(vovworld) – ຕອນຄຳ່ວັນທີ 7/2, ຜ່ານລາຍການໂທລະພາບຖ່າຍທອດສົດຂອງວິທະຍຸກະຈາຍສຽງ - ໂທລະພາບ ແຂວງແຄ໋ງຮ່ວາ ດ້ວຍຫົວຂໍ້ “ມຸ້ງໄປເຖິງ ເຈື່ອງຊາ”, ແຂວງ ແຄ໋ງຮ່ວາ ໄດ້ຈັດຕັ້ງພິທີອວຍພອນບຸນປີໃໝ່ໃຫ້ແກ່ພະນັກງານ, ນັກຮົບ ແລະ ປະຊາຊົນເມືອງເກາະ ເຈື່ອງຊາ. ຢູ່ເມືອງເກາະ ເຈື່ອງຊາ, ທ່ານ ຟ້າມວັນຮ໋ຽນ, ປະທານຄະນະກຳມະການປະຊາຊົນເທດສະບານ ເຈື່ອງຊາ ແລະ ພັນຕີ ເຈີນມິນທ່ວນ, ຫົວໜ້າເກາະ ນາມອຽດ ໃຫ້ຮູ້ວ່າ: ດ້ວຍຄວາມເອົາໃຈໃສ່ເປັນພິເສດຂອງເຫຼົ່າທັບເຮືອ ຫວຽດນາມ, ແຂວງ ແຄ໋ງຮ່ວາ ແລະ ປະຊາຊົນໃນທົ່ວປະເທດ, ກິດຈະກຳພື້ນຖານໂຄງລ່າງຫຼາຍແຫ່ງໄດ້ ແລະ ພວມໄດ້ຮັບການກໍ່ສ້າງ, ສ້າງໂສມໜ້າໃໝ່ທີ່ທັນສະໄໝໃຫ້ແກ່ເມືອງເກາະ ເຈື່ອງຊາ ແລະ ບັນດາຕາແສງໃນເກາະ, ຕອບສະໜອງຄວາມຕ້ອງການໂດຍພື້ນຖານກ່ຽວກັບຊີວິດທາງດ້ານວັດຖຸ ແລະ ຈິດໃຈໃຫ້ແກ່ທະຫານ ແລະ ປະຊາຊົນໃນເມືອງເກາະ. ກ່ຽວກັບວຽກງານກະກຽມຕ້ອນຮັບບຸນປີໃໝ່ໃຫ້ແກ່ພະນັກງານ, ນັກຮົບ ແລະ ປະຊາຊົນ ເຈື່ອງຊາ, ມາຮອດປະຈຸບັນ ວຽກງານທຸກຢ່າງໄດ້ສຳເລັດແລ້ວ ດ້ວຍນ້ຳໃຈເບີກບານມ່ວນຊື່ນ, ປະຢັດ, ປອດໄພ ແລະ ກຽມພ້ອມສູ້ຮົບສູງ, ທ້ອງຖິ່ນຕ່າງໆ ໄດ້ຮັບປະກັນມີທັນຍາຫານ, ອາຫານຢ່າງພຽງພໍ, ແລະ ຈັດລາຍການສະແດງສິລະປະ, ກິລາເພື່ອຕ້ອນຮັບບຸນປີໃໝ່.