(ພາບ: REUTERS/TTXVN)

    ໃນຊຸມມື້ທີ່ຜ່ານມາ, ອຳນາດການປົກຄອງຂອງທ່ານປະທານາທິບໍດີ Joe Biden ພວມຮີບເຮັ່ງປະຕິບັດຫຼາຍນະໂຍບາຍທີ່ໜ້າໃຫ້ຄວາມສົນໃຈຄື: ປະກາດບ້ວງເງິນໜູນຊ່ວຍການຮັກສາຄວາມສະຫງົບປອດໄພໃໝ່ລວມມູນຄ່າ 2.5 ຕື້ USD ໃຫ້ແກ່ ຢູແກຼນ, ອອກຄຳສັ່ງອະໄພຍະໂທດຄັ້ງໃຫ່ຍທີ່ສຸດໃນປະຫວັດສາດ, ຫ້າມການສຳຫຼວດນ້ຳມັນອາຍແກັດຢູ່ນອກຝັ່ງ…

ປັບປຸງມໍລະດົກການຕ່າງປະເທດ

ບ້ວງເງິນໜູນຊ່ວຍການຮັກສາຄວາມສະຫງົບປອດໄພທີ່ມີມູນຄ່າ 2.5 ຕື້ USD ໃຫ້ແກ່ ຢູແກຼນ ເມື່ອວັນທີ 30 ທັນວາ ແມ່ນບ້ວງເງິນໃຫ່ຍອັນດັບທີ 3 ຊື່ງອຳນາດການປົກຄອງຂອງທ່ານປະທານາທິບໍດີ Joe Biden ໄດ້ສະໜອງ ໃຫ້ແກ່ ຢູແກຼນ ນັບແຕ່ຫຼັງການເລືອກຕັ້ງປະທານາທິບໍດີ ອາເມລິກາ ໃນຕົ້ນເດືອນພະຈິກ ປີ 2024.

  ນອກຈາກນັ້ນແລ້ວ, ອຳນາດການປົກຄອງຂອງທ່ານປະທານາທິບໍດີ Joe Biden ກໍ່ ພວມມານະພະຍາຍາມສ້າງບັນດາມໍລະດົກການຕ່າງປະເທດອື່ນ. ພາຍຫຼັງທີ່ພ້ອມກັບ ຝະລັ່ງ ຊຸກຍູ້ໄດ້ຄຳສັ່ງຢຸດຍິງໂດຍຊົ່ວຄາວໃນເວລາ 60 ວັນລະຫວ່າງ ອິດສະຣາແອັນ ແລະ ກຳລັງ ເຮັກໂບລາ ຢູ່ ລີບັງ ເມື່ອທ້າຍເດືອນພະຈິກ, ບຸລິມະສິດໃນປະຈຸບັນຂອງ ອາເມລິກາ ຢູ່ຕາເວັນອອກກາງ ແມ່ນບັນລຸໄດ້ຂໍ້ຕົກລົງຢຸດຍິງຢູ່ເຂດ ກາຊາ ລະຫວ່າງ ອິດສະຣາແອັນ ແລະ ຂະບວນການ ຮາມາສ. ວັນທີ 6 ມັງກອນ, ທ່ານ Antony Blinken ລັດຖະມົນຕີການຕ່າງປະເທດ ອາເມລິກາ ໄດ້ຍອມຮັບວ່າ ອາເມລິກາ ຢາກບັນລຸໄດ້ເປົ້າໝາຍນີ້ ກ່ອນຈຸດເວລາມອບໂອນສິດອຳນາດ. ທ່ານລັດຖະມົນຕີການຕ່າງປະເທດ ອາເມລິກາ Antony Blinken ໃຫ້ຮູ້ວ່າ:

  ພວກເຮົາລ້ວນແຕ່ຮູ້ວ່າ, ເຖິງວ່າປະເທດ ອາເມລິກາ ພວມຢູ່ໃນໄລຍະມອບໂອນສິດອຳນາດແຕ່ໂລກບໍ່ໄດ້ຢຸດຕິ ແລະ ລໍຖ້າການມອບໂອນຢູ່ ອາເມລິກາ. ເຖິງວ່າ ຍັງມີຫຼາຍບັນຫາສຳຄັນໃນໂຄງການດຳເນີນງານໄດ້ຕັ້ງຂຶ້ນ ແລະ ພວກຂ້າພະເຈົ້າພວມພິຈາລະນາສະພາບການໃນປະຈຸບັນຢ່າງລະອຽດ, ກໍ່ຄືສິ່ງທີ່ພວກຂ້າພະເຈົ້າສືບຕໍ່ຕ້ອງດຳເນີນ.

ຊຸກຍູ້ການໃຫ້ບຸລິມະສິດໃນການພົວພັນພາຍໃນ

    ບໍ່ພຽງແຕ່ໄດ້ປັບປຸງການພົວພັນຕ່າງປະເທດເທົ່ານັ້ນ, ອຳນາດການປົກຄອງໃນປະຈຸບັນຂອງ ອາເມລິກາ ກໍ່ພວມຊຸກຍູ້ການໃຫ້ບຸລິມະສິດໃນການພົວພັນພາຍໃນສຸດທ້າຍ ກ່ອນການມອບໂອນສິດອຳນາດ. ວັນທີ 6 ມັງກອນ, ທ່ານປະທານາທິບໍດີ Joe Biden ໄດ້ປະກາດໃຊ້ຄຳສັ່ງເກືອດຫ້າມການສຳຫຼວດນ້ຳມັນອາແກັດຢູ່ນອກຝັ່ງ ໃນບັນດາເຂດແຄມທະເລກ້ວາງໃຫ່ຍຂອງມະຫາສະໝຸດ ອັກລັງຕິກ ແລະ ປາຊິຟິກ ກໍ່ຄືເຂດທະເລສະຫະລັດຈຳນວນໜຶ່ງອີກ.

  ຕາມວົງການນັກສັງເກດການແລ້ວ, ເລື່ອງຍົກອອກຄຳສັ່ງເກືອດຫ້າມໃນຈຸດເວລານີ້ ກໍ່ໃຫ້ເຫັນວ່າ ທ່ານ Joe Biden ພວມພະຍາຍາມປົກປ້ອງມໍລະດົກດ້ານເສດຖະກິດ ແລະ ສິ່ງແວດລ້ອມຂອງຕົນ, ຊື່ງແມ່ນສິ່ງທີ່ທ່ານໄດ້ຍອມຮັບເມື່ອເຂົ້າຮ່ວມການປຶກສາຫາລືນະໂຍບາຍຢູ່ສະຖາບັນ Brookings ໃນທ້າຍປີ 2024 ທີ່ຜ່ານມາ:

   ນັກການເມືອງເກືອບທັງໝົດລ້ວນແຕ່ເຫັນດີວ່າ ອຳນາດການປົກຄອງໃໝ່ຂອງ ອາເມລິກາ ຈະໄດ້ຊົມໃຊ້ພື້ນຖານເສດຖະກິດທີ່ເຂັ້ມແຂງພໍສົມຄວນ, ຢ່າງໜ້ອຍສຸດແມ່ນໃນຈຸດເວລານີ້. ພື້ນຖານເສດຖະກິດ ອາເມລິກາ ໄດ້ຜ່ານບັນດາການປ່ຽນແປງອັນສຳຄັນ ເພື່ອສ້າງພື້ນຖານທີ່ເຂັ້ມແຂງກ່ວາໃຫ້ແກ່ການເຕີບໂຕທີ່ໝັ້ນຄົງ, ກວ້າງຂວາງດ້ວຍສະມັດຕະພາບສູງ. ຂ້າພະເຈົ້າຫວັງວ່າ ອຳນາດການປົກຄອງໃໝ່ຈະປົກປ້ອງ ແລະ ເສີມຂະຫຍາຍບັນດາຄວາມກ້າວໜ້ານີ້.

   ບາງຂົງເຂດອື່ນຢູ່ ອາເມລິກາ ກໍ່ໄດ້ຮັບຮູ້ບັນດາການປ່ຽນແປງນະໂຍບາຍສຳຄັນ. ວັນທີ 24 ທັນວາ, ທ່ານປະທານາທິບໍດີ ອາເມລິກາ Joe Biden ໄດ້ປະກາດໃຊ້ກົດໝາຍ 50 ສະບັບ, ໃນນັ້ນມີການຮັບຮູ້ນົກອິນຊີຫົວຂາວ ແມ່ນສັນຍາລັກທາງການຂອງປະເທດຊາດ ແລະ ບັນດາສະມາຊິກສະພາແຫ່ງຊາດຈະບໍ່ໄດ້ຮັບເງິນບຳນານຖ້າຫາກວ່າມີໂທດ. ເປັນຄັ້ງທຳອິດ, ທ່ານປະທານາທິບໍດີ Joe Biden ກໍ່ສ້າງມາດຖານຕ້ານການນາບຂູ່ສະຫະລັດ ເພື່ອແນໃສ່ແກ້ໄຂສະພາບການໃຊ້ຄວາມຮຸນແຮງ ແລະ ເສຍຊີວິດຢູ່ບັນດາຮາກຖານສຶກສາຂັ້ນມະຫາວິທະຍາໄລ… ວັນທີ 12 ທັນວາ, ທ່ານ Joe Biden ໄດ້ຫລຸດເວລາປະຕິບັດໂທດໃຫ້ແກ່ເກືອບ 1.500 ຄົນທີ່ພວມຖືກກັກບໍລິເວນຢູ່ເຮືອນສ່ວນຕົວ ພາຍຫຼັງໄດ້ປະຕິບັດໂທດຄຸມຂັງໃນໄລຍະໂລກລະບາດ ໂຄວິດ 19 ພ້ອມທັງອະໄພຍະໂທດໃຫ້ແກ່ນັກໂທດ 39 ຄົນ. ນີ້ແມ່ນການຫລຸດຜ່ອນເວລາປະຕິບັດໂທດ ແລະ ອະໄພຍະໂທດໃນມື້ໜຶ່ງທີ່ຫຼາຍທີ່ສຸດໃນປະຫວັດສາດທັນສະໄໝຂອງ ອາເມລິກາ./.