(vovworld) - ວັນທີ 14/7, ອີຣານ ຖະແຫຼງກຽມພ້ອມຮັບຜິດຊອບບົດບາດ ພ້ອມກັບບັນດາປະເທດອື່ນໆໃນພາກພື້ນ ເພື່ອແນໃສ່ຊອກຫາວິທີ ຈັດການໂອ້ລົມສົນທະນາລະຫວ່າງ ລັດຖະບານ ແລະ ກຳລັງຝ່າຍຄ້ານຢູ່ ຊີຣີ. ທ່ານ Mehmanparast, ໂຄສົກກະຊວງການຕ່າງປະເທດ ອີຣານ ຖືວ່າ: ສິ່ງດັ່ງກ່າວເພື່ອແນໃສ່ນຳມາເຊິ່ງສະຖຽນລະພາບ ແລະ ຄວາມສະຫງົບປອດໄພຢູ່ ຊີຣີ ກໍຄືສະກັດກັ້ນວິກິດການທີ່ພວມແຜ່ຂະຫຍາຍອອກສູ່ທົ່ວພາກພື້ນນີ້ຢ່າງວ່ອງໄວ. ອີຮານ ໄດ້ສະເໜີຫຼາຍເທື່ອກ່ຽວກັບການຊ່ວຍແກ້ໄຂວິກິດການຢູ່ ຊີຣີ, ແຕ່ພັດຖືກກຳລັງຝ່າຍຄ້ານຢູ່ ຊີຣີ, ບັນດາປະເທດຝ່າຍຕາເວັນຕົກ ແລະ ອາຣັບ ປະຕິເສດ, ໂດຍ ກ່າວຫາວ່າ ອີຣານ ໄດ້ໜູນຊ່ວຍດ້ານການທະຫານໃຫ້ແກ້ອຳນາດການປົກຄອງຂອງທ່ານປະທານາທິບໍດີ Bashar al-Assad.