ທ່ານນາຍົກລັດຖະມົນຕີ ຫງວຽນເຕີນຢຸງ ຕ້ອນຮັບ
ທ່ານເອກອັກຄະລັດຖະທູດອີນເດຍ Ranjit Rae
(ພາບ: chinhphu.vn)
(vovworld) - ຕອນບ່າຍວັນທີ 14 ສິງຫາ, ຢູ່ສຳນັກງານລັດຖະບານ, ທ່ານນາຍົກລັດຖະມົນຕີ ຫງວຽນເຕີນຢຸງ ໄດ້ໃຫ້ການຕ້ອນຮັບທ່ານເອກອັກຄະລັດຖະທູດອີນເດຍ Ranjit Rae ເຂົ້າຢ້ຽມອຳລາ ເນື່ອງໃນໂອກາດສິ້ນສຸດໜ້າທີ່ການທູດຢູ່ຫວຽດນາມ. ຢູ່ທີ່ນີ້, ທ່ານນາຍົກລັດຖະມົນຕີ ຫງວຽນເຕີນຢຸງ ຢືນຢັນວ່າ ຍາມໃດຫວຽດນາມ ກໍຖືເປັນສຳຄັນ ແລະ ຢາກພ້ອມກັບອີນເດຍ ສືບຕໍ່ມານະພະຍາຍາມເຮັດໃຫ້ການພົວພັນລະຫວ່າງ 2 ປະເທດ ນັບມື້ນັບມີປະສິດທິຜົນ, ເພື່ອຜົນປະໂຫຍດການພັດທະນາລວມຂອງທັງ 2 ປະເທດ ແລະ ເພື່ອສັນຕິພາບ, ສະຖຽນລະພາບ, ການຮ່ວມມືໃນພາກພື້ນ ແລະ ຢູ່ໃນໂລກ. ທ່ານນາຍົກລັດຖະມົນຕີ ຖືວ່າ, 2 ປະເທດຄວນເພີ່ມທະວີການເຄື່ອນໄຫວຮ່ວມມືດ້ານເສດຖະກິດ, ແລກປ່ຽນການຄ້າ, ການລົງທຶນກວ່າອີກ; ສະເໜີໃຫ້ອີນເດຍ ສ້າງເງື່ອນໄຂສະດວກເພື່ອໃຫ້ສິນຄ້າຫວຽດນາມ ແຊກຊືມເຂົ້າຕະຫຼາດອີນເດຍ ຢ່າງງ່າຍກ່ວາ. ທ່ານນາຍົກລັດຖະມົນຕີ ກໍ່ສະເໜີໃຫ້ 2 ຝ່າຍ ເພີ່ມທະວີບັນດາການເຄື່ອນໄຫວແລກປ່ຽນຄະນະຜູ້ແທນທຸກຂັ້ນ, ພົບປະແລກປ່ຽນປະຊາຊົນ, ສະໜັບສະໜູນເຊິ່ງກັນ ແລະ ກັນບົນເວທີປາໄສສາກົນ ແລະ ພາກພື້ນກວ່າອີກ; ສືບຕໍ່ເອົາໃຈໃສ່ເຖິງການຊຸກຍູ້ການຮ່ວມມືດ້ານສຶກສາ, ວັດທະນະທຳ, ວິທະຍາສາດເຕັກໂນໂລຊີ, ການປ້ອງກັນຊາດປ້ອງກັນຄວາມສະຫງົບ... ທ່ານນາຍົກລັດຖະມົນຕີ ຫງວຽນເຕີນຢຸງ ຢືນຢັນວ່າ, ຫວຽດນາມ ສະໜັບສະໜູນນະໂຍບານມຸ່ງໄປສູ່ທິດຕາເວັນອອກຂອງອີນເດຍ.