ທ່ານເອກອັກຄະລັດຖະທູດຫວຽດນາມປະຈຳນິວເຊີແລນ ຫງວຽນຫວຽດຢຸງກ່າວຄຳເຫັນທີ່ພິທີ |
(vovworld)- ຕອນຄ່ຳວັນທີ 11/8, ຢູ່ນະຄອນຫຼວງ ເວລິນຕອນ, ສະຖານທູດຫວຽດນາມໄດ້ເປັນປະທານ ແລະ ສົມທົບກັບບັນດາປະເທດອາຊຽນຢູ່ນິວເຊີແລນ ຈັດການຕ້ອນຮັບແຂກ, ເນື່ອງໃນໂອກາດສະເຫຼີມສະຫຼອງ 48 ປີແຫ່ງວັນສ້າງຕັ້ງອາຊຽນ (8/8/1967 – 8/8/2015) , ແລະ ສະເຫຼີມສະຫຼອງ 40 ປີແຫ່ງການພົວພັນຄູ່ຮ່ວມມືອາຊຽນ-ນິວເຊີແລນ. ກ່າວຄຳເຫັນທີ່ພິທີ, ທ່ານເອກອັກຄະລັດຖະທູດຫວຽດນາມປະຈຳນິວເຊີແລນ ຫງວຽນຫວຽດຢຸງ ເນັ້ນໜັກວ່າ ອາຊຽນພາຍຫຼັງ 48 ປີແຫ່ງການສ້າງຕັ້ງ ແລະ ຂະຫາຍາຍຕົວ, ໄດ້ກາຍເປັນອົງການຮ່ວມມືລະດັບພາກພື້ນຮອບດ້ານ, ແມ່ນປະຊາຄົມການເມືອງ, ເສດຖະກິດ ມີຄວາມສະໜິດຕິດພັນ ແລະ ຂະຫຍັນຂັ່ນເຄື່ອນ. ການສ້າງຕັ້ງປະຊາຄົມໂດຍຖືເອົາປະຊາຊົນເປັນສູນກາງໃນທ້າຍປີ 2015 ແນ່ນອນວ່າ ຈະແມ່ນຫຼັກໝາຍທີ່ສຳຄັນຂອງອາຊຽນ.