ພິທີໄຂ   Festival ວັດທະນະທຳແພໄຫມພື້ນເມືອງ

ນີ້ແມ່ນຄັ້ງທີ 5 ນະຄອນ ໂຮ້ຍອານ ແຂວງ ກວ໋າງນາມ ຈັດຕັ້ງ ງານ Festival ວັດທະນະທຳແພໄຫມພື້ນເມືອງ ເພື່ອແນໃສ່ເຊີດຊູ ອາຊີບ ປູກມອນລ້ຽງມ້ອນພື້ນເມືອງ, ເຊື່ອມຕໍ່ການພົວພັນດ້ານການຄ້າ ຊອກຫາສົ້ນອອກໃຫ້ຕະຫລາດແພໄຫມ ຫວຽດນາມ.

ເຂົ້າຮ່ວມງານ Festival ຄັ້ງນີ້ ມີໝູ່ບ້ານ ແພໄຫມຢູ່ພາຍໃນປະເທດຫລາຍແຫ່ງຄື: ໝູ່ບ້ານແພໄຫມ ຫວ້ານຟຸກ, ຍາຊາ, ໝາເຈົາ, ໝີດຶກ, ນາມກາວ, ເຕີນເຈົາ, ເຜົ່າຈຳຢູ່ນິງທ້ວນ ພ້ອມດ້ວຍນັກສິລະປະການ 80 ຄົນ ມາຈາກບັນດາເຂດພາກ ແລະ ຜູ້ຕາງຫນ້າບັນດາຂະແຫນງການຜະລິດໄພໄຫມ ແລະ ອາພອນສະໄຫມຂະຫນາດໃຫຍ່ ມາຈາກ ອີຕາລີ, ຝລັ່ງ, ຈີນ, ຍີ່ປຸ່ນ, ອິນເດຍ, ໄທ, ກຳປູເຈຍ… ຜ່ານນັ້ນ ສ້າງກາລະໂອກາດເພື່ອຮ່ວມມື ແລະ ພັດທະນາຕະຫລາດ, ນຳແພໄຫມ ຫວຽດນາມ ອອກສູ່ໂລກ. ທ່ານ ຫງວຽນແທງຮົ່ງ, ຫົວຫນ້າພະແນກ ວັດທະນະທຳ ກິລາ ແລະ ທ່ອງທ່ຽວ ແຂວງ ກວ໋າງນາມ ຖືວ່າ:

“ໂຄສະນາເຄື່ອງໝາຍການຄ້າໄພໄຫມ ຂອງກວ໋າງນາມກ່ອນອື່ນໝົດ ແມ່ນຟື້ນຟູບັນດາໝູ່ບ້ານຫັດຖະກຳປູກມອນລ້ຽງມ້ອນ, ສົມທົບກັບບັນດາເຂດປູກມອນລ້ຽງມ້ອນຢູ່ພາຍໃນປະເທດກໍ່ຄືໃນໂລກ. ພິເສດ ແມ່ນບັນດາສະຫະສະມາຄົມແພໄຫມໂລກເພື່ອຈັດຕັ້ງບັນດາກອງປະຊຸມສຳມະນາ, ກອງປະຊຸມ ແລະ ບັນດາ Festival ກ່ຽວກັບແພໄຫມ, ສົມທົບກັບບັນດາປະເທດໃນໂລກເພື່ອໂຄສະນາແພໄຫມຂອງ ກວ໋າງນາມ ເວົ້າສະເພາະ ແລະ ຫວຽດນາມເວົ້າລວມ.”

ໃນຂອບເຂດ Festival ຍັງດຳເນີນກອງປະຊຸມສຳມະນາ “ໝູນໃຊ້ວິທະຍາສາດ, ເຕັກໂນໂລຊີໃນການປູກມອນລ້ຽງມ້ອນ, ຜະລິດແພໄຫມ ແລະ ວັດທະນະທຳແພໄຫມໃນຊີວິດທັນສະໄຫມ.”