(vovworld) - ຕອນເຊົ້າວັນທີ 24/12, ຢູ່ສຳນັກງານລັດຖະບານ, ທ່ານນາຍົກລັດຖະມົນຕີ ຫງວຽນເຕີນຢຸງ ສືບຕໍ່ຊີ້ນຳກອງປະຊຸມລັດຖະບານກັບບັນດາທ້ອງຖິ່ນ ເພື່ອແນໃສ່ຮັບຟັງຄຳເຫັນຂອງທ້ອງຖິ່ນຕ່າງໆເພື່ອແນໃສ່ສຳເລັດຮ່າງມະຕິຂອງລັດຖະບານກ່ຽວກັບບັນດາມາດຕະການຊີ້ນຳ, ບໍລິຫານການປະຕິບັດແຜນການພັດທະນາເສດຖະກິດສັງຄົມ ແລະ ແຜນງົບປະມານແຫ່ງລັດປີ 2014.
ຕີລາຄາກ່ຽວກັບສະພາບເສດຖະກິດສັງຄົມ ແລະ ວຽກງານຊີ້ນຳ, ບໍລິຫານຂອງລັດຖະບານໃນປີ 2013, ບັນດາທ້ອງຖິ່ນໄດ້ຕີລາຄາສູງເລື່ອງລັດຖະບານ, ນາຍົກລັດຖະມົນຕີ ຊີ້ນຳ, ບໍລິຫານຢ່າງລະອຽດດ້ວຍເອກະສານນັບແຕ່ຕົ້ນປີ. ບັນດາກະຊວງ, ຂະແໜງການກໍ່ໄດ້ປະກາດໃຊ້ລາຍການ, ແຜນການເຄື່ອນໄຫວ, ເອກະສານຊີ້ນຳ ເພື່ອຈັດຕັ້ງການປະຕິບັດຢ່າງທັນການ. ມີຫຼາຍຄຳເຫັນໄດ້ຕີລາຄາສູງເລື່ອງລັດຖະບານຢືດໝັ້ນທັດສະນະຊີ້ນຳ, ບໍລິຫານຢ່າງມີໄຫວພິບ ຮັບປະກັນລັກສະນະກົມກຽວກັບບັນດາຄາດໝາຍຮີບດ່ວນໃນຕໍ່ໜ້າ ກໍ່ຄືລັກສະນະສັງລວມໄລຍະຍາວ ສຳລັບທິດທາງພັດທະນາຂອງພື້ນຖານເສດຖະກິດ. ໝາກຜົນເສດຖະກິດສັງຄົມໃນປີ 2013 ໄດ້ມີການຫັນປ່ຽນຢ່າງຖືກທິດ, ບັນລຸໄດ້ຈຸດໝາຍລວມໂດຍພື້ນຖານ ເຊິ່ງພິສູດໃຫ້ເຫັນວ່າ ແຜນນະໂຍບາຍ, ແນວທາງ ແລະ ນະໂຍບາຍພັດທະນາເສດຖະກິດສັງຄົມຂອງສູນກາງແມ່ນຖືກຕ້ອງ.