(VOVWORLD) - ໃນການຜັນແປໄດ້ຮັບຖືວ່າເປັນການສະແດງໃຫ້ເຫັນນັບມື້ນັບມີຄວາມວິຕົກກັງວົນຂອງ ອາເມລິກາ ກ່ຽວກັບການຟື້ນຕົວຂອງກຸ່ມກໍ່ການຮ້າຍຢູ່ຕາເວັນອອກກາງ, ພິເສດແມ່ນ IS
 ສະຖານທີ່ເກີດເຫດລົດຕຳໃສ່ກຸ່ມຄົນຢູ່ນະຄອນ New Orleans ລັດ Louisiana(ພາບ: AP/TTXVN)
|
ຫຼາຍເຫດບຸກໂຈມຕີກໍ່ການຮ້າຍໃນໄລຍະມໍ່ໆມານີ້ຢູ່ ເອີຣົບ ແລະ ອາເມລິກາ ເຮັດໃຫ້ນັກຊ່ຽວຊານມີຄວາມວິຕົກກັງວົນຕໍ່ການຟື້ນຕົວຂອງພວກການກໍ່ການຮ້າຍໃນ ທົ່ວໂລກ, ພິເສດແມ່ນໃນສະພາບການຄວາມຂາດສະຖຽນລະພາບ ແລະ ການປະທະກັນຢູ່ເຂດຕາເວັນອອກກາງ ໄດ້ສ້າງຊ່ອງຫວ່າງຫຼາຍທາງດ້ານສິດອຳນາດສໍາລັບກໍາລັງ ຫົວຮຸນແຮງ.
ວັນທີ 01 ມັງກອນ, ມີຜູ້ຖືກສົງໄສຄົນໜຶ່ງໄດ້ຂັບລົດໄປຕຳ ແລະ ໄດ້ຍິງປືນໃສ່ກຸ່ມຄົນຢູ່ນະຄອນ New Orleans ລັດ Louisiana, ອາເມລິກາ, ເຮັດໃຫ້ 14 ຄົນເສຍຊີວິດແລະ 30 ຄົນບາດເຈັບ. ນີ້ແມ່ນເຫດການກໍ່ການຮ້າຍຫຼ້າສຸດ ເຮັດໃຫ້ເພີ່ມຄວາມເປັນຫ່ວງດ້ານຄວາມໝັ້ນຄົງຢູ່ຫຼາຍປະເທດໃນໂລກ.
ໄພນາບຂູ່ຈາກ “ການບຸກໂຈມຕີກໍ່ການຮ້າຍໂດດດ່ຽວ”
ການບຸກໂຈມຕີຢູ່ນະຄອນ New Orleans ບໍ່ພຽງແຕ່ກໍ່ຄວາມເສຍຫາຍເຖິງຊີວິດອິນຊີຢ່າງໜັກໜ່ວງໃນວັນທຳອິດຂອງປີໃໝ່ເທົ່ານັ້ນ, ຫາກຍັງສ້າງຄວາມວິຕົກກັງວົນ ໃຫ້ແກ່ບັນດາ ເຈົ້າໜ້າທີ່ຄວາມໝັ້ນຄົງ ເມື່ອຜູ້ກໍ່ການຮ້າຍຖືທຸງຂອງກຸ່ມກໍ່ການຮ້າຍ ລັດອິດສະລາມ (IS). ທ່ານ Christopher Raia, ຮອງຜູ້ຊ່ວຍວຽກຫົວໜ້າ FBI ໄດ້ຍອມຮັບວ່າ, ເປົ້າໝາຍດັ່ງກ່າວອາດຈະຖືເອົາແຫຼ່ງບັນດານໃຈຈາກພວກ IS. ຕາມທ່ານ Colin Clarke, ນັກຊ່ຽວຊານທີ່ປຶກສາດ້ານຄວາມໝັ້ນຄົງໂລກ Soufan Group ແລ້ວ, ສິ່ງດັ່ງກ່າວກໍ່ຊີ້ໃຫ້ເຫັນວ່າ, ບໍ່ວ່າຄວາມສາມາດເຄື່ອນໄຫວ IS ໃນປະຈຸບັນແມ່ນຄືແນວໃດ, ແຕ່ຜົນສະທ້ອນຂອງພວກ IS ໄດ້ສົ່ງຜົນສະທ້ອນເຖິງກະແສການບຸກໂຈມຕີແບບ “ການບຸກໂຈມຕີກໍ່ການຮ້າຍໂດດດ່ຽວ”, ຍັງຄົງເປັນໄພນາບຂູ່ທີ່ບໍ່ຍືດເຍື້ອ ແລະ ບໍ່ຫານສາບສູນ.
 ສະຖານທີ່ເກີດເຫດການກໍ່ການຮ້າຍຢູ່ຕະຫຼາດຄຼິດສະມາດ Magdeburg ຢູ່ ເຢຍລະມັນ(ພາບ: THX/TTXVN)
|
ກ່ອນການບຸກໂຈມຕີໃນຊຸມມື້ຕົ້ນປີໃໝ່ຢູ່ນະຄອນ New Orleans, ວັນທີ 20 ທັນວາ 2024, ມີເຫດການກໍ່ການຮ້າຍອຸບັດຕິເຫດລົດຕຳທີ່ຄ້າຍຄືກັນກໍ່ເກີດຂຶ້ນຢູ່ຕະຫຼາດຄຼິດສະມາດ Magdeburg ຢູ່ ເຢຍລະມັນ, ເຮັດໃຫ້ 5 ຄົນເສຍຊີວິດ ແລະ 200 ກວ່າຄົນບາດເຈັບ. ຕາມນັກຊ່ຽວຊານ Daniel Byman, ຜູ້ອໍານວຍການ ໂຄງການກ່ຽວກັບການກໍ່ການຮ້າຍ ແລະ ໄພນາບຂູ່ທີ່ບໍ່ເປັນປະຈຳ, ຂຶ້ນກັບສູນຄົ້ນຄວ້າສາກົນ ແລະ ຍຸດທະສາດ (CSIS) ແລ້ວ, ນີ້ແມ່ນວິທີໃໝ່ໂດຍພາກສ່ວນ IS ນຳໃຊ້ ໃນບັນດາການບຸກໂຈມຕີກໍ່ການຮ້າຍໃນຊຸມປີທີ່ຜ່ານມາຢູ່ ລອນດອນ (ອັງກິດ), ແບັກແລ້ງ (ເຢຍລະມັນ) ແລະ ຮ້າຍແຮງທີ່ສຸດແມ່ນຢູ່ Nice ປະເທດ ຝລັ່ງ ໃນເດືອນ ກໍລະກົດ 2016 ເຮັດໃຫ້ 86 ຄົນເສຍຊີວິດ.
“ໃນ 10 ປີທີ່ຜ່ານມາ, ພວກເຮົາໄດ້ເຫັນ IS ໃຊ້ວິທີບຸກໂຈມຕີດ້ວຍວິທີລົດຕຳໃສ່. ພວກເຮົາໄດ້ເຫັນສິ່ງນີ້ຢູ່ບາງປະເທດ ເອີລົບ ກໍ່ຄືຢູ່ ນິວຢອກ, ເມື່ອເປົ້າໝາຍນຳໃຊ້ລົດ ໂອໂຕເພື່ອຕຳໃສ່ຜູ້ຍ່າງຢູ່ຕາມຖະໜົນ. ສະນັ້ນ, ແນ່ນອນວ່ານີ້ແມ່ນສະມາຊິກຂອງກຸ່ມ IS ແລະ ໃນເຫດການວິນາດສະກຳຢູ່ເມືອງ New Orleans, ນີ້ແມ່ນວິທີທີ່ຈະເຂັ່ນຂ້າຫຼາຍຄົນພາຍໃນໄລຍະເວລາສັ້ນໆ.”
ສິ່ງທີ່ໜ້າເປັນຫ່ວງກວ່ານັ້ນ, ຕາມນັກຊ່ຽວຊານຫຼາຍທ່ານແລ້ວ, ນັ້ນແມ່ນ ການຟື້ນຕົວຄືນຂອງຮູບແບບບຸກໂຈມຕີ “ກໍ່ການຮ້າຍໂດດດ່ຽວ” ຢູ່ ອາເມລິກາ ແລະ ເອີລົບ ຕໍ່ຈາກບັນດາການບຸກໂຈມຕີກໍ່ການຮ້າຍຄັ້ງໃຫຍ່ຫຼາຍຄັ້ງໃນປີ 2024 ຢູ່ຫຼາຍປະເທດ ໂດຍ IS ແລະ ສາຂາຂອງພວກນີ້ (ISIS-K) ປະຕິບັດ, ຄື: ການວາງລະເບີດຢູ່ນະຄອນ Kerman ຂອງ ອີຣານ ເມື່ອເດືອນ ມັງກອນ ແລະ ການກໍ່ການຮ້າຍຢູ່ໂຮງລະຄອນ Moscow, ຢູ່ ລັດເຊຍ ໃນທ້າຍເດືອນ ມີນາ. ຕາມນັກຊ່ຽວຊານ Hans-Jakob Schindler, ຜູ້ອໍານວຍການອົງການຈັດຕັ້ງທີ່ບໍ່ຂຶ້ນກັບລັດຖະບານໂຄງການຕ້ານ ການກໍ່ການຮ້າຍ (CTP) ແລ້ວ, ບັນດາໄພນາບຂູ່ດ້ານຄວາມໝັ້ນຄົງພວມນັບມື້ນັບມີຂອບຂະຫນາດໃຫຍ່ກວ່າ ແລະ ຮັບມືຍາກກວ່າ ໃນສະພາບການເກີດການປະທະກັນ ແລະ ການຂາດຄວາມສະຖຽນລະພາບທີ່ພວມແຜ່ລາມໃນທົ່ວໂລກ, ໂດຍສະເພາະແມ່ນຢູ່ເຂດຕາເວັນອອກກາງ.
“ພວກເຮົາພວມດຳລົງຊີວິດຢູ່ໃນໄລຍະທີ່ມີຄວາມຈັດແບ່ງຂົ້ວຢ່າງສູງສຸດ, ພ້ອມກັນນັ້ນ ການປະທະກັນຢູ່ຕາເວັນອອກກາງ ກໍ່ຄືການການຟື້ນຕົວຂອງ IS ແລະ Al-Qaida ໃນທົ່ວໂລກໄດ້ເຮັດໃຫ້ສະພາບການຮ້າຍແຮງກວ່າ. ພວກເຮົາພວມຢູ່ໃນສະພາບການຫຍຸ້ງຍາກທີ່ສຸດ.”
ຈຸດຮ້ອນເຮັ່ງ ຊີຣີ ຫຼື Sahel?
ໃນການຜັນແປໄດ້ຮັບຖືວ່າເປັນການສະແດງໃຫ້ເຫັນນັບມື້ນັບມີຄວາມວິຕົກກັງວົນຂອງ ອາເມລິກາ ກ່ຽວກັບການຟື້ນຕົວຂອງກຸ່ມກໍ່ການຮ້າຍຢູ່ຕາເວັນອອກກາງ, ພິເສດແມ່ນ IS, ວັນທີ 20 ທັນວາ 2024 ຜ່ານມາ, ທຳນຽບຫ້າແຈໃຫ້ຮູ້ວ່າ, ໄດ້ຜັນຂະຫຍາຍທະຫານໄປຍັງ ຊີຣີ ຕື່ມອີກ ເພື່ອຮັບມືກັບສະພາບຄວາມໝັ້ນຄົງທີ່ພວມປ່ຽນແປງຢ່າງວ່ອງໄວຢູ່ປະເທດນີ້, ພາຍຫຼັງຝ່າຍຄ້ານໂດຍກຸ່ມລັດ ອິດສະລາມ Hayat Tahrir al-Sham (HTS) ນຳພາໄດ້ໂຄ່ນລົ້ມອຳນາດການປົກຄອງຂອງທ່ານປະທານາທິບໍດີ ຊີຣີ Bashar al-Assad ໃນວັນທີ 08 ທັນວາ 2024. ທ່ານ Jake Sullivan, ທີ່ປຶກສາດ້ານ ຄວາມໝັ້ນຄົງແຫ່ງຊາດ ອາເມລິກາ, ໃຫ້ຮູ້ວ່າ:
"ພວກເຮົາຕ້ອງຍອມຮັບວ່າ ເວລາ Damascus ລົ້ມລະລາຍນັ້ນ ກໍ່ແມ່ນຈຸດເວລາ ທີ່ ISIS ເລີ່ມຊອກຫາທຸກໂອກາດເພື່ອສ້າງກຸ່ມຄືນໃໝ່, ເຕີບໃຫຍ່, ຂະຫຍາຍກວ້າງ, ສຸດທ້າຍໄດ້ກໍ່ສ້າງເຄືອຂ່າຍກໍ່ການຮ້າຍນາບຂູ່ ອາເມລິກາ ແລະ ພົນລະເມືອງຂອງ ອາເມລິກາ ໃນທົ່ວໂລກ. ສະນັ້ນ, ທ່ານປະທານາທິບໍດີ Joe Biden ໄດ້ຮຽກຮ້ອງໃຫ້ກອງທັບ ອາເມລິກາ ດຳເນີນບັນດາການເຄື່ອນໄຫວດ້ານທະຫານ ເພື່ອໂຕ້ຕອບບັນດາສະມາຊິກຂອງ IS ແລະ ບັນດາຮາກຖານຂອງ IS ແລະ ພວກຂ້າພະເຈົ້າຈະສືບຕໍ່ເຮັດແນວນັ້ນ.”
ຕາມບັນດານັກສັງເກດການແລ້ວ, ຄຳຖາມໃນປະຈຸບັນແມ່ນອຳນາດການປົກຄອງໃໝ່ຂອງທ່ານ Donald Trump ຈະສືບຕໍ່ປະຕິບັດນະໂຍບາຍນີ້ຫຼືບໍ່. ໃນອາຍຸການທໍາອິດ (2016-2020), ທ່ານ Donald Trump ເຄີຍຖະແຫຼງວ່າ ຈະຖອນທະຫານ ອາເມລິກາ ທັງໝົດອອກຈາກ ຊີຣີ ແລະ ບໍ່ປະໃຫ້ ອາເມລິກາ ຖືກຕົກເຂົ້າສູ່ບັນດາການປະທະກັນຢູ່ເຂດ ຕາເວັນອອກກາງ. ເຖິງຢ່າງໃດກໍ່ຕາມ, ໃນສະພາບການປະຈຸບັນອາດຈະເຮັດໃຫ້ປະທານາທິບໍດີ ອາເມລິກາ ຄົນໃໝ່ປ່ຽນແປງທັດສະນະ. ຕາມທ່ານ Brett Holmgren ຫົວໜ້າສູນຕ້ານການກໍ່ການຮ້າຍແຫ່ງຊາດອາເມລິກາ ແລ້ວ, “ຈຸດຮ້ອນເຮັ່ງ" ໃໝ່ຂອງລັດທິກໍ່ການຮ້າຍອາດຈະແມ່ນເຂດ Sahel ແລະ ອາຟະລິກາຕາເວັນຕົກ, ແມ່ນເຂດບໍ່ພຽງແຕ່ມີ IS ເທົ່ານັ້ນ, ຫາກຍັງມີຫຼາຍກຸ່ມທະຫານກະບົດ ແລະ ກໍ່ການຮ້າຍອື່ນກໍ່ໄດ້ເພີ່ມທະວີການເຄື່ອນໄຫວໃນຫຼາຍປີຜ່ານມາ.