ພະນັກງານ, ພາລະກອນສະຖານທູດບໍລິຈາກເງິນສະໜັບສະໜູນປະຊາຊົນພາກກາງ
(ພາບ: Lê Hòa/Vietnam+)
|
(vovworld) – ວັນທີ 19/10, ສະຖານທູດ ຫວຽດນາມ ປະຈຳມາເລເຊຍ ໄດ້ຈັດຕັ້ງພິທີປຸກລະດົມການບໍລິຈາກເງິນເພື່ອສະໜັບສະໜູນພໍ່ແມ່ປະຊາຊົນ ແຂວງ ຮ່າຕິ້ງ ແລະ ກວາງບີ່ງ ຖືກຜົນເສຍຫາຍຍ້ອນພະຍຸນ້ຳຖ້ວມ. ທີ່ພິທີ, ທ່ານເອກອັກຄະລັດຖະທູດ ຫວຽດນາມ ປະຈຳ ມາເລເຊຍ ຟ້າມກາວຟອງ ໄດ້ຮຽກຮ້ອງໃຫ້ພະນັກງານ, ພາລະກອນສະຖານທູດ, ບັນດາວິສາຫະກິດ ແລະ ປະຊາຄົມຊາວ ຫວຽດນາມ ຢູ່ບໍລິເວນເຂົ້າຮ່ວມການບໍລິຈາກເງິນ, ສະໜັບສະໜູນພໍ່ແມ່ປະຊາຊົນຜູ້ຖືກປະສົບເຄາະຮ້າຍ, ປະກອບສ່ວນແກ້ໄຂຜົນຮ້າຍຢ້ອນຫຼັງ, ເຮັດໃຫ້ຊີວິດການເປັນຢູ່ເປັນປົກກະຕິ ແລະ ຟື້ນຟູການຜະລິດໂດຍໄວ.
ກໍ່ໃນວັນດຽວກັນ, ຢູ່ນະຄອນຫຼວງ ປຣາຮາ, ສ.ເຊັກໂກ ໄດ້ຈັດຕັ້ງລາຍການສະແດງບັນດາ ບົດເພງລະດູໃບໄມ້ຫຼົ່ນ ເນື່ອງໃນໂອກາດວັນແມ່ຍິງ ຫວຽດນາມ (20/10) ແລະ ມຸ່ງຫາພາກກາງ. ມີພໍ່ແມ່ປະຊາຊົນຊາວ ຫວຽດນາມ ທີ່ດຳລົງຊີວິດຢູ່ ປຣາຮາ ແລະ ແຂວງ ແປລນ ເກືອບ 200 ຄົນ ເຂົ້າຮ່ວມລາຍການສະແດງສິລະປະດັ່ງກ່າວ ເພື່ອເຊີດຊູແມ່ຍິງ ຫວຽດນາມ ແລະ ບໍລິຈາກເງິນສະໜັບສະໜູນພໍ່ແມ່ປະຊາຊົນພາກກາງ ຖືກຜົນເສຍຫາຍຍ້ອນພະຍຸນ້ຳຖ້ວມ.