ມອບລາງວັນໃຫ້ການເສັງແຕ່ງບົດກະວີ ແລະ ບົດເພງ “ນີ້ແມ່ນທະເລຫວຽດນາມ”
ພິທີມອບລາງວັນ “ນີ້ແມ່ນທະເລຫວຽດນາມ”
(ພາບ: vanvn.net)
(vovworld) - ຕອນຄ່ຳວັນທີ 19/2, ຢູ່ຫໍວັດທະນະທຳມິດຕະພາບຫວຽດໂຊ ທີ່ຮ່າໂນ້ຍ ໄດ້ດຳເນີນພິທີມອບລາງວັນ ແລະ ສະແດງບັນດາບົດກະວີ, ບົດເພງທີ່ໄດ້ຮັບລາງວັນໃນການເສັງແຕ່ງບົດກະວີ ແລະ ບົດເພງທີ່ມີຫົວຂໍ້ວ່າ: “ນີ້ແມ່ນທະເລຫວຽດນາມ”. ດ້ວຍບົດກະວີ, ບົດເພງກ່ວາ 1.500 ບົດທີ່ເຂົ້າຮ່ວມການເສັງ, ອາດເວົ້າໄດ້ວ່າ, ການເສັງນີ້ ໂດຍໜັງສືພິມເອເລັກໂຕນິກ Vietnamnet - ສະມາຄົມນັກປະພັນດົນຕີ - ສະມາຄົມນັກປະພັນຫວຽດນາມສົມທົບກັນຈັດຕັ້ງຂຶ້ນໄດ້ສ້າງການກະທົບຢ່າງກ້ວາງຂວາງໃນສັງຄົມດ້ວຍນັກປະພັນທຸກຊັ້ນວັນນະເຂົ້າຮ່ວມເປັນຈຳນວນຫຼວງຫຼາຍ. ທີ່ພິທີມອບລາງວັນ, ນັກກະວີ ຮືວຖິງ - ປະທານສະມາຄົມນັກປະພັນຫວຽດນາມໃຫ້ຮູ້ວ່າ:
“ການເສັງນີ້ໄດ້ເປັນການປຸກລຸກນ້ຳໃຈຮັກຊາດ, ຮັກບ້ານເກີດເມືອງນອນຂອງປະຊາຊົນຫວຽດນາມ, ໃນນັ້ນທະເລພຽງແຕ່ແມ່ນພາກສ່ວນໜຶ່ງຂອງປະເທດເຮົາເທົ່ານັ້ນ. ວັນນະຄະດີສິລະປະໃນຊຸມປີຜ່ານມາໄດ້ມີການປ່ຽນໃໝ່ ແລະ ພັດທະນາ, ແຕ່ມີບາງຄັ້ງບາງຄາວມັນບໍ່ໄດ້ສະແດງອອກ... ການເສັງຄັ້ງນີ້ຂອງພວກເຮົາສາມາດແກ້ໄຂບັນດາສິ່ງທີ່ຂາດຕົກບົກຜ່ອງນັ້ນ, ມັນໄດ້ຊ່ວຍໃຫ້ທຸກຄົນມຸ້ງໄປສູ່ບັນດາຄຸນຄ່າອັນສູງສົ່ງ”
ຄະນະຈັດຕັ້ງໄດ້ມອບລາງວັນພິເສດໃຫ້ບົດເພງປະສານສຽງ “ອະນຸສອນກ່ຽວກັບເຈື່ອງຊາ” ແລະ ບົດເພງປະສານສຽງ “ທະເລໝູ່ເກາະວິລະຊົນ, ປະເທດຊາດສະຫງ່າງາມ”.