ວນຢ່າງຕັ້ງໜ້າເຂົ້າໃນການຊຸກຍູ້ການພົວພັນມິດຕະພາບ, ການຮ່ວມມືກ່ຽວກັບທຸກດ້ານລະຫວ່າງລັດຖະບານ ແລະ ປະຊາຊົນ.
ສ່ວນທ່ານນາງ Jehanne Roccas, ເອກອັກຄະລັກຖະທູດວິສາມັນຜູ້ມີອຳນາດເຕັມແຫ່ງລາຊະອານາຈັກແບນຊິກ ປະຈຳຫວຽດນາມ ຕີລາຄາວ່າ: ພານຫຼັງ 43 ປີແຫ່ງວັນ ສ້າງຕັ້ງການພົວພັນການທູດ, ການພົວພັນຮ່ວມມືມິດຕະພາບລະຫວ່າງຫວຽດນາມ - ລາຊະອານາຈັກແບນຊິກ ນັບມື້ນັບສະໜິດຕິດພັນ ຜ່ານການຮ່ວມມືຢ່າງມີປະສິດທິຜົນໃນບັນດາຂົງເຂດ. ວົງເງີນການຄ້າສອງຝ່າຍລະຫວ່າງ 2 ປະເທດ ເພີ່ມຂຶ້ນຢ່າງລຽນຕິດ ໃນຊຸມປີຜ່ານມາ. ແບນຊິກ ເອກອ້າງທະນົງໃຈແມ່ນ ປະເທດສົ່ງອອກໃຫຍ່ອັນດັບ 6 ມາຫວຽດນາມ ໃນສະຫະພາບເອີລົບ ແລະກໍ່ແມ່ນປະເທດນຳເຂົ້າ ສິນຄ້າ ຂອງຫວຽດນາມໃຫຍ່ອັນດັບ 8.