ເມື່ອຕອບສຳພາດໃນລາຍການ Face the Nation ຂອງຊ່ອງໂທລະພາບ CBS, ທ່ານລັດຖະມົນຕີການຕ່າງປະເທດ Mike Pompeo ໃຫ້ຮູ້ວ່າ: ອາເມລິກາ ພວມຊັ່ງຊາທຸກການເລືອກເຟັ້ນ. ພວກຂ້າພະເຈົ້າໄດ້ລາຍງານກັບທ່ານປະທານາທິບໍດີ Donald Trump 2 – 3 ຄັ້ງແລ້ວ ແລະ ພວກຂ້າພະເຈົ້າຈະສືບຕໍ່ອັບເດັດສະພາບການໃຫ້ແກ່ປະທານາທິບໍດີ. ທ່ານລັດຖະມົນຕີການຕ່າງປະເທດ Mike Pompeo ຖະແຫຼງວ່າ ອາເມລິກາ ອາດຈະຜັນຂະຫຍາຍບັນດາການກະທຳ ແນໃສ່ຟື້ນຟູຄວາມອາດສາມາດນາບຂູ່, ໃນນັ້ນ ລວມມີທັງການປະຕິກິລິຍາການທະຫານ.