ສ້າງນະໂຍບາຍວິທະຍາສາດເຕັກໂນໂລຢີແມ່ນພື້ນຖານເພື່ອໃຫ້ປັນຍາຊົນເຄື່ອນໄຫວ
ທ່ານປະທານຄະນະກຳມະການສູນກາງແນວໂຮມປະເທດຊາດ ຫງວຽນທ້ຽນເຍີນ
(ພາບປະກອບ)
|
(vovworld) - ຕອນເຊົ້າວັນທີ 4/3, ທ່ານປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ຫງວຽນທ້ຽນເຍີນ ມີການໂອ້ລົມກັບບັນດາສະມາຊິກສະໂມສອນ ທັງລອງ, ຮ່າໂນ້ຍ, ເຊິ່ງແມ່ນແຫ່ງດຳເນີນຊີວິດຂອງພະນັກງານຂັ້ນກາງ ແລະ ຂັ້ນສູງ ທີ່ໄດ້ກິນເບ້ຍບຳນານ. ເມື່ອໂອ້ລົມກ່ຽວກັບສະພາບການເສດຖະກິດ, ສັງຄົມ, ທ່ານ ຫງວຽນທ້ຽນເຍີນ ຖືວ່າ: ພາຍຫຼັງ 30 ປີແຫ່ງການປ່ຽນໃໝ່, ຫວຽດນາມ ບັນລຸໄດ້ຜົນງານສຳຄັນຫຼາຍຢ່າງ: ລະດັບເຕີບໂຕສະເລ່ຍໃສ່ຫົວຄົນບັນລຸ 7%, ອັດຕາຄົນງານຜ່ານການບຳລຸງສ້າງກ່ວາບັນລຸ 50%. ເມື່ອເຕື້ອງເຖິງບັນຫາປ້ອງກັນ, ຕ້ານໄພສໍ້ລາດບັງຫຼວງ, ທ່ານ ຫງວຽນທ້ຽນເຍີນ, ຊີ້ແຈ້ງວ່າ: ຕໍ່ສູ້ປ້ອງກັນ, ຕ້ານການສໍ້ລາດບັງຫຼວງແມ່ນຂົງເຂດໂດຍພັກ, ລັດເອົາໃຈໃສ່ທີ່ສຸດ. ສູນກາງພັກກອມມູນິດ ຫວຽດນາມ ໄດ້ມີມະຕິສະເພາະກ່ຽວກັບບັນຫານີ້. ກ່ຽວກັບເລື່ອງແນວໂຮມເສີມຂະຫຍາຍບົດບາດຂອງຖັນແຖວປັນຍາຊົນ, ທ່ານ ຫງວຽນທ້ຽນເຍີນ, ໃຫ້ຮູ້ວ່າ:
“ແນວໂຮມປະເທດຊາດນຳໃຊ້ບັນດາໝູ່ຄະນະ, ສະຫະພັນເພື່ອຕິດຕາມກວດກາ ການປະຕິບັດນະໂຍບາຍວິທະຍາສາດ ເຕັກນິກເປັນຢ່າງດີ, ປ່ຽນໃໝ່ນະໂຍບາຍໄຈ້ແຍກຕີລາຄາ. ແນວໂຮມປະເທດຊາດ ກໍ່ຍູ້ແຮງການຈັດຕັ້ງບັນດາເວທີປາໄສ, ຂໍ້ສະເໜີແນະເພື່ອໃຫ້ຖັນແຖວປັນຍາຊົນປະກອບສ່ວນພັດທະນາປະເທດຊາດ. ຄາດວ່າຮອດວັນທີ 30/4 ຈະມາເຖິງ, ແນວໂຮມປະເທດຊາດ ໄດ້ຈັດຕັ້ງການໂອ້ລົມສົນທະນາກ່ຽວກັບຂໍ້ລິເລີ່ມຂອງປັນຍາຊົນໃນການປະກອບສ່ວນກໍ່ສ້າງປະເທດຊາດ. ພ້ອມທັງມີຂໍ້ສະເໜີແນະເພື່ອໃຫ້ລັດຖະບານ, ອຳນາດການປົກຄອງທຸກຂັ້ນເພີ່ມທະວີໃຫ້ວຽກງານຄົ້ນຄ້ວາວິທະຍາສາດ, ເພີ່ມທະວີການເຊີດຊູປັນຍາຊົນ ສ້າງແບບຢ່າງໃຫ້ແກ່ລຸ້ນໜຸ່ມ.”