(ພາບ:baodientu.chinhphu.vn
(vovworld)- ຕອນຄ່ຳວັນທີ 25/8, ຢູ່ແຂວງບ່າເຣັ້ຍຫວູ໋ງເຕົາ, ຄະນະກຳມະການ ປຊຊ ແຂວງໄດ້ຈັດງານລາຕີພົບປະແລກປ່ຽນວັດທະນະທຳສິລະປະ ແລະ ອັດສັບປະດາວັດທະນະທຳຫວຽດນາມ-ຍີ່ປຸ່ນ. ສັບປະດາວັດທະນະທຳຫວຽດນາມ-ຍີ່ປຸ່ນ ໂດຍຄະນະກຳມະການ ປຊຊ ແຂວງບ່າເຣັ້ຍຫວູ໋ງເຕົາ ຈັດຕັ້ງຂຶ້ນແຕ່ວັນທີ 17-25/8. ການເຄື່ອນໄຫວຕ່າງໆໃນສັບປະດາລວມມີ: ການເສັງຊອກຮູ້ 40 ປີແຫ່ງວັນສ້າງຕັ້ງການພົວພັນທາງການທູດຫວຽດນາມ-ຍີ່ປຸ່ນ; ເຊີນບັນດາຄອບຄົວຍີ່ປຸ່ນ ປະສົບເຄາະຮ້າຍໃນໄພພິບັດຄື້ນຟອງທີ່ຮ້າຍແຮງເມື່ອວັນທີ 11/3/2011 ມາຢ້ຽມຢາມແຂວງບ່າເຣັ້ຍຫວູ໋ງເຕົາ; ງານວາງສະແດງຮູບພາບ “ຫວຽດນາມ-ຍີ່ປຸ່ນ, ບ່າເຣັ້ຍຫວູ໋ງເຕົາ-Kawasaki: ປະເທດຊາດ ແລະ ປຊຊ“; ຊຸມວັນວັດທະນະທຳຫວຽດນາມ-ຍີ່ປຸ່ນ; ໄຂສູນສອນພາສາຍີ່ປຸ່ນ…ເຂົ້າຮ່ວມລາຍການພົບປະແລກປ່ຽນວັດທະນະທຳຫວຽດນາມ-ຍີ່ປຸ່ນ ມີບັນດານັກຮ້ອງ, ນັກສິລະປິນສອງປະເທດດ້ວຍບັນດາບົດເພງ, ວາດຟ້ອນທີ່ເຂັ້ນຂົ້ນໄປດ້ວຍສີສັນວັດທະນະທຳທີ່ເປັນເອກະລັກສະເພາະຂອງສອງປະເທດ.
ໃນຕອນຄ່ຳຂອງວັນດຽວກັນ, ຢູ່ວັດຂົວ ນະຄອນໂຮ້ຍອານ, ໄດ້ຈັດງານລາຕີອັດ “ລາຍການພົບປະແລກປ່ຽນວັດທະນະທຳໂຮ້ຍອານ-ຍີ່ປຸ່ນ“. ລາຍການສະແດງສິລະປະໃນງານລາຕີດັ່ງກ່າວ ໄດ້ເປີດສາກດ້ວຍດົນຕີປະສານສຽງໂດຍບັນດານັກສະແດງຂອງສູນວັດທະນະທຳກິລານະຄອນໂຮ້ຍອານສະແດງ, ຕໍ່ຈາກນັ້ນແມ່ນບັນດາບົດເພງຍີ່ປຸ່ນ ໂດຍບັນດານັກຮ້ອງ, ນັກສິລະປະປິນຫວຽດນາມ ແລະ ຍີ່ປຸ່ນ ສະແດງ. ທ່ານຟານກວກແຮ່ວງ (Phan Quoc Hoanh) ຊາວນະຄອນໂຮ້ຍອານ ແບ່ງປັນວ່າ:
“ຂ້າພະເຈົ້າໄດ້ເຂົ້າຮ່ວມງານບຸນນີ້ 11 ຄັ້ງແລ້ວ, ຂ້າພະເຈົ້າເຫັນວ່າງານບຸນຄັ້ງໃດກໍ່ມວ່ນ ແລະ ມີການປ່ຽນແປງ. ງານບຸນຄັ້ງນີ້ມີຈຸດພິເສດສະເພາະ ແລະ ເລິກເຊິ່ງກ່ວາ. ງານບຸນໄດ້ນຳມາເຊິ່ງບັນດາຄວາມເຂົ້າອົກເຂົ້າໃຈກ່ຽວກັບດ້ານວັດທະນະທຳ, ອາລົມຈິດຄວາມຮັກແພງລະຫວ່າງສອງປະເທດຫວຽດນາມ-ຍີ່ປຸ່ນ ໃຫ້ແກ່ຊາວນະຄອນໂຮ້ຍອານ“.