ສປປ.ເກົາຫຼີຍົກສູງກຳລັງຄວາມສາມາດດ້ານນິວເຄຼຍ
(ພາບປະກອບ: EPA/TTXVN)
(vovworld) - ວັນທີ 06/05, ທີ່ວາລະໄຂກອງປະຊຸມໃຫຍ່ທົ່ວປະເທດຄັ້ງທີ 7 ພັກແຮງງານສປປ.ເກົາຫຼີ, ການນຳປະເທດນີ້ທ່ານ Kim Jong Un ເນັ້ນໜັກວ່າ, ການທົດລອງນິວເຄຼຍຄັ້ງທີ 4 ຂອງປະເທດນີ້ເມື່ອຕົ້ນເດືອນ 01 ຜ່ານມາ ແລະ ການຍິງດາວທຽມຂຶ້ນວົງໂຄຈອນໃນເດືອນ 02 ນັ້ນ ແມ່ນການສະແດງໃຫ້ເຫັນ “ກຳລັງຄວາມສາມາດ ແລະ ທີ່ຕັ້ງແຫ່ງຊາດ” ຢ່າງຈະແຈ້ງທີ່ສຸດ. ໃນບົດກ່າວປາໄສເປັນເວລາ 15 ນາທີ່, ການນຳຜູ້ນີ້ກໍເວົ້າວ່າ, ສປປ.ເກົາຫຼີ ຫາກໍມີບາດກ້າວຢ່າງເຂັ້ມແຂງ ເພື່ອມຸ່ງໄປເຖິງການກໍ່ສ້າງປະເທດໃຫ້ຮັ່ງມີ, ສວຍງາມ, ຍ້ອນອີ່ງໃສ່ຄວາມມານະພະຍາຍາມ ແລະ ການອອກແຮງງານຢ່າງດູໝັ້ນຂອງບັນດາເຈົ້າໜ້າທີ່ຂອງລັດ ກໍຄືປະຊາຊົນທຸກຊັ້ນວັນນະ.
ກອງປະຊຸມໃຫຍ່ທົ່ວປະເທດຄັ້ງທີ 7 ພັກແຮງງານສປປ.ເກົາຫຼີ ຖືກໄຂຂຶ້ນໃນວັນທີ 06/05, ຢູ່ນະຄອນຫຼວງພຽງຢາງ, ຄາດວ່າຈະດຳເນີນເປັນເວລາ 4 ວັນ ແລະ ໄດ້ຮັບການຕີລາຄາວ່າແມ່ນເຫດການສຳຄັນຂອງສປປ.ເກົາຫຼີ, ປະກອບສ່ວນປັບປຸງຄວາມສາມັກຄີຂອງທົ່ວປວງຊົນ.