ວັນທີ 01 ທັນວາ, ທີ່ປຶກສາຄວາມໝັ້ນຄົງແຫ່ງຊາດ ອາເມລິກາ ທ່ານ Jake Sullivan, ໃຫ້ຮູ້ວ່າ ອາເມລິກາ ຈະບໍ່ມອບຈຳນວນອາວຸດນິວເຄຼຍທີ່ ຢູແກຼນ ປະລະ ພາຍຫຼັງສະຫະພາບໂຊວຽດແຕກຫຼຼະລາຍ.

          ທ່ານ Jake Sullivan, ໄດ້ຍົກອອກຄຳຖະແຫຼງດັ່ງກ່າວເພື່ອປະຕິເສດຂ່າວທີ່ສື່ມວນຊົນຝ່າຍຕາເວັນຕົກ ໄດ້ເຕື້ອງເຖິງໃນຊຸມມື້ມໍ່ໆມານີ້ ໂດຍຖືວ່າ, ທ່ານປະທານາທິບໍດີ ອາເມລິກາ Joe Biden ອາດຈະມອບອາວຸດນິວເຄຼຍໃຫ້ແກ່ ຢູແກຼນ ຄືນກ່ອນທີ່ຈະໝົດອາຍຸການໃນຕົ້ນປີ 2025. ຕາມທ່ານ Jake Sullivan, ແລ້ວ, ອາເມລິກາ ພວມເພີ່ມທະວີການປະກອບອາວຸດທຳມະດາໃຫ້ແກ່ ຢູແກຼນ, ຫາກບໍ່ແມ່ນອາວຸດນິວເຄຼຍ. ອາທິດກ່ອນ, ລັດເຊຍ ໄດ້ເອີ້ນເລື່ອງມອບອາວຸດນິວເຄຼຍໃຫ້ແກ່ ຢູແກຼນ ຄືນແມ່ນແນວຄິດອັນບ່ວງບ້າ ແລະ ກ່າວເຕືອນວ່າ ລັດເຊຍ ຈະນຳໃຊ້ທຸກພາຫະນະດັບສູນເພື່ອກີດຂວາງສິ່ງດັ່ງກ່າວທີ່ຈະເກີດຂຶ້ນ.