ປະຊາຊົນ ຄັດຄ້ານເລື່ອງປົດຕຳແໜ່ງປະທານາທິບໍດີ
(ພາບ:viet.rfi.fr)
( vovworld ) – ດ້ວຍບັດສະໜັບສະໜູນ 39 ບັດ ແລະ ບັດຄັດຄ້ານ 4 ບັດນັ້ນ, ໃນອາທິດທີ່ຜ່ານມາ, ສະພາແຫ່ງຊາດ Paraguay ໄດ້ປົດຕຳແໜ່ງປະທານາທິບໍດີ Fernando Lugo ຍ້ອນໄດ້ປະໃຫ້ເກີດການພິພາດກັນນອງເລືອດ ທີ່ກ່ຽຂ້ອງເຖິງທີ່ດິນຢູ່ເຂດອະນຸລັກປ່າ ທາງທິດເໜືອປະເທດນີ້ເມື່ອທ້າຍອາທິດກ່ອນ ເຮັດໃຫ້ 17 ຄົນເສຍຊີວິດ. ຄັດຄ້ານຕໍ່ຂໍ້ຕົກລົງດັ່ງກ່າວ, ປະທານາທິບໍດີ Fernando Lugo ຖືວ່າ, ການປ່ອນບັດຂອງສະພາແຫ່ງຊາດແມ່ນການກະທຳລັດຖະປະຫານ ແລະ ກໍ່ຜົນເສຍຫາຍຕໍ່ພື້ນຖານປະຊາທິປະໄຕແຫ່ງຊາດ. ພາຍຫຼັງທີ່ປະທານາທິບໍດີ Fernando Lugo ຖືກປົດຕຳແໜ່ງ, ໄດ້ເກີດການແຫ່ຂະບວນປະທ້ວງຂະໜາດໃຫ່ຍທີ່ນະຄອນຫຼວງ Asuncion. ມີປະຊາຊົນປະມານ 5000 ຄົນໄດ້ເຕົ້າໂຮມກັນຢູ່ນອກສຳນັກງານສະພາແຫ່ງຊາດເພື່ອສະແດງການສະໜັບສະໜູນນັກການເມືອງຝ່າຍຊ້າຍນີ້. ປ່ຽນແທນທ່ານປະທານາທິບໍດີ Fernando Lugo ແມ່ນທ່ານຮອງປະທານາທິບໍດີ Fedeirico Franco. ຫຼາຍປະເທດໃນອາມິລິກາໃຕ້ໄດ້ຄັດຄ້ານ ແລະ ປະກາດບໍ່ຮັບຮູ້ລັດຖະບານໃໝ່ຢູ່ Paraguay ແລະ ຮຽກຕົວເອກອັກຄະລັດຖະທູດຂອງຕົນກັບຄືນປະເທດ, ພ້ອມທັງກ່າວປະນາມລະບຽບການດຳເນີນຄະດີຂອງສະພາແຫ່ງຊາດ Paraguay ແມ່ນການກະທປົກປິດໃຫ້ແກ່ການກໍ່ລັດຖະປະຫານ.