“ທີ່ນີ້ສະຖານີວິທະຍຸກະຈາຍສຽງຫວຽດນາມ, ກະຈາຍສຽງຈາກຮ່າໂນ້ຍ, ນະຄອນຫຼວງຂອງປະເທດສາທາລະນະລັດ ປະຊາທິປະໄຕ ຫວຽດນາມ“
ພ້ອມກັບຄຳລິເລີ່ມນັ້ນ, ວັນທີ 7/9/1945, ວິທະຍຸກະຈາຍສຽງຫວຽດນາມ ໄດ້ຮັບການສ້າງຕັ້ງຂຶ້ນຢ່າງເປັນທາງການ. 70 ປີຜ່ານມາ, ວິທະຍຸກະຈາຍສຽງຫວຽດນາມ ພ້ອມກັບທົ່ວປະເທດ, ໄດ້ເຊື່ອມຕໍ່ສຽງເວົ້າ ແລະ ຫົວໃຈຂອງຊາວຫວຽດນາມ ນັບລ້ານຄົນນຳກັນ.
ເຖິງວ່າການເວລາຈະລ່ວງເລີຍໄປກໍ່ຕາມ, ແຕ່ອະນຸສອນແຫ່ງຊຸມມື້ນັ້ນຍັງຄົງຮັກສາໄວ້ຢູ່. ມຸ່ງໄປເຖິງການສະເຫຼີມສະຫຼອງ 70 ປີ ແຫ່ງວັນສ້າງຕັ້ງ (7/9/1945-7/9/2015), ຫ້ອງການວິທະຍຸກະຈາຍສຽງຫວຽດນາມ ດຳເນີນການກໍ່ສ້າງຫ້ອງມູນເຊື້ອ, ເພື່ອແນໃສ່ຮັກສາມູນເຊື້ອອັນສະຫງ່າລາສີຂອງວິທະຍຸກະຈາຍສຽງຫວຽດນາມ ໄວ້ໃຫ້ລຸ້ນປະຈຸບັນ ແລະ ລຸ້ນຕໍ່ໆໄປ.
ເນື່ອງໃນໂອກາດນີ້, ວິທະຍຸກະຈາຍສຽງຫວຽດນາມ ຫວັງວ່າ, ທ່ານຜູ້ຟັງໃນທຸກແຖບຖິ່ນຂອງປະເທດຈະສະໜອງບັນດາຂໍ້ມູນ, ເອກະສານດ້ວຍຮູບພາບ, ນຳ້ສຽງ, ວັດຖຸພັນ…ທີ່ກ່ຽວຂ້ອງເຖິງປະຫວັດແຫ່ງການສ້າງຕັ້ງ ແລະ ພັດທະນາຂອງ ວິທະຍຸກະຈາຍສຽງຫວຽດນາມ ນັບແຕ່ເດືອນ 9/1945 ມາຮອດປະຈຸບັນ. ພິເສດແມ່ນບັນດາຂໍ້ມູນ, ວັດຖຸພັນ ໃນໄລຍະຕໍ່ຕ້ານຕ້ານລ່າເມືອງຂຶ້ນຝລັ່ງ ແລະ ຈັກກະພັດອາເມລິກາຂອງຊາດ. ເອກະສານທັງໝົດເຫຼົ່ານັ້ນຈະເປັນຊັບສົມບັດອັນລຳ້ຄ່າ ແລະ ເປັນແຫຼ່ງປຸກລະດົມກຳລັງໃຈໃຫຍ່ຫຼວງທີ່ສຸດສຳລັບຜູ້ເຮັດວຽກງານສື່ມວນຊົນຂອງວິທະຍຸກະຈາຍສຽງຫວຽດນາມ.
ຂໍ້ມູນສະໜອງທັງໝົດຂໍຝາກເຖິງ: ນາງ ຫງວຽນກິມເຟື້ອງ, ຫ້ອງການວິທະຍຸກະຈາຍສຽງຫວຽດນາມ, 58 ຖະໜົນກວ໋ານສື໋, ຮ່າໂນ້ຍ, ໂທລະສັບ: 01687738545 ຫຼື 04.39365217.
ວິທະຍຸກະຈາຍສຽງຫວຽດນາມຂໍຂອບໃຈ!