(vovworld) – ໂດຍໄດ້ຮັບຄຳເຊື້ອເຊີນຂອງລັດຖະມົນຕີກະຊວງປ້ອງກັນປະເທດ ຟິລິບປິນ ທ່ານ Voltaire T. Gazmin ແລະ ເຈົ້າຊີວິດ ບຣູໄນ Hassanal Bolkiah, ຄະນະຜູ້ແທນທະຫານຂັ້ນສູງ ຫວຽດນາມ ໂດຍ ພົນເອກ ຟຸ່ງກວາງແທງ, ລັດຖະມົນຕີກະຊວງປ້ອງກັນປະເທດ ນຳໜ້າ, ມີການຢ້ຽມຢາມມິດຕະພາບ ຟິລິບປິນ ແຕ່ວັນທີ 25 – 27/8 ຢ່າງເປັນທາງການ ແລະ ເຂົ້າຮ່ວມກອງປະຊຸມ ອາຊຽນ ຢູ່ ບຣູໄນແຕ່ວັນທີ 27 – 30/8. ໃນໄລຍະຢູ່ຢ້ຽມຢາມ ຟິລິບປິນ, ຄະນະຜູ້ແທນທະຫານຂັ້ນສູງ ຫວຽດນາມ ຈະມີການເຄື່ອນໄຫວຕົ້ນຕໍ່ຄື: ເຂົ້າຢ້ຽມຂຳ່ນັບທ່ານປະທານາທິບໍດີ ຟິລິບປິນ ຕາມພິທີການທູດ, ເຈລະຈາກັບລັດຖະມົນຕີກະຊວງປ້ອງກັນປະເທດ ຟິລິບປີ Voltaire T. Gazmin. ແຕ່ວັນທີ 27 – 30/8, ຄະນະຜູ້ແທນທະຫານຂັ້ນສູງ ຫວຽດນາມ ຈະເຂົ້າຮ່ວມກອງປະຊຸມວົງແຄບລັດຖະມົນຕີກະຊວງປ້ອງກັນປະເທດ ບັນດາປະເທດ ອາຊຽນ (ASEAN Retreat) ແລະ ກອງປະຊຸມລັດຖະມົນຕີກະຊວງປ້ອງກັນປະເທດບັນດາປະເທດ ອາຊຽນ ເປີດກ້ວາງ (ADMM+) ຄັ້ງທີ 2. ທີ່ກອງປະຊຸມຄັ້ງນີ້, ຄະນະຜູ້ແທນທະຫານຂັ້ນສູງ ຫວຽດນາມ ສະແດງຄວາມຮັບຜິດຊອບຂອງ ຫວຽດນາມ ທີ່ມີຕໍ່ກົນໄກຮ່ວມມືໃນຂອບເຂດ ອາຊຽນ, ຜ່ານເວທີປາໄສປ້ອງກັນປະເທດຫຼາຍຝ່າຍພາກພື້ນ ສືບຕໍ່ຢັ້ງຢືນບົດບາດ, ທີ່ຕັ້ງ ຂອງ ຫວຽດນາມ ໃນຂອບເຂດ ADMM+, ປະກອບສ່ວນຮັບປະກັນສັນຕິພາບ, ສະຖຽນລະພາບ, ຄວາມໝັ້ນຄົງ ແລະ ການພັດທະນາຂອງພາກພື້ນ.