ກຳລັງທະຫານປ້ອງກັນຊາຍແດນ ແຂວງ ບ່າເຣ້ຍ - ຫວູງເຕົາ ໂຄສະນາ ໃຫ້ຊາວປະມົງກ່ອນທີ່ເຂົາເຈົ້າໄປຫາປາ. (ພາບ: Lưu Sơn/VOV)

ເພື່່ອເພີ່ມລັກສະນະມີປະສິດທິຜົນໃນການເຄື່ອນໄຫວຕ້ານການຂຸດຄົ້ນ IUU, ບ່າເຣ້ຍ ຫວູງເຕົາ ໄດ້ຊີ້ນຳ, ສ້າງຕັ້ງຫລາຍຫນ່ວຍກວດກາ, ຕິດຕາມຄຸ້ມຄອງບັນດາກຳປັ່ນ “ສາມບໍ່”, ກຳປັ່ນບໍ່ມີເງື່ອນໄຂຄົບຖ້ວນ. ນອກຈາກຮ່ວມມືກັບບັນດາກຳລັງເຈົ້າຫນ້າທີ່, ບັນດາທ່າກຳປັ່ນຊື່ງໄດ້ບົ່ງຕົວຢູ່ບໍລິເວນແຂວງ ກໍ່ໄດ້ຈັດຕັ້ງການຜັນຂະຫຍາຍປະຕິບັດການຕິດຕາມກວດກາ, ຄຸ້ມຄອງການເຄື່ອນໄຫວກຳປັ່ນອອກເຂົ້າທຽບທ່າເຮືອຕາມການກຳນົດ. ທ່ານ ຫງວຽນກົງວິງ, ຮອງປະທານຄະນະກຳມະການປະຊາຊົນ ແຂວງ ບ່າເຣ້ຍ ຫວູງເຕົາ ໃຫ້ຮູ້ວ່າ:

“ປະຈຸບັນ ທ່າເຮືອຫາປາ 3 ແຫ່ງທີ່ມີເງື່ອນໄຂຄົບຖ້ວນເພື່ອຢັ້ງຢືນແຫລ່ງທີ່ມານັ້ນ, ທາງແຂວງກໍ່ໄດ້ສ້າງຕັ້ງບັນດາຄະນະລົງກວດກາເປັນປະຈຳ. ແຂວງ ໄດ້ສຸມໃສ່ກວດກາ, ອາທິດໃດກໍ່ລົງກວດກາບັນດາທ່າເຮືອຫາປານີ້ເພື່ອກວດກາບັນຫາລາຍງານ, ບັນທຶກການເຄື່ອນໄຫວກໍ່ຄືແຫລ່ງທີ່ມາບັນດາປະເພດປາຢູ່ໃນບໍລິເວນ”.

ປະຈຸບັນ, ບັນດາກຳປັ່ນຫາປາຢູ່ນອກຝັ່ງ ຂອງ ແຂວງ ບ່າເຣ້ຍ - ຫວູງເຕົາ ກ່ອນທີ່ຈະເດີນທາງລ້ວນແຕ່ຕ້ອງຜ່ານຂອດກວດກາຢ່າງເຄັ່ງຄັດຂອງ ສາຂາກົມສິນໃນນຳ້. ເມື່ອບັນດາກຳປັ່ນອອກຈາກທ່າເຮືອ, ບັນດາປ້ອມກວດກາຂອງທະຫານປ້ອງກັນຊາຍແດນ ສືບຕໍ່ກວດກາ, ກຳນົດຕຳແຫນ່ງທີ່ຕັ້ງ... ໃນໄລຍະຜ່ານມາ, ຊາວປະມົງຢູ່ແຂວງ ບ່າເຣ້ຍ -ຫວູງເຕົາ ສ່ວນຫລາຍຮູ້ໄດ້ເຖິງຄວາມສຳຄັນຂອງການບັນທຶກ, ສົ່ງປື້ມບັນທຶກການຂຸດຄົ້ນສິນທະເລກໍ່ຄືປະຕິບັດການຕິດອຸປະກອນຕິດຕາມການຫາປາ. ທ່ານ ຫວໍຕຽນຢູຍ, ຊາວປະມົງຢູ່ ຕາແສງ ບິ່ງເຈົາ, ເມືອງ ຊວຽນມົກ ແບ່ງປັນຕື່ມອີກວ່າ:

“ກ່ອນທີ່ຈະໄປຫາປາຢູ່ນອກຝັ່່ງ, ພວກຂ້າພະເຈົ້າ ຕ້ອງປະຕິບັດຕາມຄຳສັ່ງຂອງທະຫານປ້ອງກັນຊາຍແດນ, ກຳລັງກວດກາການປະມົງ ກ່ຽວກັບຫນັງສືອະນຸຍາດ. ບໍ່ຫາປາຢູ່ເຂດທະເລຕ່າງປະເທດ, ພຽງແຕ່ຫາປາຢູ່ເຂດທະເລຂອງ ຫວຽດນາມ. ພວກຂ້າພະເຈົ້າ ປະຕິບັດຕາມການກຳນົດຂອງລັດທີ່ໄດ້ວາງອອກ”.

ພ້ອມກັນນັ້ນ, ພະແນກກະສິກຳ ແລະ ພັດທະນາຊົນນະບົດຂອງ ແຂວງ ກໍ່ໄດ້ສ້າງຕັ້ງຫລາຍຄະນະລົງກວດກາວຽກງານຜັນຂະຫຍາຍ, ປະຕິບັດມາດຕະການແກ້ໄຂຄຳແຈ້ງເຕືອນຂອງ EC ກ່ຽວກັບການຕ້ານການຂຸດຄົ້ນ IUU ຢູ່ ບັນດາທ້ອງຖິ່ນ, ຫ້ອງການຜູ້ຕາງຫນ້າ, ທ່າເຮືອຫາປາຢູ່ບໍລິເວນ. ທ່ານນາງ ຟ້າມທິນາ, ຮອງຫົວຫນ້າ ພະແນກກະສິກຳ ແລະ ພັດທະນາຊົນນະບົດ ແຂວງ ບ່າເຣ້ຍ -ຫວູງເຕົາ ໃຫ້ຮູ້ວ່າ:

“ໃນໄລຍະຜ່ານມາ, ແຂວງ ບ່າເຣ້ຍ - ຫວູງເຕົາ ກໍ່ໄດ້ປະຕິບັດຫລາຍມາດຕະການຢ່າງຄົບຊຸດ ເພື່ອແກ້ໄຂບັດເຫລືອງ ສຳລັບ ຂະແຫນງສິນໃນນຳ້ຂອງຫວຽດນາມ. ຄະນະກຳມະການປະຊາຊົນ ແຂວງ ໄດ້ຊີ້ນຳໃຫ້ອຳນາດການປົກຄອງທ້ອງຖິ່ນຕ້ອງມີຄວາມຮັບຜິດຊອບ, ບົນພື້ນຖານນັ້ນ ກໍ່ໂຄສະນາ ແລະ ສົມທົບໃນວຽກງານຄຸ້ມຄອງ, ຮຽກຮ້ອງຊາວປະມົງປະຕິບັດບັນດາຂໍ້ກຳນົດຂອງກົດໝາຍວ່າດ້ວຍການຕ້ານການຂຸດຄົ້ນ IUU ຢ່າງເຂັ້ມງວດ”.

ພັນເອກ ດັ້ງກາວດາດ, ຫົວຫນ້າຫນ່ວຍສະເພາະກິດ ຕ້ານການຂຸດຄົ້ນ IUU ຂົນຂວາຍຊາວປະມົງຫາປາຢ່າງມີຄວາມຮັບຜິດຊອບ. (ພາບ:Lưu Sơn/VOV)

ສຳລັບກຳລັງປ້ອງກັນຊາຍແດນ, ກອງບັນຊາທະຫານປ້ອງກັນຊາຍແດນແຂວງ ກໍ່ໄດ້ລົງກວດກາ, ຄວບຄຸມການອອກ, ເຂົ້າທຽບທ່າຂອງບັນດາກຳປັ່ນຫາປາຢ່າງເຂັ້ມງວດ, ເດັດດ່ຽວບໍ່ໃຫ້ກຳປັ່ນອອກໄປນອກຝັ່ງເມື່ອບໍ່ມີເງື່ອນໄຂຄົບຖ້ວນ ແລະ ແກ້ໄຂຕາມຂໍ້ກຳນົດ, ສືບຕໍ່ຕິດຕາມກວດກາ, ຢັ້ງຢືນ, ແກ້ໄຂບັນດາກໍລະນີຕາມສິດອຳນາດຂອງບັນດາຄະດີ, ກໍລະນີທີ່ມີສັນຍານວ່າລະເມີດໂດຍກ່ຽວຂ້ອງເຖິງ IUU. ພັນເອກ ດັ້ງກາວດາດ, ຫົວຫນ້າຫນ່ວຍສະເພາະກິດຕ້ານການຂຸດຄົ້ນ IUU ໃຫ້ຮູ້ວ່າ:

 “ພວກຂ້າພະເຈົ້າໄດ້ຊີ້ນຳໃຫ້ບັນດາຫົວຫນ່ວຍວິຊາສະເພາະ ສົມທົບກັບພະແນກກະສິກຳ, ຕຳຫລວດປ້ອງກັນທະເລ, ບັນດາຫ້ອງການສະມາຄົມອາຊີບຫາປາ, ກຳລັງກວດກາການປະມົງ, ສາຂາກົມສິນໃນນ້ຳ, ພາສີເຂດ 2 ຈັດຕັ້ງການຜັນຂະຫຍາຍ, ກຳແຫນ້ນສະພາບການ ກໍ່ຄືແລກປ່ຽນຂໍ້ມູນຂ່າວ. ພວກຂ້າພະເຈົ້າກໍ່ໄດ້ສົມທົບກັບຕຳຫລວດ, ແລກປ່ຽນວິທີການ, ການກະທຳແກ້ໄຂຢ່າງເປັນປະຈຳ ເພື່ອໃຫ້ບັນດາກໍລະນີທີ່ຕ້ອງແກ້ໄຂນັ້ນໃຫ້ຮັບປະກັນຢ່າງວ່ອງໄວ, ທັນການ ແລະ ຮັບປະກັນລັກສະນະແຈ້ງເຕືອນສູງ”.

ອາດເວົ້າໄດ້ວ່າ ແຂວງ ບ່າເຣ້ຍ - ຫວູງເຕົາ ໄດ້ລະດົມທຸກແຫລ່ງກຳລັງ, ຊີ້້ນຳບັນດາພະແນກ, ຂະແຫນງການທີ່ກ່ຽວຂ້ອງເພື່ອສຸມໃສ່ແກ້ໄຂຂໍ້ຄົງຄ້າງ, ປະຕິບັດບັນດາມາດຕະການຮີບດ່ວນເພື່ອແນໃສ່ບັນລຸໝາກຜົນດີທີ່ສຸດ, ປະຕິບັດເປົ້າໝາຍຍົກເລີກ “ບັດເຫລືອງ” ໃນບັ້ນກວດກາຂອງ EC ໃນໄລຍະທ້າຍປີ 2024.