ພິທີໄຂງານມະຫາກຳຮູບເງົາຫວຽດນາມຄັ້ງທີ 18
|
ງານມະຫາກຳຮູບເງົາຫວຽດນາມ ຄັ້ງທີ 18 ປີ 2013 ທີ່ຫາກໍອັດລົງຢູ່ແຂວງ ກວາງນິງ ແມ່ນເຫດການວັດທະນະທຳທີ່ດຶງດູດຄວາມສົນໃຈຈາກບັນດານິຍົມຮູບເງົາໃນທົ່ວປະເທດ. ງານມະຫາກຳຮູບເງົາຫວຽດນາມຄັ້ງນີ້ບໍ່ພຽງແຕ່ເຊີດຊູ, ມອບລາງວັນໃຫ້ແກ່ບັນດາຜູ້ກຳກັບການສະແດງ, ຮູບເງົາທີ່ດີເດັ່ນເທົ່ານັ້ນ, ຫາກຍັງແມ່ນໂອກາດເພື່ອໃຫ້ນັກສິລະປີນລຸ່ນຕ່າງໆ ທົບທວນຄືນມູນເຊື້ອປະຫວັດ ສາດຜ່ານ 60 ປີຂອງພື້ນຖານຮູບເງົາຫວຽດນາມ.
ນັບຕັ້ງແຕ່ທ່ານປະທານໂຮ່ຈິມິນເຊັນລັດຖະດຳລັດສ້າງຕັ້ງຂະແໜງຮູບເງົາເມື່ອປີ 1953 ມາຮອດປະຈຸບັນ, ຂະແໜງ ຮູບເງົາຫວຽດນາມໄດ້ຜ່ານຜ່າບັນດາໄລຍະແຫ່ງປະຫວັດສາດຂອງຊາດ ແລະ ໄດ້ບັນດາລຸບັນດາຜົນງານທີ່ໜ້າເອກອ້າງທະນົງໃຈ. ຂີດໝາຍສຳຄັນທຳອິດຂອງພື້ນຖານ ຮູບເງົາປະຕິວັດຫວຽດນາມ ແມ່ນ ຮູບເງົາເລື່ອງ : ຮ່ວມແມ່ນນ້ຳສາຍດຽວ ຊຶ່ງໄດ້ຮັບການຜະລິດ ແລະ ນຳມາສາຍຮັບໃຊ້ມວນຊົນເມື່ອປີ 1959, ຮູບເງົາເລື່ອງນີ້ໄດ້ຕິດພັນກັບການສ້າງຕັ້ງໂຮງຜະລິດຮູບເງົາເລື່ອງຫວຽດນາມ. ຫຼັງຈາກນັ້ນ, ມີຮູບເງົາຫຼາຍເລື່ອງໃນໄລຍະນີ້ ໄດ້ບັນລຸມາດຖານທັງດ້ານເນື້ອໃນກໍຄືຮູບການສະແດງຄື ຮູບເງົາເລື່ອງ : ຜົວເມຍອາຝູ; ເອື້ອຍຕືເຫົ້າ; ເສັ້ນທາງກັບຄືນບ້ານເກີດ, ເສັ້ນຂະໜານ 17 - ວັນ ແລະ ຄືນ, ຫຼານນ້ອນຊາວຮ່າໂນ້ຍ......ພ້ອມກັບບັນດາຮູບເງົາກ່ຽວກັບຫົວເລື່ອງສົງຄາມນັ້ນ, ກໍຍັງມີຮູບເງົາບາງເລື່ອງກ່ຽວກັບຫົວເລື່ອງສ້າງສາປະເທດຊາດໄດ້ຮັບຜົນສຳເລັດຄື : ເລື່ອງຜົວເມຍອ້າຍລຶກ; ພົບກັນໃໝ່ທີ່ນັດ... ພາຍຫຼັງປີ 1975, ປະເທດຊາດໄດ້ໂຮມເຂົ້າກັນເປັນເອກະພາບນັ້ນ, ໄດ້ປະກົດມີ ຮູບເງົາຫຼາຍເລື່ອງທີ່ໄດ້ສ້້າງຄວາມປະທັບໃຈໃຫ້ແກ່ຜູ້ຊົມຄື : ທົ່ງນາທີ່ຮົກເຮື້ອ; ແມ່ບໍ່ຢູ່ເຮືອນ; ເມື່ອໃດຈະຮອດເດືອນຕຸລາ.... ໃນນັ້ນ ຮູບເງົາ ເມື່ອໃດຈະຮອດເດືອນຕຸລາ ຂອງນັກກຳກັບການສະແດງ ດັ້ງເຍິດມິງ ໄດ້ມີຊື່ໃນບັນຊີລາຍຊື່ ຮູບເງົາ 18 ເລື່ອງທີ່ມ່ວນທີ່ສຸດຂອງອາຊີ ໂດຍສຳນັກຂ່່າວສານ CNN ຂອງອາເມລິກາຈັດອັນດັບເມື່ອປີ 2008. ຫວນຄືນໄລຍະທຳການຜະລິດ ຮູບເງົາເລື່ອງດັ່ງກ່າວ, ນັກກຳກັບການສະແດງ ດັ້ງເຍິດມິງ ເລົ່າຄືນສູ່ຟັງວ່າ :
“ ຄາວນັ້ນ, ພວກຂ້າພະເຈົ້າຜະລິດຟິມຮູບເງົາ ດ້ວຍຄວາມເມົາມົວກັບອາຊີບ, ດ້ວຍຈິດໃຈທີ່ຍາມໃດກໍຜູກພັນກັບຊາຕາກຳຂອງປະເທດຊາດ. ພວກຂ້າພະເຈົ້າເຮັດ, ບໍ່ແມ່ນເພື່ອສິ່ງໃດໆນອກເໜືອຈາກນ້ຳໃຈຮັກຊາດ, ແລະ ມີຄວາມຫວັງພຽງຢ່່າງດຽວວ່າ ເຮັດແນວໃດເພື່ອໃຫ້ ຮູບເງົາມີຄຸນນະພາບສູງສຸດ, ສໍ່ສະແດງໃຫ້ເຫັນຄວາມໃນໃຈຂອງຕົນເອງ, ສ່ອງແສງດ້ວຍຄວາມສັດຊື່ກ່ຽວກັບຊີວິດຕໍ່ສູ້ຂອງຊາດ ”
ຕອນໜຶ່ງໃນຮູບເງົາເລື່ອງ“ທົ່ງນາທີ່ຮົກເຮື້ອ”
|
ກ້າວເຂົ້າສູ່ໄລຍະປ່ຽນແປງໃໝ່ຄືປີ 1986, ກໍແມ່ນໄລຍະທີ່ມີ ຮູບເງົາຫຼາຍເລື່ອງທີ່ດີເດັ່ນໄດ້ປະສົບຜົນສຳເລັດຄື : ນາງສາວບົນລຳແມ່ນ້ຳ; ນາຍພົນພັກກິນເບ້ຍບຳນານ; ຄາວເຍົາໄວທີ່ແຮງກ້າ; 3 ແຍກດົງໂລກ; ຮ່າໂນ້ຍ 12 ວັນ ແລະ ຄືນ.....ສຳລັບ ຮູບເງົາເອກະສານໃນໄລຍະປ່ຽນແປງໃໝ່ກໍມີການຫັນປ່ຽນຢ່າງໜັກແໜ້ນ ແລະ ສາມາດໄດ້ຮັບລາງວັນຢ່າງຕໍ່ເນື່ອງທີ່ ງານມະຫາກຳຮູບເງົາ ອາຊີ-ປາຊີຟິກຄື : ກັບຄືນສູ່ ງືຖີ; ສຽງພິນຢູ່ມີ້ລາຍ; ເອື້ອຍ ນຳ ເປັນບ້າ......
ໃນຊຸມປີ 1990 ຂອງສະຕະວັດກ່ອນ, ໄດ້ປະກົດມີບັນດາຮູບເງົາພຽງແຕ່ເພື່ອແນໃສ່ດຶງດູດຜູ້ຊົມຫຼາຍກ່ວາເລື່ອງເອົາໃຈເຖິງຄຸນນະພາບ. ແຕ່ທ່າອຽງນີ້ກໍບໍ່ແກ່ຍາວປານໃດ. ປີ 2003, ຮູບເງົາເລື່ອງ ສາວຢູ່ສະຖານທີ່ເຕັ້ນລຳ ຂອງ ນັກກຳກັບການສະແດງ ເລຮ່ວາງ ດ້ວຍຫົວເລື່ອງບັນເທິງເພື່ອຫາລາຍໄດ້, ເມື່ອນຳມາສາຍ ໄດ້ດຶງດູດຜູ້ຊົມນັບນັບແສນເມື່ອຄົນມາຊົມ, ອັນໄດ້ນຳມາເຊິ່ງລາຍຮັບສູງ. ນີ້ຄືແມ່ນການລິເລີ່ມໃຫ້ແກ່ຮູບເງົາປະເພດເພື່ອຫາລາຍໄດ້, ພ້ອມທັງປະກອບສ່ວນດຶງດູດຜູ້ນິຍົມຮູບເງົາໃຫ້ຫຼາຍຂຶ້ນ. ຕາມທ່າອຽງເຊື່ອມໂຍງເຂົ້າກັບສາກົນ, ໃນ 10 ປີມານີ້, ພື້ນຖານຮູບເງົາຫວຽດນາມໄດ້ມີບາດກ້າວຫັນປ່ຽນຫຼາຍຢ່າງ. ນັ້ນແມ່ນການຂະຫຍາຍຕົວຂອງບັນດາບໍລິສັດ ຮູບເງົາເອກະຊົນ ແລະ ດຶງດູດນັກຜະລິດຮູບເງົາຊາວຫວຽດນາມອາໄສຢູ່ຕ່າງປະເທດ ອັນໄດ້ເພີ່ມຄວາມອຸດົມສົມບູນ, ຫຼາຍຮູບຫຼາຍສີໃຫ້ ພື້ນຖານຮູບເງົາຫວຽດນາມໃນໄລຍະ ເຊື່ອມໂຍງເຂົ້າກັບສາກົນ. ນັກສະແດງຮູບເງົາຍິງ ຮົ່ງແອ້ງ ຜູ້ເຄີຍໄດ້ຮັບລາງວັນທີ່ ງານມະຫາກຳຮູບເງົາລະດັບຊາດເປີດເຜີຍວ່າ :
“ ຫວນຄືນໄລຍະທາງແຫ່ງການພັດທະນາຂອງ ພື້ນຖານຮູບເງົາຫວຽດນາມ, ໄລ່ມາຮອດປະຈຸບັນ ແມ່ນ 60 ປີ ແລ້ວ, ຂ້າພະເຈົ້າພາກພູມໃຈ ແລະ ເອກອ້າງທະນົງໃຈທີ່່ສຸດເພາະ ພາລະກິດຂອງຕົນໄດ້ຜູກພັນກັບ ¼ ໄລຍະທາງນັ້ນແລ້ວ. ຂ້າພະເຈົ້າເຫັນວ່າ ພື້ນຖານຮູບເງົາຫວຽດນາມພວມມີການປ່ຽນແປງຢ່າງເຫັນໄດ້ຊັດ”
ສ່ວນທ່າງນາງ ໂງເຟືອງລານ ຫົວໜ້າກົມຮູບເງົາຫວຽດນາມ ຢືນຢັນວ່າ :
“ ບັນດາຜູ້ເຮັດວຽກງານຮູບເງົາຫວຽດນາມ ຍາມໃດກໍມີຄວາມເອກອ້າງທະນົງ ໃຈ ຕໍ່ໄລຍະທາງ 60 ປີຂອງ ພື້ນຖານຮູບເງົາປະຕິວັດຫວຽດນາມ. ໄລຍະ 60 ປີ ທີ່ຜ່ານມາ, ຮູບເງົາຍາມໃດກໍຮ່ວມເດີນທາງພ້ອມກັບຊາດ, ຍາມໃດກໍຮ່ວມເດີນທາງພ້ອມກັບຜູ້ຊົມລຸ່ນຕ່າງໆ, ແຕ່ບັນດາຜູ້ເຮັດວຽກງານຮູບເງົາ ບໍ່ພຽງແຕ່ເອກອ້າງທະນົງໃຈຕໍ່ອະດີດຕະການເທົ່ານັ້ນ, ສິ່ງທີ່ສຳຄັນ ນັ້ນແມ່ນພວກເຮົາຕ້ອງສ້າງເປັນຂີດໝາຍໃນໄລຍະຮູບເງົາຫວຽດນາມເຊື່ອມໂຍງເຂົ້າກັບສາກົນ”
ງານມະຫາກຳຮູບເງົາຫວຽດນາມຄັ້ງທີ່ 18 ທີ່ຫາກໍຖືກຈັດຂຶ້ນຢູ່ແຂວງກວາງນິງນັ້ນ ແມ່ນໄດ້ບັນລຸຕົວເລກທີ່ປະທັບໃຈກ່ຽວກັບຈຳນວນຟິມຮູບເງົາທີ່ສົ່ງມາເຂົ້າຮ່ວມ ດ້ວຍຮູບເງົາ 139 ເລື່ອງຂອງ 44 ຮາກຖານຮູບເງົາໃນທົ່ວປະເທດ. ມີຫຼາຍລາງວັນໄດ້ຖືກມອບໃຫ້ຮູບເງົາປະເພດຕ່າງໆຄື : ຮູບເງົາເລື່ອງ, ຮູບເງົາໂທລະພາບ, ຮູບເງົາເອກະສານ, ຮູບເງົາວີດີໂອ, ຮູບເງົາກະຕູນ, ຮູບເງົາວິທະຍາສາດ.........ໝາກຜົນດັ່ງກ່າວໄດ້ເຮັດໃຫ້ມວນຊົນເພີ່ມຄວາມຮັກຕໍ່ການພັດທະນາຂອງພື້ນຖານຮູບເງົາຫວຽດນາມໃນໄລຍະທາງໃໝ່, ສາມາດຢັ້ງຢືນກຳລັງຄວາມສາມາດຢ່າງພຽງພໍເພື່ອເຊື່ອມໂຍງເຂົ້າກັບພາກພື້ນ ແລະ ສາກົນ .