ຮອງລັດຖະມົນຕີປ້ອງກັນປະເທດ ຫວຽດນາມ ເຂົ້າຢ້ຽມຂຳ່ນັບລັດຖະມົນຕີປ້ອງກັນປະເທດຈີນ
(ພາບ: giaoduc.net.vn)
(vovworld) - ເນື່ອງໃນໂອກາດນຳໜ້າຄະນະຜູ້ແທນຂັ້ນສູງກະຊວງປ້ອງກັນປະເທດ ຫວຽດນາມ ໄປຍັງ ປັກກິງ, ເຂົ້າຮ່ວມການສົນທະນາຍຸດທະສາດປ້ອງກັນປະເທດ ຫວຽດນາມ - ຈີນ ຄັ້ງທີ 4, ຕອນເຊົ້າວັນທີ 6/6, ທ່ານພົນໂທ ຫງວຽນຈີ໋ຫວີ້ງ, ຮອງລັດຖະມົນຕີກະຊວງປ້ອງກັນປະເທດ ຫວຽດນາມ ໄດ້ເຂົ້າຢ້ຽມຂຳ່ນັບລັດຖະມົນຕີກະຊວງປ້ອງກັນປະເທດ ຈີນ. ທີ່ການຕ້ອນຮັບ, ທ່ານພົນໂທ ຫງວຽນຈີ໋ຫວີ້ງ ໄດ້ແຈ້ງກັບທ່ານລັດຖະມົນຕີກະຊວງປ້ອງກັນປະເທດ ຈີນ ຈ້າງວານຈວຽນ ຊາບກ່ຽວກັບໝາກຜົນຂອງການສົນທະນາຍຸດທະສາດປ້ອງກັນປະເທດ ຫວຽດນາມ - ຈີນ ຄັ້ງທີ 4 ຖືກດຳເນີນໃນຕອນບ່າຍວັນທີ 5/6. ທ່ານພົນໂທ ຫງວຽນຈີ໋ຫວີ້ງ ຖືວ່າ: ບັນດາໝາກຜົນຂອງການສົນທະນາໄດ້ຊ່ວຍສ້າງຄວາມໄວ້ເນື້ອເຊື່ອໃຈຍຸດທະສາດລະຫວ່າງກອງທັບ 2 ປະເທດ, ສະແດງໃຫ້ເຫັນຄວາມຕັດສິນໃຈຂອງ 2 ຝ່າຍຜ່ານຜ່າການທ້າທາຍ, ສ້າງພື້ນຖານເພື່ອກໍ່ສ້າງ ແລະ ປັບປຸງສາຍພົວພັນຮ່ວມມືລະຫວ່າງ 2 ປະເທດ, ເພື່ອສັນຕິພາບ, ຜົນປະໂຫຍດຂອງປະຊາຊົນແຕ່ລະປະເທດ.
ທ່ານລັດຖະມົນຕີກະຊວງປ້ອງກັນປະເທດ ຈີນ ຢືນຢັນ% ຝ່າຍ ຈີນ ຢືດໝັ້ນຕາມເສັ້ນທາງພັດທະນາສັນຕິພາບ, ຜ່ານການພັດທະນາຂອງຕົນເພື່ອສ້າງກາລະໂອກາດພັດທະນາໃຫ້ແກ່ບັນດາປະເທດອ້ອມຂ້າງ, ພ້ອມທັງຖືການພັດທະນາຂອງບັນດາປະເທດອ້ອມຂ້າງ, ໃນນັ້ນມີ ຫວຽດນາມ ແມ່ນກາລະໂອກາດຂອງ ຈີນ. ຈີນ ປາດຖະໜາຢາກຮັກສາການພົວພັນມິດຕະພາບລະຫວ່າງກອງທັບ 2 ປະເທດ, ພ້ອມກັນສ້າງສະພາບແວດລ້ອມມິດຕະພາບເພື່ອການພັດທະນາຂອງແຕ່ລະປະເທດ, ຢືດໝັ້ນການແກ້ໄຂບັນດາບັນຫາເຄັ່ງຮ້ອນຢ່າງເໝາະສົມ, ບໍ່ມີການກະທຳກໍຜົນສະທ້ອນເຖິງການພົວພັນ 2 ປະເທດ.