(vovworld) - ຕອນບ່າຍວັນທີ 02/08, ຢູ່ທຳນຽບປະທານປະເທດ, ທ່ານປະທານປະເທດຫວຽດນາມ ເຈີນດ້າຍກວາງ ໄດ້ໃຫ້ການຕ້ອນຮັບທ່ານ Him Chhem, ກຳມະການກົມການເມືອງ, ລັດຖະມົນຕີຂັ້ນສູງທັງເປັນລັດຖະມົນຕີກະຊວງພິທີການ ແລະ ສາສະໜາກຳປູເຈຍ, ພວມຢ້ຽມຢາມ ແລະ ເຮັດວຽກຢູ່ຫວຽດນາມ. ທີ່ການຕ້ອນຮັບ, ທ່ານປະທານປະເທດ ເຈີນດ້າຍກວາງ ປາດຖະໜາວ່າ, ໃນໄລຍະຈະມາເຖິງຄະນະສາສະໜາລັດຖະບານຫວຽດນາມ ແລະ ກະຊວງພິທີການ ແລະ ສາສະໜາກຳປູເຈຍ ຕ້ອງເປັນເຈົ້າການ, ຕັ້ງໜ້າກວ່າ ໃນການປະຕິບັດລາຍການຮ່ວມມື, ຍົກສູງປະສິດທິຜົນການຮ່ວມມືໃນຂົງເຂດສາສະໜາ. 2 ອົງການຕ້ອງສືບຕໍ່ໜູນຊ່ວຍ, ສ້າງເງື່ອນໄຂໃຫ້ສະມາຄົມພຸດມະສາສະໜາຫວຽດນາມ ແລະ ພຸດທະສາສະໜາ ກຳປູເຈຍ ເພີ່ມທະວີບັນດາການເຄື່ອນໄຫວແລກປ່ຽນຄະນະຜູ້ແທນ.
ກ່ອນໜ້ານັ້ນ, ໃນຕອນເຊົ້າວັນດຽວກັນ, ໄດ້ດຳເນີນການເຈລະຈາລະຫວ່າງຄະນະສາສະໜາລັດຖະບານຫວຽດນາມ ແລະ ກະຊວງພິທີການ ແລະ ສາສະໜາກຳປູເຈຍ. 2 ຝ່າຍໄດ້ແລກປ່ຽນກ່ຽວກັບສະພາບການສາສະໜາ ແລະ ບົດຮຽນໃນການຄຸ້ມຄອງແຫ່ງລັດກ່ຽວກັບສາສະໜາ, ຕີລາຄາໝາກຜົນແຫ່ງການປະຕິບັດຂໍ້ຕົກລົງຮ່ວມມືກ່ຽວກັບວຽກງານສາສະໜາທີ່ໄດ້ລົງນາມຢູ່ນະຄອນໂຮ່ຈິມິນ ເມື່ອເດືອນ 02/2015.