ແນະນຳປຶ້ມກ່ຽວກັບວັດ ທະນະທຳແລະປະຫວັດ ສາດຫວຽດນາມຢູ່ອີຕາລີ
(ພາບ: NXB Obarrao)
(vovworld)- ວັນທີ 20/12, ຢູ່ນະຄອນຫຼວງໂຣມ ປະເທດອີຕາລີ, ໄດ້ຈັດໃຫ້ມີພິທີແນະນຳຕໍ່ຜູ້ອ່ານປຶ້ມທີ່ມີຫົວຂໍ້: “ຫວຽດນາມ: ສິ່ງມະຫັດສະຈັນ ແລະ ບັນດາເລື່ອງລາວ“ ດ້ວຍພາສາອີຕາລີ ຂອງທ່ານ Alessandra Chiricosta ແລະ Maurizio Gatti. ໂດຍມີການເຂົ້າຮ່ວມຂອງຜູ້ອ່ານອີຕາລີ ແລະ ຊາວຫວຽດນາມ ອາໄສຢູ່ໂຣມ ເປັນຈຳນວນຫຼວງຫຼາຍ. ປຶ້ມຫົວນີ້ໄດ້ຮວບຮວມບັນດາເທບນິຍາຍ, ເລື່ອງນິທານ ແລະ ບັນດາເລື່ອງລາວກ່ຽວກັບຕົ້ນກຳເນີດ ແລະ ຕົວລະຄອນປະຫວັດສາດຂອງຫວຽດນາມ ໂດຍຜູ້ແຕ່ງໄດ້ຮຽບຮຽງ ແລະ ແປຈາກພາສາຫວຽດນາມຄື: ຕົ້ນກຳເນີດກ່ຽວກັບລູກຫຼານມັງກອນ, ລາກລອງກວນ, ຈຶ້ດົ່ງຕື້, ຕົ້ນກຳເນີດຂອງການກໍ່ສ້າງກຳແພງທັງລອງ ແລະ ບັນດາຕົວລະຄອນປະຫວັດສາດຄື: ສອງພະນາງຈຶງ ແລະ ຄຳພະຫຍາສຸພາສິດ, ເລື່ອງນິທານພື້ນເມືອງຈຳນວນໜຶ່ງຂອງຫວຽດນາມ. ຕາມບັນດາຜູ້ແຕ່ງແລ້ວ, ຈຸດປະສົງຂອງປຶ້ມຫົວດັ່ງກ່າວ ແມ່ນເພື່ອແນໃສ່ແນະນຳກັບຜູ້ອ່ານອີຕາລີ ບັນດາຈຸດວັດທະນະທຳອັນດີງາມຂອງຫວຽດນາມ ຜ່ານເທບນິຍາຍ ແລະ ບັນດາຕົ້ນກຳເນີດປະຫວັດສາດທີ່ເປັນເອກະລັກສະເພາະຂອງຫວຽດນາມ, ໃນນັ້ນ, ສະແດງໃຫ້ເຫັນວິທີຮັບຮູ້ໂລກຂອງຊາວຫວຽດນາມ ກໍ່ຄືສ້າງຄຸນລັກສະນະ ແລະ ສີສັນວັດທະນະທຳຫວຽດນາມ./.