ຄວາມສວຍງາມ ແລະ ຊາວເຫ້ວ ໄດ້ດູດດື່ມໃຈທ່ານ Ono Katsumi ຜູ້ອາສາສະໝັກຂັ້ນສູງຂອງອົງການຮ່ວມມືສາກົນຍີ່ປຸ່ນ (Jica) ຢ່າງແທດຈິງ. ຄວາມຮັກຕໍ່ເຂດພາກກາງຫວຽດນາມ ແຫ່ງນີ້ ໄດ້ຊຸກຍູ້ໃຫ້ທ່ານຄົນພົບທຸກສິ່ງທຸກຢ່າງກ່ຽວກັບເຫ້ວ ດ້ວຍຕົນເອງ ແລະ ສິ່ງສຳຄັນກ່ວານັ້ນແມ່ນ ທ່ານໄດ້ເປັນຂົວຕໍ່ແນະນຳເທື່ອທຽນເຫ້ວ ກັບຊາວຍີ່ປຸ່ນ.
(ພາບ: tour.dulichvietnam.com.vn)
ເບີ່ງຄືວ່າ ຊາວເຫ້ວ ໄດ້ລຶ້ງເຄີຍກັບຮູບພາບຊາວຍີ່ປຸ່ນ ຜູ້ໜື່ງທີ່ເປັນຄົນຮ່າງນ້ອຍ, ພາຍຖົງໃສ່ບ່າ ແລະ ມືຈັບກ້ອງຖ່າຍຮູບ, ແຕ່ລະມື້ໄດ້ຈົດບັນທຶກຢ່າງດຸໝັ່ນ, ຖ່າຍເອົາບັນດາຮູບພາບທີ່ສວຍງາມກ່ຽວກັບເຂດດິນແດນແຫ່ງນີ້. ທ່ານ Ono Katsumi ໄດ້ເວົ້າວ່າ ທ່ານເຄີຍໄປຍັງເຂດແດນສວຍງາມຫຼາຍແຫ່ງແລ້ວ ແຕ່ເຫ້ວ ມີຄວາມດູດດືມໃຈທີ່ສຸດ:
“ 21 ປີກ່ອນ, ຂ້າພະເຈົ້າໄດ້ມາເຫ້ວ ເປັນເທື່ອທຳອິດ, ໃນເວລານັ້ນ, ເຫ້ວ ຍັງຮົກເຮື້ອເປົ່າຫວ່າງ. ເດືອນ 3 ປີກາຍ, ເມື່ອກັບຄືນ ຂ້າພະເຈົ້າເຫັນວ່າເຫ້ວ ມີການປ່ຽນແປງຫຼາຍ ແລະ ຂ້າພະເຈົ້າຕົກລົງເລືອກເຫ້ວ ເພື່ອແນະນຳກັບຊາວຍີ່ປຸ່ນ“
ໃນຕະຫຼອດເວລາ 1 ປີ, ທ່ານ Ono Katsumi ໄດ້ພົວພັນກັບບັນດາບໍລິສັດທ່ອງທ່ຽວ, ໄປສະຖານທີ່ທ່ອງທ່ຽວຕ່າງໆຢູ່ເຫ້ວ, ໄປຍັງບັນດາໝູ່ບ້ານອາຊີບ….ເກັບກຳຂໍ້ມູນຂ່າວ, ສ້າງເປັນເລື່ອງລາວຕ່າງໆເພື່ອແນະນຳກັບຊາວຍີ່ປຸ່ນ ແຕ່ເພື່ອສາມາດມີບັນດາຂໍ້ມູນຂ່າວກ່ຽວກັບເທື່ອທຽນເຫ້ວ ຢ່າງມີຊີວິດຊີວາທີ່ສຸດ, ທ່ານ Ono Katsumi ໄດ້ສ້າງເວັບໄຊເປັນພາສາຍີ່ປຸ່ນ. ເມື່ອເຂົ້າເວັບໄຊດ້ວຍລະຫັດ: http//:www.vietnamhuetourism.com ທຸກຄົນຈະມີບັນດາຂໍ້ມູນຂ່າວທີ່ຄົບຖ້ວນກ່ຽວກັບເຫ້ວ
ທ່ານ Ono Katsumi ໄດ້ດຳລົງຊີວິດຢູ່ເຫ້ວ ເປັນເວລາກ່ວາ 1 ປີແລ້ວ, ແຕ່ລະເທື່ອເມື່ອຄົ້ນພົບສິ່ງທີ່ໃໝ່ອ່ຽມຕື່ມອີກ, ທ່ານກໍ່ມີຄວາມຮູ້ສຶກພາກພູມໃຈທີ່ສຸດ ແລ້ວທ່ານກໍ່ແບ່ງປັນໃນເວັບໄຊ:
“ຂ້າພະເຈົ້າໄດ້ເວົ້າເຖິງເຍື່ອງອາຫານຕ່າງໆ, ແນະນຳກ່ຽວກັບຊາວເຫ້ວ, ກ່ຽວກັບຊີວິດການເປັນຢູ່ ແລະ ປະຫວັດສາດ, ນອກຈາກນັ້ນໄດ້ເວົ້າກ່ຽວກັບສະຖານທີ່ໃໝ່, ຂ້າພະເຈົ້ານຳສະເໜີຜ່ານທາງເວັບໄຊ ແລະ ເລິ່ມມີຫຼາຍຄົນຕອບກັບ. ຂ້າພະເຈົ້າເຫັນວ່າ ຊາວຍີ່ປຸ່ນ ໄດ້ເລີ່ມມັກເຫ້ວ ແລ້ວ”
(ພາບ:blogphongthuy.com)
ໂດຍແມ່ນຊາວເຫ້ວ, ວຽກງານໄດ້ຕິດພັນກັບບັນດາຜູ້ອາສາສະໝັກຊາວ ຍີ່ປຸ່ນ ແຕ່ເອື້ອຍມິງຕຽນ ກໍ່ມີຄວາມແປກກະຫຼາດໃຈທີ່ສຸດ ເມື່ອເຂົ້າອ່ານເວັບໄຊຂອງທ່ານ Ono Katsumi. ເທື່ອທຽນເຫ້ວ ແມ່ນ 1 ໃນບັນດາສູນທ່ອງທ່ຽວໃຫ່ຍຂອງຫວຽດນາມ, ສະນັ້ນກໍ່ມີຫຼາຍເວັບໄຊໂຄສະນາເທື່ອທຽນເຫ້ວ ແຕ່ເວັບໄຊຂອງທ່ານ Ono Katsumi ກໍ່ມີຈຸດພິເສດສະເພາະ:
“ເວັບໄຊມີຂໍ້ມູນຂ່າວຫຼາຍ, ຈະແຈ້ງ, ໄດ້ໃຫ້ຂ່າວກ່ຽວກັບສະພາບການຢູ່ເຫ້ວ ຢ່າງທັນການ. ຂ້າພະເຈົ້າມັກເວັບໄຊນີ້ທີ່ສຸດ ແລະ ມີຄວາມຮູ້ບຸນຄຸນທ່ານ Ono Katsumi ຫຼາຍ“
ຄວາມຊິ້ນເຄີຍທີ່ຢາກຄົ້ນພົບທຸກສິ່ງທຸກຢ່າງຂອງເຫ້ວ, ສຳພັດບັນຍາກາດຂອງເຂດດິນແດນທີ່ເປັນກຸງເກົ່າ, ໄດ້ເຈືອຈານເຂົ້າກັບຊີວິດການເປັນຢູ່ຂອງຊາວເຫ້ວ ເບີ່ງຄືວ່າໄດ້ກາຍເປັນສ່ວນໜື່ງທີ່ບໍ່ອາດຂາດໄດ້ໃນຊີວິດຂອງທ່ານ Ono Katsumi. ທ່ານຢາກໃຫ້ຊາວຍີ່ປຸ່ນຮູ້ຈັກເຫ້ວ ຫຼາຍກ່ວາ ແລະ ເລືອກເອົາເຫ້ວ ແມ່ນສະຖານທີ່ທ່ອງທ່ຽວຄົ້ນພົບຂອງຕົນ. ສະລັບທ່ານແລ້ວ, ຍາມໃດເຫ້ວ ກໍ່ມີສິ່ງໃໝ່ອຽມ ແລະ ແມ່ນສະຖານທີ່ດູດດື່ມໃຈທີ່ສຸດ.