ປະທານາທິບໍດີ ອັກຊັງຕິນ ຢ້ຽມຢາມນະຄອນ ໂຮ່ຈິມິນ
ທ່ານເລຮ່ວາງກວນ ປະທານຄະນະກຳມະການປະຊາຊົນ ນະຄອນ ໂຮ່ຈິມິນໃຫ້ການຕ້ອນຮັບ ປະທານາທິບໍດີ ອັກຊັງຕິນ Cristina Elisabet Fernander de Kirchner (ພາບ : TTXVN)
|
Vovworld- ໃນຂອບເຂດການຢ້ຽມຢາມຫວຽດນາມຢ່າງເປັນທາງການ, ຕອນຄ່ຳວັນທີ 19/1, ຢູ່ ນະຄອນ ໂຮ່ຈິມິນ, ປະທານາທິບໍດີ ອັກຊັງຕິນ Cristina Elisabet Fernander de Kirchner ພ້ອມດ້ວຍຄະນະ ໄດ້ມີການເຮັດວຽກກັບການນຳ ນະຄອນ ໂຮ່ຈິມິນ ໂດຍທ່ານເລຮ່ວາງກວນ ປະທານຄະນະກຳມະການປະຊາຊົນ ນະຄອນ ໂຮ່ຈິມິນເປັນປະທານ. ທີ່ການຕ້ອນຮັບ, ທ່ານເລຮ່ວາງກວນ ປະທານຄະນະກຳມະການປະຊາຊົນ ນະຄອນ ໂຮ່ຈິມິນ ຢືນຢັນວ່າ ການຢ້ຽມຢາມຂອງ ປະທານາທິບໍດີ ອັກຊັງຕິນ Cristina Elisabet Fernander de Kirchner ຄັ້ງນີ້ ເປັນການເປີດສາກບັນດາການເຄື່ອນໄຫວສະເຫຼີມສະຫຼອງ 40 ປີແຫ່ງວັນສ້າງຕັ້ງການພົວພັນທາງການທູດລະຫວ່າງ ອັກຊັງຕິນ-ຫວຽດນາມ. ກ່າວຄຳເຫັນທີ່ການເຮັດວຽກ, ປະທານາທິບໍດີ ອັກຊັງຕິນ Cristina Elisabet Fernander de Kirchner ຖືວ່າ : ເຖິງວ່າຢູ່ຫ່າງໄກຈາກກັນທາງດ້ານພູມີປະເທດກໍຕາມ, ແຕ່ດ້ວຍການພັດທະນາດ້ານວິທະຍາສາດ-ເຕັກໂນໂລຢີ, ຈະຊ່ວຍໃຫ້ 2 ປະເທດສາມາດຫຍັບມໍ່ເຂົ້າກັນ ແລະ ການພົວພັນຮ່ວມມືໃນຫຼາຍດ້ານລະຫວ່າງ 2 ປະເທດຈະນັບມື້ນັບພັດທະນາ. ເມື່ອລົງຢ້ຽມຢາມ, ທັດສະນະສຶກສາຢູ່ເຂດປູຊະນີຍະສະຖານປະຫວັດສາດ ຂຸມອຸໂມງໃຕ້ດິນ ກູຈີ, ປະທານາທິບໍດີ ອັກຊັງຕິນ Cristina Elisabet Fernander de Kirchner ໃຫ້ຮູ້ວ່າ :
“ ການລົງຢ້ຽມຢາມຂຸມອຸໂມງໃຕ້ດິນ ກູຈີ ແມ່ນເປັນໜ້າປະທັບໃຈທີ່ສຸດ. ຂ້າພະເຈົ້າສາມາດເຫັນໄດ້ ເຖິງຄວາມພະຍາຍາມຂອງປະຊາຊົນຫວຽດນາມໃນ ການສູ້ຮົບເພື່ອຍາດເອົາເອກະລາດ, ອິດສະຫຼະພາບ ອັນສູງສົ່ງ ແມ່ນຄືແນວໃດ. ຂ້າພະເຈົ້າຂໍຕາງໜ້າໃຫ້ແກ່ປະຊາຊົນ ແລະ ລັດຖະບານອັກຊັງຕິນ ໄດ້ມາຢ້ຽມຢາມ ປະເທດຫວຽດນາມ. 2 ປະເທດພວກເຮົາຕ່າງກໍມີພື້ນຖານ ເສດຖະກິດພວມພັດທະນາ, ຂ້າພະເຈົ້າເຊື່ອແນ່ວ່າ ດ້ວຍການຮ່ວມມືຢ່າງແໜ້ນແຟ້ນ, ພວກເຮົາຈະສາມາດສ້າງໂລກທີ່ດີງາມກ່ວາ, ພ້ອມທັງປົວແປງສັງຄົມ ກໍຄືຊີວິດການເປັນຢູ່ຂອງປະຊາຊົນ”