( vovworld ) - ກຳລັງປ້ອງກັນທະເລຍີ່ປຸ່ນ ( MSDF ) ແລະ ທະຫານເຮືອອີນເດຍ ຫາກໍ່ດຳເນີນການຊ້ອມຮົບຮ່ວມເປັນຄັ້ງທຳອິດຢູ່ອ່າວ Sagami, ຂຶ້ນກັບພາກພື້ນ Kanagawa ຂອງຍີ່ປຸ່ນ ເມື່ອວັນທີ 9/6. ເຂົ້າຮ່ວມການຊ້ອມຮົບມີກຳປັ່ນຮົບ 2 ລຳຂອງຍີ່ປຸ່ນ ແລະ 4 ລຳຂອງອີນເດຍ ແລະບາງເຮືອບິ່ນຂອງ MSDF ກໍ່ເຂົ້າຮ່ວມການຝຶກຊ້ອມກ່ຽວກັບການຊອກຫາກູ້ໄພກູ່ຊີບທາງທະເລ. ກອນໜ້ານີ້, ຍີ່ປຸ່ນ ແລະ ອີນເດຍ ໄດ້ຈັດຕັ້ງການຝຶກຊ້ອມ ເພີ່ມທະວີການຮ່ວມມືມິດຕະພາບ, ແຕ່ນີ້ເປັນຄັ້ງທຳອິດທີ່ສອງຝ່າຍດຳເນີນການຊ້ອມຮົບດ້ວຍຈຸດໝາຍເພີ່ມທະວີບັນດາຄວາມສາມາດຍຸດທະສາດ. ຜູ້ຕາງໜ້າ MSDF, ທ່ານ Hiroyuky Kasui ໄດ້ຖືວ່າ ອີນເດຍມີທີ່ຕັ້ງສຳຄັນບົນເສັ້ນທາງຢູ່ມະຫາສະໝຸດອີນເດຍທີ່ເຊື່ອມຕໍ່ລະຫວ່າງຕາເວັນອອກກາງ ກັບອາບຟລິກາ, ເພາະສະນັ້ນ ເລື່ອງເພີ່ມທະວີການຮ່ວມມືກັບກອງທັບເຮືອອີນເດຍ ຜ່ານບັນດາການຊ້ອມຮົບຮ່ວມແມ່ນສຳຄັນຍິ່ງ.