(ພາບປະກອບ: baohaiquan.vn)
(vovworld)- ໃນວາລະປະຊຸມຄັ້ງທີ 22 ຂອງຫົວໜ້າກົມພາສີ 10 ປະເທດສະມາຊິກອາຊຽນ ຊື່ງຈັດຂຶ້ນຢູ່ສິງກະໂປແຕ່ວັນທີ 4-6/6, ບັນດາຜູ້ແທນເຫັນດີເປັນເອກະສັນນຳກັນໂດຍຖືວ່າ ຕ້ອງສືບຕໍ່ຜັນຂະຫຍາຍບັນດາການເຄື່ອນໄຫວກ່ຽວຂ້ອງເຖິງໂຄງການປະຕູດຽວອາຊຽນ ແລະ ຊຸກຍູ້ວິວັດການໃຫ້ສັດຕະຍາບັນສັນຍາອາຊຽນກ່ຽວກັບພາສີໂດຍໄວ. ທີ່ວາລະປະຊຸມຄັ້ງນີ້, ຫົວໜ້າກົມພາສີບັນດາປະເທດອາຊຽນ ກໍ່ໄດ້ທົບທວນຄືນວຽກງານຂອງບັນດາກຸ່ມເຮັດວຽກງານກ່ຽວກັບພາສີຂອງອາຊຽນ, ລວມມີ: ຄະນະກຳມະການປະສານງານກ່ຽວກັບພາສີ, ກຸ່ມກ່ຽວກັບລະບຽບການພາສີ ແລະ ສ້າງເງື່ອນໄຂສະດວກໃຫ້ແກ່ການຄ້າ, ກຸ່ມເພີ່ມທະວີຄວາມສາມາດດ້ານພາສີ ແລະ ຄະນະກຳມະການກ່ຽວກັບກົນໄກປະຕູດຽວຂອງອາຊຽນ… ນອກຈາກນັ້ນແລ້ວ, ຫົວໜ້າກົມພາສີບັນດາປະເທດອາຊຽນ ກໍ່ໄດ້ເຮັດວຽກກັບຜູ້ຕາງໜ້າຂອງບັນດາອົງການພາສີບັນດາປະເທດຈີນ, ຍີ່ປຸ່ນ, ສເກົາຫຼີ ແລະ ອົງການພາສີໂລກ.