(ພາບ: AFP/TTXVN)
(vovworld)– ວັນທີ 30/11, ອົງການຕິດຕາມກວດກາສິດທິມະນຸດຊີຣີ (SOHR) ໃຫ້ຮູ້ວ່າ: ມີສະມາຊິກຂອງກຸ່ມລັດອິດຊະລາມອ້າງຊື່ເອງ IS ຢ່າງໜ້ອຍສຸດ 50 ຄົນຖືກດັບສູນໃນ 24 ຊົ່ວໂມງ ທີ່ບັນດາເຫດການປະທະກັນ ແລະ ການບຸກໂຈມຕີທາງອາກາດໂດຍອາເມລິກາ ນຳໜ້າຢູ່ເທດສະບານເມືອງ Kobane ຂອງຊີຣີ. ນີ້ແມ່ນມື້ມີຈຳນວນຜູ້ຖືກບາດເຈັບລົ້ມຕາຍຫຼາຍກ່ວາໝູ່ຂອງກຸ່ມອິດຊະລາມນິກາຍຊັນນີຫົວຮຸນແຮງນີ້ ນັບແຕ່ກຸ່ມນີ້ໄດ້ດຳເນີນການບຸກໂຈມຕີແນໃສ່ເທດສະບານເມືອງຍຸດທະສາດ Kobane ມໍ່ກັບເຂດຊາຍແດນຕິດກັບຕວກກີ ເມື່ອເດືອນກັນຍາຜ່ານມາ. ກຳລັງທະຫານປະສົມໂດຍອາເມລິການຳໜ້າ ໄດ້ດຳເນີນການບຸກໂຈມຕີໃສ່ເປົ້າໝາຍ ຂອງຊີຣີ ຢູ່ພາຍໃນ ແລະ ນອກນະຄອນ Raqa ຢ່າງໜ້ອຍສຸດ 30 ແຫ່ງ. ນີ້ແມ່ນການບຸກໂຈມຕີທາງອາກາດອັນຮ້າຍແຮງທີ່ສຸດ ນັບແຕ່ເລີ່ມບັ້ນຮົບຕ້ານ IS ຢູ່ຊີຣີ ໃນເດືອນກັນຍາທີ່ຜ່ານມາ./.