( vovworld ) – ເນື່ອງໃນໂອກາດສະເຫຼີມ ສະຫຼອງ 122 ປີແຫ່ງວັນຄ້າຍວັນເກີດປະທານໂຮ່ຈິມິນ, ຕອນເຊົ້າວັນທີ 16/5, ຢູ່ສຳນັກງານປະທານປະເທດ, ທ່ານປະທານປະເທດ ຫວຽດນາມ Truong Tan Sang ໄດ້ໃຫ້ການຕ້ອນຮັບຄະນະຜູ້ແທນບັນດາອະດີດພະນັກງານເຄີຍອາລັກຂາ ແລະ ຮັບໃຊ້ລຸງໂຮ່. ກ່າວຄຳເຫັນນະທີ່ນີ້, ທ່ານປະທານປະເທດ Truong Tan Sang ສະແດງຄວາມເຄົາລົບນັບຖືຕໍ່ນຳໃຈ, ຄວາມເຄົາລົບນັບຖືຂອງອະດີດພະນັກງານ, ພາລະກອນທີ່ມີຕໍ່ລຸງໂຮ່. ທ່ານປະທານປະເທດ Truong Tan Sang ເນັ້ນໜັກນວ່າ ແນວຄິດ ແລະ ຄຸນສົມບັດຂອງລຸງໂຮ່ ແມ່ນລຽບງາຍ ແຕ່ກໍ່ຍິ່ງໃຫ່ຍທີ່ສຸດ. ໃນໄລຍະປະຈຸບັນ, ທົ່ວພັກ, ທົ່ວກອງທັບ ແລະ ທົ່ວປວງຊົນໄດ້ ແລະ ພວມຮ່ຳຮຽນ ແລະ ປະຕິບັດຕາມແບບຢ່າງຄຸນສົມບັດປະທານໂຮ່ຈິມິນ ບັນລຸໄດ້ຫຼາຍຜົນງານສຳຄັນ. ທ່ານປະທານປະເທດຖືວ່າ ກອງປະຊຸມສູນກາງພັກຄັ້ງທີ 5 ທີ່ຫາກໍ່ອັດລົງເມື່ອວັນທີ 16/5 ອີກເທື່ອໜື່ງໄດ້ຢັ້ງຢືນຄວາມຕັດສິນໃຈຂອງພັກ ແລະ ລັດ ໃນການປັບປຸງຄວາມໄວ້ເນື້ອເຊື່ອໃຈຂອງພະນັກງານ, ສະມາຊິກພັກ ເພື່ອນຳປະເທດຊາດພັດທະນາສົມກັບຄວາມປາດຖະໜາຂອງລຸງໂຮ່ ທີ່ແສນເຄົາລົບຮັກ. ທ່ານ Truong Tan Sang ກ່າວວ່າ: “ໃນຊຸດທີ 11 ນີ້, ພັກກອມມູນິດຫວຽດນາມ ໄດ້ປະກາດໃຊ້ມະຕິສູນກາງຄັ້ງທີ 4 ກ່ຽວກັບບາງບັນຫາຮີບດ່ວນກ່ຽວກັບການກໍ່ສ້າງພັກ. ຫວົງວ່າພັກຈະແມ່ນຄົນຮັບໃຊ້ທີ່ຈົ່ງຮັກພັກດີຕໍ່ປະຊາຊົນ ຄືດັ່ງຄຳສັ່ງສອນຂອງລຸງໂຮ່ຄາວເພີ່ນຍັງມີຊີວິດຢູ່. ທຸກໆຄົນຕ້ອງພະຍາຍາມປະຕິບັດວຽກງານທີ່ສາມາດປະຕິບັດໄດ້ ໃຫ້ສົມກັບເປັນລູກສິດ, ລູກຫຼານ, ແມ່ນທະຫານຂອງລຸງໂຮ່, ເດີນຕາມເສັ້ນທາງທີ່ລຸງໂຮ່ ທີ່ແສນເຄົາລົບຮັກໄດ້ເລືອກເຟັ້ນ“