ຢູແກຼນປະຕິເສດຄຳກ່າວຫານຳໃຊ້ກຳລັງປະກອບອາວຸດເພື່ອຍຸບເລິກການແຫ່ຂະບວນປະທ້ວງ
ຕຳຫຼວດຜັນຂະຫຍາຍການປ້ອງກັນຢູ່ສຳນັກງານກະຊວງພາຍໃຈ ຢູ່ນະຄອນຫຼວງ Kiev ໃນວັນທີ 9/12
(ພາບ: AFP/TTXVN)
(vovworld) - ວັນທີ 11/12, ກະຊວງພາຍໃນ ຢູແກຼນ ໄດ້ປະຕິເສດຄຳກ່າວຫາທີ່ວ່າ: ຕຳຫຼວດປະເທດນີ້ໄດ້ນຳໃຊ້ກຳລັງປະກອບອາວຸດສຳລັບບັນດາຜູ້ແຫ່ຂະບວນປະທ້ວງ ເມື່ອເຂົາເຈົ້າດຳເນີນການຍຸບເລິກຮົ້ວກີດຂວາງ ແລະ ຕູບທີ່ຕັ້ງຢູ່ໃກ້ກັບສຳນັກງານລັດຖະບານແຫ່ງຕ່າງໆທີ່ນະຄອນຫຼວງ Kiev.
ກະຊວງພາຍໃນ ຢູແກຼນ ຢັ້ງຢືນວ່າ: ເຈົ້າໜ້າທີ່ ຢູແກຼນ ຕ້ອງນຳໃຊ້ບາງມາດຕະການເພື່ອຍຸບເລິກຜູ້ແຫ່ຂະບວນຢູ່ທ້ອງຖະໜົນທີ່ໃກ້ກັບສະໜາມຫຼວງ ເສລີພາບ, ແຕ່ບໍ່ນຳໃຊ້ແກັດນ້ຳຕາ ຫຼື ຈັບຕົວ, ທົບຕີ ຜູ້ແຫ່ຂະບວນປະທ້ວງ, ບັນດາແຫຼ່ງຂ່າວກ່າວຫາຕຳຫຼວດນຳໃຊ້ກຳລັງອາວຸດໂດຍນັກການເມືອງຍົກອອກມາແມ່ນເພື່ອຫຼອກລວງຫາງສຽງສັງຄົມ, ກໍ່ຄວາມຂາດສະຖຽນລະພາບທາງສັງຄົມ.
ກະຊວງດັ່ງກ່າວຮຽກຮ້ອງໃຫ້ຜູ້ແຫ່ຂະບວນປະທ້ວງລະງັບໃຈ, ບໍ່ມີການກະທຳລະເມີດກົດໝາຍ, ພ້ອມທັງກ່າວເຕືອນບັນດາຜູ້ຕັ້ງໃຈກໍ່ໃຫ້ເກີດຄວາມວຸນວາຍຕ້ອງຮັບຜິດຊອບຕໍ່ກົດໝາຍ. ເຖິງຢ່າງໃດກໍ່ຕາມ, ຝ່າຍຄ້ານຍັງຄົງຖະແຫຼງຈະສືບຕໍ່ຕັ້ງຕູບ ແລະ ຮົ້ວກີດຂວາງຢູ່ບ່ອນເກົ່າເພື່ອດຳເນີນການເຄື່ອນໄຫວຄັດຄ້ານອຳນາດການປົກຄອງ.