ສື່ສານເຢຍລະມັນຕີລາຄາສູງສານຂອງທ່ານນາຍົກລັດຖະມົນຕີຫວຽດນາມຢູ່ ສປຊ
ທ່ານນາຍົກລັດຖະມົນຕີ ຫງວຽນເຕິ໋ນຢຸງກ່າວປາໄສ
ຢູ່ວາລະປະຊຸມຄົບຄະນະ ສະມັດຊາໃຫຍ່ສະຫະປະຊາຊາດ
(ພາບອິນເຕີແນດ)
(vovworld) – ບົດກ່າວປາໄສຂອງທ່ານນາຍົກລັດຖະມົນຕີ ຫງວຽນເຕິ໋ນຢຸງ ຢູ່ວາລະປະຊຸມຄົບຄະນະ ສະມັດຊາໃຫຍ່ສະຫະປະຊາຊາດ ຫວ່າງແລ້ວນີ້ ສືບຕໍ່ໄດ້ຮັບຄວາມສົນໃຈຈາກຫາງສຽງສາກົນ. ດ້ວຍຫົວຂໍ້ວ່າ “ຄຳຮຽກຮ້ອງສັນຕິພາບຈາກຫວຽດນາມ“, ບົດຂຽນທີ່ລົງພິມໃນໜັງສືພິມ “ປະເທດເຢຍລະມັນໃໝ່“, ສະບັບອອກວັນທີ 2/10, ຢືນຢັນວ່າ, ທ່ານນາຍົກລັດຖະມົນຕີ ຫງວຽນເຕິ໋ນຢຸງ ຕາງໜ້າໃຫ້ປະເທດໜຶ່ງທີ່ເຄີຍຜ່ານຜ່າ “ສົງຄາມ, ດ້ວຍເລືອດເນື້ອ ແລະ ນຳ້ຕາ“. ດັ່ງນັ້ນເລື່ອງທ່ານນາຍົກລັດຖະມົນຕີ ຫວຽດນາມ ຮຽກຮ້ອງໂລກ ຈົ່ງເຮັດທຸກສິ່ງທຸກຢ່າງ ເພື່ອຫຼີກເວັ້ນການປະທະກັນ, ຮັບປະກັນສັນຕິພາບ, ກ່າວປະນາມທຸກການກະທຳເກາະຜິດ ກ້າຫາຍສົງຄາມ, ນັ້ນແມ່ນສິ່ງທີ່ໜ້ານຶກຄິດ. ບົດໜັງສືພິມຍັງຄັດສະເໜີຄຳເວົ້າຂອງທ່ານນາຍົກລັດຖະມົນຕີ ຫງວຽນເຕິ໋ນຢຸງ ທີ່ຮຽກຮ້ອງປະຊາຄົມໂລກ ມຸ່ງໄປເຖິງແຜນການພັດທະນາພາຍຫຼັງປີ 2015, ພ້ອມກັນມານະພະຍາຍາມກວ່າອີກ ເພື່ອແນໃສ່ຊຸກຍູ້ສັນຕິພາບ, ຍູ້ຄວາມທຸກຍາກ ອຶດຫີວໃຫ້ຖອຍໄປ ແລະ ປົກປັກຮັກສາໜ່ວຍໂລກ. ໃນວັນດຽວກັນ, ສື່ເອເລກໂຕນິກອື່ນໆ ກໍ່ໄດ້ໃຫ້ຂ່າວ ແລະ ບົດຕີລາຄາສູງບົດກ່າວປາໄສຂອງທ່ານນາຍົກລັດຖະມົນຕີ ຫງວຽນເຕິ໋ນຢຸງ ເຊັ່ນດຽວກັນ.