ທ່ານປະທານປະເທດ ຫວຽດນາມ ເຈືອງເຕີນຊາງ
ພາບ:internet
|
(vovworld) - ວັນທີ 10/2, ເນື່ອງໃນໂອກາດຕົ້ນປີໃຫມ່ປະຈຳຊາດຫວຽດນາມ, ທ່ານປະທານປະເທດ ເຈືອງເຕີນຊາງ ໄດ້ລົງຢ້ຽມຢາມ ແລະ ອວຍພອນບຸນເຕັດບັນດານັກວິທະຍາສາດດີເດັ່ນພວມດຳລົງຊີວິດ ແລະ ເຮັດວຽກ ຢູ່ ນະຄອນໂຮ່ຈິມິນ. ທ່ານປະທານປະເທດ ໄດ້ຢື້ຢາມຖາມຂ່າວ ແລະ ອວຍພອນໃຫ້ບັນດານັກວິທະຍາສາດພອ້ມ ດ້ວຍຄອບຄົວຈົ່ງມີສຸຂະພາບເຂັ້ມແຂງ, ມີຄວາມຜາສຸກ, ບັນລຸຜົນງານດີເດັ່ນຫລາຍຢ່າງໃນປີ 2013. ທ່ານປະທານປະເທດຮັບຟັງຄຳເຫັນປະກອບຕ່າງໆຂອງບັນດານັກວິທະຍາສາດ ກ່ຽວກັບບັນດາມາດຕະການຊຸກຍູ້ການພັດທະນາພາລະກິດວິທະຍາສາດ ເຕັກໂນໂລຊີຂອງປະເທດຊາດ ແລະ ພ້ອມກັນແລກປ່ຽນກ່ຽວກັບສະພາບການເສດຖະກິດສັງຄົມ, ວຽກງານຮັບປະກັນຊີວິດສັງຄົມ, ວຽກງານກໍ່ສ້າງພັກ. ທ່ານປະທານປະເທດເຈືອງເຕີນຊາງ ມີຄວາມເຊື່ອໝັ້ນວ່າ ບັນດານັກວິທະຍາສາດ, ປັນຍາຊົນ ຈະເສີມຂະຫຍາຍພູມປັນຍາ, ສະຫງວນກຳລັງເຫື່ອແຮງ, ປະກອບສ່ວນເຂົ້າໃນການພັດທະນາປະເທດຊາດໃນວິວັດການເຊ່ືອມໂຍງເຂົ້າກັບສາກົນຫລາຍກວ່າອີກ.