ທ່ານ Staffan de Mistura ຕອບສຳພາດຕໍ່ນັກຂ່າວ
(ພາບ: AFP/TTXVN)
(vovworld) - ທູດພິເສດສະຫະປະຊາຊາດກ່ຽວກັບ ຊີຣີ ທ່ານ Staffan de Mistura ວັນທີ 13/02 ໄດ້ສົ່ງຈົດໝາຍເຊື້ອເຊີນບັນດາຝ່າຍເຂົ້າຮ່ວມການເຈລະຈາສັນຕິພາບ ຊີຣີ ຢູ່ ເຊີແນວ ປະເທດ ສະວິດ ຄາດຄະເນວ່າ ຈະດຳເນີນໃນວັນທີ 23/02 ຈະມາເຖິງ. ຄະນະກຳມະການເຈລະຈາຂັ້ນສູງ (HNC), ອົງການຕາງໜ້າຕົ້ນຕໍຂອງຝ່າຍຄ້ານ ຊີຣີ, ຮັບຮູ້ວ່າ ຈະແຕ່ງຕັ້ງຄະນະຜູ້ແທນໃໝ່ເຂົ້າຮ່ວມການເຈລະຈາສັນຕິພາບ, ໃນນັ້ນ ມີທັງຜູ້ຕາງໜ້າກຳລັງໂດຍ ລັດເຊຍ ໜູນຫລັງ.
ກໍ່ກ່ຽວຂ້ອງເຖິງວິວັດທະນາການເຈລະຈາສັນຕິພາບ ຊີຣີ, ກະຊວງການຕ່າງປະເທດ ກາຊັກສະຖານ ປະກາດວ່າ ບັນດາເຈົ້າໜ້າທີ່ອຳນາດການປົກຄອງ ຊີຣີ ແລະ ກຳລັງປະກອບອາວຸດຝ່າຍຄ້ານ ຈະໄດ້ຮັບເຊີນເຂົ້າຮ່ວມການເຈລະຈາສັນຕິພາບ ເຊິ່ງຈັດຕັ້ງຢູ່ນະຄອນຫລວງ Astana ຂອງປະເທດນີ້ ໃນລະຫວ່າງວັນທີ 15 – 16/02.