ປະທານປະເທດເຈືອງເຕີນຊາງສົ່ງຂອງຂວັນບຸນເຕັດປີວອກໃຫ້ພະນັກງານ,ນັກຮົບແລະປະຊາຊົນເມືອງເກາະເຈື່ອງຊາ
ທ່ານປະທານປະເທດ ເຈືອງເຕີນຊາງ
(ພາບປະກອບ: TTXVN)
(vovworld) – ເນື່ອງໃນໂອກາດບຸນເຕັດປີວອກ 2016, ທ່ານປະທານປະເທດ ເຈືອງເຕີນຊາງ ໄດ້ສົ່ງບັດອວຍພອນບຸນເຕັດ ແລະ 100 ລ້ານດົ່ງ ເຊິ່ງແມ່ນຂອງຂວັນໃຫ້ພະນັກງານ, ນັກຮົບ ແລະ ປະຊາຊົນເມືອງເກາະເຈື່ອງຊາ. ກອງບັນຊາການທະຫານເຂດ 4 ເຫຼົ່າທັບເຮືອ, ນັບຮົບ ແລະ ປະຊາຊົນເມືອງເກາະເຈື່ອງຊາ ໄດ້ຮັບຂອງຂວັນດັ່ງກ່າວ ແລະ ຖືນີ້ແມ່ນຄວາມເອົາໃຈໃສ່ພິເສດຂອງປະທານປະເທດ, ຍິ່ງມີຄວາມຮັບຮູ້ແຈ້ງກ່ຽວກັບທີ່ຕັ້ງ, ຄວາມສຳຄັນຂອງທະເລ, ໝູ່ເກາະໃນພາລະກິດສ້າງສາ ແລະ ປົກປັກຮັກສາປະເທດຊາດ. ພະນັກງານ, ນັກຮົບ ແລະ ປະຊາຊົນເມືອງເກາະໝັ້ນໝາຍວ່າ ຈະມານະພະຍາຍາມຜ່ານຜ່າທຸກຄວາມຫຍຸ້ງຍາກ, ສິ່ງທ້າທາຍ, ຍົກສູງກຳລັງແຮງສັງລວມ, ກໍ່ສ້າງໝູ່ເກາະໃຫ້ “ໝັ້ນຄົງເຂັ້ມແຂງໃນການປ້ອງກັນ, ມີວິຖີດຳເນີນຊີວິດທີ່ດີ, ມີທັດສະນີຍະພາບສວຍງາມ, ເປັນແບບຢ່າງກ່ຽວກັບຄວາມສາມັກຄີລະຫວ່າງນັກຮົບ ແລະ ປະຊາຊົນ”; ຍາມໃດກໍຍົກສູງຈິດໃຈລະມັດລະວັງ, ກຽມພ້ອມຕໍ່ສູ້ເພື່ອປົກປັກຮັກສາອະທິປະໄຕເຂດທະເລ, ໝູ່ເກາະທີ່ສັກກະລະບຸຊາຂອງປະເທດຊາດໄວ້ຢ່າງໝັ້ນຄົງ.