ທ່ານລັດຖະມົນຕີການຕ່າງປະເທດ ອາເມລິກາ Antony Blinken  ພ້ອມດ້ວຍຄູ່ຕຳແໜ່ງ ຍີ່ປຸ່ນ Yoshimasa Hayashi ແລະ ທ່ານລັດຖະມົນຕີການຕ່າງປະເທດ ສ.ເກົາຫຼີ  Park Jin (ພາບ: Kyodo)

ກອງປະຊຸມທາງໄກໄດ້ດຳເນີນໃນສະພາບບັນດາປະເທດ ອາເມລິກາ, ສ.ເກົາຫຼີ ແລະ ຍີ່ປຸ່ນ ຊອກຫາວິທີຢັ້ງຢືນຄວາມສາມັກຄີຄືນໃໝ່ໃນການຮັບມືກັບບັນດາໄພນາບຂູ່ຕໍ່ຄວາມໝັ້ນຄົງຂອງພາກພື້ນ. ເຈົ້າໜ້າທີ່ລັດຖະບານຫຼາຍທ່ານໃຫ້ຮູ້ວ່າ ບັນດາລັດຖະມົນຕີການຕ່າງປະເທດ ກໍປຶກສາຫາລືບັນດາບັນຫາທີ່ກ່ຽວຂ້ອງເຖິງຄວາມໝັ້ນຄົງ, ເສດຖະກິດ ແລະ ປັນຍາປະດິດ. ລັດຖະມົນຕີການຕ່າງປະເທດສາມຝ່າຍກໍສຸມໃສ່ປຶກສາຫາລືບັນດາບັນຫາອື່ນ, ເປັນຕົ້ນແມ່ນການປະທະກັນລະຫວ່າງ ລັດເຊຍ - ຢູແກຼນ ແລະ ການຮັບປະກັນລະບົບສະໜອງບັນດາຜະລິດຕະພັນຫຼັກແຫຼ່ງເປັນຕົ້ນແມ່ນ ທາດເຄິ່ງຊັກນຳໄຟຟ້າ.

        ຄາດວ່າ, ກອງປະຊຸມສຸດຍອດ ອາເມລິກາ - ຍີ່ປຸ່ນ - ສ.ເກົາຫຼີ ໂດຍ ທ່ານປະທານາທິບໍດີ ອາເມລິກາ Joe Biden  ເປັນປະທານ  ແລະ ຈະຈັດຂຶ້ນຢູ່ ເຂດຕາກອາກາດ ຄ້າຍ David, ໃກ້ ວໍຊີງຕັນ ໃນວັນທີ 18 ສິງຫາ ຈະມາເຖິງ. ກອງປະຊຸມຈະສ້າງຂີດໝາຍເປັນຄັ້ງທຳອິດທ່ານປະທານາທິບໍດີ Biden  ຕ້ອນຮັບບັນດາການນຳຕ່າງປະເທດ ມາ ຄ້າຍ David, ນັບແຕ່ເມື່ອທ່ານຮັບດຳລົງຕຳແໜ່ງໃນປີ 2021.