ນະຄອນ ໂຮ່ຈີມິນ ຜັນຂະຫຍາຍສົກຮຽນໃໝ່
ສົກຮຽນນີ້, ນະຄອນໄດ້ຍົກລະດັບ, ເພີ່ມຫ້ອງຮຽນໃໝ່ເກືອບ 1.200 ຫ້ອງ
(ພາບປະກອບ)
(vovworld) - ຕອນເຊົ້າວັນທີ 12/8, ພະແນກສຶກສານະຄອນ ໂຮ່ຈີມິນ ໄດ້ຈັດຕັ້ງກອງປະຊຸມສະຫຼຸບສົກຮຽນ 2011 – 2012 ແລະ ຜັນຂະຫຍາຍວຽກງານໜ້າທີ່ສົກຮຽນ 2012 – 2013. ສົກຮຽນ 2012 – 2013 ຖືກຂະແໜງສຶກສາ ແລະ ບຳລຸງສ້າງນະຄອນ ໂຮ່ຈີມິນເລືອກເຟັ້ນແມ່ນ “ສົກຮຽນສືບຕໍ່ປະຕິບັດການປ່ຽນໃໝ່ຢ່າງຮອບດ້ານ ໂຮງຮຽນເປີດກ້ວາງຮູບແບບໂຮງຮຽນກ້າວໜ້າ, ທັນສະໄໝ, ເຊື່ອມໂຍງເຂົ້າກັບພາກພື້ນ ແລະ ໂລກ”, ດ້ວຍບັນດາໜ້າທີ່ຈຸດສຸມແມ່ນ: ສືບຕໍ່ປ່ຽນໃໝ່ວຽກງານຄຸ້ມຄອງການສຶກສາ, ເພີ່ມທະວີການລົງທຶນເບິ່ງແຍງດູແລຖັນແຖວຄູອາຈານ ແລະ ພະນັກງານທຸກຂັ້ນ, ພັດທະນາເຄືອຂ່າຍໂຮງຮຽນຫ້ອງຮຽນ, ພື້ນຖານວັດຖຸອຸປະກອນການສຶກສາ. ສົກຮຽນໃໝ່ຈະເລີ່ມແຕ່ວັນທີ 15/8, ສົກຮຽນນີ້, ນະຄອນໄດ້ຍົກລະດັບ, ເພີ່ມຫ້ອງຮຽນໃໝ່ເກືອບ 1.200 ຫ້ອງເພື່ອແນໃສ່ຫຼຸດຜ່ອນຄວາມດັນກ່ຽວກັບຈຳນວນນັກຮຽນຢູ່ແຕ່ລະຫ້ອງ. ຖັນແຖວຄູອາຈານໄດ້ເພີ່ມຂຶ້ນເກືອບ 4000 ຄົນຢູ່ທຸກໆຊັ້ນຮຽນ. ທ່ານ Le Hong Son, ຜູ້ອຳນວຍການພະແນກສຶກສາ ແລະ ບຳລຸງສ້າງນະຄອນ ໂຮຈີມິນ ໃຫ້ຮູ້ວ່າ:
“ວຽກງານກະກຽມໃຫ້ແກ່ສົກຮຽນໃໝ່, ກະກຽມພື້ນຖານວັດຖຸ, ຖັນແຖວພະນັກງານ, ພວກຂ້າພະເຈົ້າຮັບປະກັນຢ່າງຄົບຖ້ວນ. ເລື່ອງຈັດຕັ້ງຍົກສູງການບຳລຸງສ້າງໃຫ້ຄູອາຈານໃນຍາມພັກແລ້ງ ພວກຂ້າພະເຈົ້າໄດ້ປະຕິບັດສຳເລັດ. ວຽກງານຄັດເລືອກນັກຮຽນຂັ້ນມາຮອດຈຸດເວລານີ້ໄດ້ເປັນປົກກະຕິ, ເພື່ອຮອດວັນທີ 15/8 ພວກນ້ອງນັກຮຽນເຂົ້າຮຽນ. ລະບົບຫ້ອງຮຽນ, ໂຮງຮຽນ ໄດ້ຮັບການກະກຽມ, ພ້ອມແລ້ວທີ່ສອນ ແລະ ຮຽນຮັບປະກັນມີບ່ອນຮຽນຢ່າງຄົບຖ້ວນໃຫ້ແກ່ນັກຮຽນໃນນະຄອນ.”