ການນໍາສອງທ່ານ ໄດ້ປຶກສາຫາລື ເຖິງຄວາມມານະພະຍາຍາມຮັກສາສັນຍາການຄ້າເສລີ ອາເມລິກາເໜືອ (NAFTA). ແຫຼ່ງຂ່າວຈາກຫ້ອງວ່າການນາຍົກລັດຖະມົນຕີ Justin Trudeau  ຢັ້ງຢືນວ່າ ການປຶກສາຫາລື ໄດ້ດໍາເນີນ “ຢ່າງຕັ້ງໜ້າ” ແຕ່ບໍ່ປະກາດຂໍ້ມູນລະອຽດຕື່ມອີກ.

        ແລະກໍໃນວັນທີ 11 ກໍລະກົດ, ທ່ານປະທານາທິບໍດີ ອາເມລິກາ Donald Trump ແລະ ທ່ານນາງນາຍົກລັດຖະມົນຕີ ເຢຍລະມັນ Angela Merkel  ກໍໄດ້ພົບກັນຢູ່ນອກກອງປະຊຸມສຸດຍອດ NATO ເຊັ່ນດຽວກັນ. ກ່າວຄໍາເຫັນທີ່ການປະຊຸມຂ່າວຮ່ວມ ພາຍຫຼັງການພົບປະສອງຝ່າຍ, ທ່ານປະທານາທິບໍດີ ອາເມລິກາ Donald Trump ຕີລາຄາການພົບປະໄດ້ດໍາເນີນໄປຢ່າງດີງາມ, ພ້ອມທັງໃຫ້ຮູ້ວ່າ ໄດ້ປຶກສາຫາລື ກ່ຽວກັບບັນດາບັນຫາຄ່າໃຊ້ຈ່າຍດ້ານການທະຫານ, ການຄ້າ ແລະ ທໍ່ສົ່ງນໍ້າມັນອາຍແກັດ ຢູ່ທາງທິດເໜືອຂອງລັດເຊຍ ກັບ ທ່ານນາງນາຍົກລັດຖະມົນຕີ ເຢຍລະມັນ Angela Merkel. ສ່ວນ ທ່ານນາງນາຍົກລັດຖະມົນຕີ ເຢຍລະມັນ Angela Merkel  ກໍຢັ້ງຢືນວ່າ ວໍຊິງຕັນ ແລະ ແບັກແລັງ ຍັງແມ່ນຄູ່ຮ່ວມມືທີ່ດີ ແລະ ມີຄວາມປາຖະໜາຢາກຮັກສາການຮ່ວມມືໃນອະນາຄົດ.