(ພາບປະກອບ)
(vovworld) - ວັນທີ 28/9, ຢູ່ນະຄອນ ໂຮ່ຈີມິນ, ໃນມື້ເຮັດວຽກທີ 2 ຂອງວາລະປະຊຸມຄົບຄະນະຄັ້ງທີ 6, ກຳມາທິການກົດໝາຍສະພາແຫ່ງຊາດໄດ້ປະກອບຄວາມເຫັນກ່ຽວກັບຮ່າງບົດລາຍງານໝາກຜົນແຫ່ງການຕິດຕາມກວດກາການປະຕິບັດກົດໝາຍກ່ຽວກັບການປັບໄໝກໍລະນີລະເມີດດ້ານບໍລິຫານໃນຂົງເຂດຄົມມະນາຄົມຂົນສົ່ງ (ໄລຍະ 2009-2011) ແລະບົດລາຍງານວຽກງານແກ້ໄຂຄຳຟ້ອງຮ້ອງ, ກ່າວຟ້ອງຂອງລັດຖະບານປີ 2012. ກ່ຽວກັບວຽກປະຕິບັດກົດໝາຍກ່ຽວກັບການປັບໄໝກໍລະນີລະເມີດດ້ານບໍລິຫານໃນຂົງເຂດຄົມມະນາຄົມຂົນສົ່ງ, ສະມາຊິກສະພາແຫ່ງຊາດ ຫຼາຍທ່ານຖືວ່າລະດັບປັບໄໝລົງໂທດໃນປະຈຸບັນແມ່ນເໝາະສົມ, ແຕ່ກໍ່ສະເໜີລັດຖະບານ ແລະຂະແໜງທີ່ກ່ຽວຂ້ອງຄວນເພີ່ມທະວີພາຫະນະອຸປະກອນ ເພື່ອຄົ້ນພົບ ແລະ ປັບໄໝລົງໂທດບັນດາກໍລະນີລະເມີດໃຫ້ຫຼາຍກວ່າ. ສ່ວນທ່ານ Tran Tien Dung, ຮອງຫົວໜ້າຄະນະສະມາຊິກສະພາແຫ່ງຊາດ (ສສຊ) ແຂວງ ຮ່າຕິ້ງ ເວົ້າວ່າ:
”ຄວາມຈິ່ງແລ້ວ, ຄວາມຮັບຜິດຊອບຂອງອຳນາດການປົກຄອງທ້ອງຖີ່ນແມ່ນບໍ່ທັນສູງ, ສ່ວນຫຼາຍແມ່ນປະໃຫ້ບັນດາກຳລັງມີບົດບາດໜ້າທີ່ຮັບຜິດຊອບ. ຄະນະພັກ, ອຳນາດການປົກຄອງທ້ອງຖີ່ນຕ້ອງມີຄວາມຮັບຜິດຊອບຄຸ້ມຄອງຄົມມະນາຄົມ, ພື້ນຖານໂຄງລ່າງຄົມມະນາຄົມ, ລາດຕາເວັນ, ກວດກາ, ເມື່ອຄົ້ນພົບກໍລະນີລະເມີດ ຖ້າຂຶ້ນກັບສິດອຳນາດຂອງຕົນແມ່ນຕ້ອງປັບໄໝລົງໂທດໃນທັນທີ, ຖ້າບໍ່ຂຶ້ນກັບສິດອຳນາດຂອງຕົນກໍ່ຕ້ອງສະໜອງຂໍ້ມູນໃຫ້ພາກສ່ວນອື່ນໆແກ້ໄຂ. ເຮັດໄດ້ຄືແນວນັ້ນຈຶ່ງມີປະສິດທິຜົນ”