(ພາບປະກອບ)
|
ວຽກງານກະກຽມໃຫ້ “ ຊຸມວັນວັດທະນະທຳລັດເຊຍຢູ່ຫວຽດນາມ” ປີ 2013 ຊຶ່ງຈະຖືກຈັດຂຶ້ນແຕ່ວັນທີ 11 ຫາ 17/11, ພວມຢູ່ໃນຂັ້ນຕອນສຸດທ້າຍ. ເຫດການ“ຊຸມວັນວັດທະນະທຳລັດເຊຍຢູ່ຫວຽດນາມ” ແມ່ນການເຄື່ອນໄຫວໃນ ຂອບເຂດ “ ໂຄງການຮ່ວມມືດ້ານວັດທະນະທຳລະຫວ່າງຫວຽດນາມ ແລະ ລັດເຊຍ ໄລຍະ 2013-2015” ໂດຍກະຊວງວັດທະນະທຳ, ກິລາ ແລະ ທ່ອງທ່ຽວຫວຽດນາມ ສົມທົບກັບກະຊວງວັດທະນະທຳລັດເຊຍ ຈັດຂຶ້ນ. ຜ່ານການຈັດຕັ້ງເຫດການເປັນເວລາ 1 ອາທິດ, ມວນຊົນຫວຽດນາມມີໂອກາດເຂົ້າໃຈຕື່ມອີກກ່ຽວກັບວັດທະນະທຳລັດເຊຍ, ພ້ອມທັງເຮັດໃຫ້ເພີ່ມຊາວຫວຽດນາມຄວາມຮັກປະເທດລັດເຊຍອີກດ້ວຍ.
ທ່ານ ຫງວຽນຈີ້ຢຸງ ຫົວໜ້າ ວົງດົນຕີປະສານສຽງຫວຽດນາມ ໃຫ້ຮູ້ວ່າ : “ ຕາມການຊີ້ນຳຂອງ ຫົວໜ້າ ວົງດົນຕີ, ພວກຂ້າພະເຈົ້າເລີ່ມຝຶກແອບໃນຕອນບ່າຍວັນທີ 10 ແລະ ທັງວັນທີ 11, ຮອດເຊົ້າວັນທີ 12 ແມ່ນສະຫຼຸບການຟຶກແອບທັງໝົດ. ໄລຍະເວລາຝຶກແອບແມ່ນບໍ່ເທົ່າໃດ, ຫຍຸ້ງຍາກທີ່ສຸດ, ແຕ່ນັກສິລະປີນ, ນັກເສບເຄື່ອງດົນຕີທັງໝົດ ຕ່າງກໍພາກພູມໃຈເພາະວ່ານີ້ແມ່ນລາຍການມ່ວນທີ່ສຸດ. ມີນັກສິລະປີນ, ນັກເສບເຄື່ອງດົນຕີເກືອບ 80 ຄົນເຂົ້າຮ່ວມໃນເຫດການນີ້, ນີ້ແມ່ນໂອກາດທີ່ດີເພື່ອໃຫ້ ວົງດົນຕີປະສານສຽງ, ບັນດາ ນັກສິລະປີນ, ນັກເສບເຄື່ອງດົນຕີພວກຂ້າພະເຈົ້າໄດ້ແບ່ງປັນ ແລະ ຖອດຖອນບົດຮຽນ, ພິເສດແມ່ນໄດ້ແລກປ່ຽນກັບ ຫົວໜ້າ ວົງດົນຕີປະສານສຽງ ແລະ ນັກສິລະປີນ , ນັກເສບເຄື່ອງດົນຕີອັນດັບໜຶ່ງຂອງລັດເຊຍ ”
ບັນດານັກສິລະປີນ, ນັກເສບເຄື່ອງດົນຕີໃນວົງດົນຕີປະສານສຽງ ໃຜໆກໍດີໃຈເມື່ອໄດ້ມີໂອກາດເຂົ້າຮ່ວມເຫດການພົວພັນແລກປ່ຽນວັດທະນະທຳທີ່ສຳຄັນຂອງ 2 ປະເທດ. ບັນຍາກາດຝຶກແອບດົນຕີຖືກປະຕິບັດເປັນປະຈຳໃນຫ້ອງປະສານສຽງດົນຕີຂອງ ວົງດົນຕີປະສານສຽງແຫ່ງຊາດຫວຽດນາມ. ນັກເສບ ວີໂອລົງ ເຈືອງກວກມິນ ໃຫ້ຮູ້ວ່າ :
“ ໄລຍະເວລາຝຶກແອບຖືກຈຳກັດ, ດັ່ງນັ້ນທຸກຄົນໃນວົງດົນຕີກໍຝຶກແອບຢູ່ເຮືອນຂອງຕົນຕື່ມອີກ. ພວກຂ້າພະເຈົ້າຢາກແນະນຳໃຫ້ຜູ້ຟັງກ່ຽວກັບບັນດາບົດດົນຕີທີ່ມີຊື່ສຽງໃນໂອກາດນີ້ ”
ເຫດການ“ຊຸມວັນວັດທະນະທຳລັດເຊຍຢູ່ຫວຽດນາມ” ຈະຖືກຈັດຂຶ້ນຢູ່ ຮ່າໂນ້ຍ, ນະຄອນໂຮ່ຈິມິນ ແລະ ແຂວງບິງເຢືອງ. ພາຍຫຼັງພິທີໄຂ ແລະ ລາຍສະແດງສິລະປະຢູ່ໂຮງລະຄອນໃຫຍ່ຮ່າໂນ້ຍ, ບັນດານັກສິລະປີນ, ນັກເສບເຄື່ອງດົນຕີຂອລລັດເຊຍ ແລະ ຫວຽດນາມຈະມີບັນດາລາຍການສະແດງຢູ່ໂຮງລະຄອນນະຄອນໂຮ່ຈີມິນໃນວັນທີ 15/11 ແລະ ຢູ່ສູນວັດທະນະທຳແຂວງບິງເຢືອງໃນວັນທີ 16/11. ເປີກສາກໃຫ້ການເຄື່ອນໄຫວ “ຊຸມວັນວັດທະນາທຳລັດເຊຍ ຢູ່ຫວຽດນາມ ປີ 2013”, ແມ່ນເຫດການ “ສັບປະດາຟິມຮູບເງົາລັດເຊຍຢູ່ຫວຽດນາມ“ ໄດ້ຖືກໄຂຂຶ້ນໃນຕອນຄ່ຳວັນທີ 7/11 ຢູ່ຮ່າໂນ້ຍ. ບັນດາຟິມຮູບເງົາຂອງລັດເຊຍໄດ້ນຳມາສາຍໃນໂອກາດນີ້ມີເນື້ອໃນອຸດົມສົມບຸນ, ຫຼາຍຮູບຫຼາຍສີ, ແມ່ນໂອກາດເພື່ອໃຫ້ຜູ້ຊົມຫວຽດນາມ ເຂົ້າໃຈກ່ຽວກັບຊີວິດຂອງ ປຊຊ ລັດເຊຍ ອ້າຍນ້ອງຫຼາຍກ່ວາອີກ. ພ້ອມທັງປະກອບສ່ວນເພີ່ມທະວີນ້ຳໃຈສາມັກຄີມິດຕະພາບຮ່ວມມືທີ່ເປັນມູນເຊື້ອລະຫວ່າງຫວຽດນາມ ແລະ ສະຫະພັນລັດເຊຍ. ນັກສະແດງຮູບເງົາທີ່ມີຂື່ສຽງຂອງລັດເຊຍ Egor Beroev ເປີດເຜີຍວ່າ :
“ ຄັ້ງນີ້, ພວກຂ້າພະເຈົ້າໄດ້ນຳເອົາບັນດາຟິມຮູບເງົາທີ່ມ່ວນທີ່ສຸດຂອງລັດເຊຍມາສາຍ ດ້ວຍຄວາມຫວັງຢາກໃຫ້ບັນດາເພື່ອນມີຄວາມປະທັບໃຈຕໍ່ເຫດການ ຊຸມວັນຮູບເງົາລັດເຊຍຢູ່ຫວຽດນາມຄັ້ງນີ້. ຂ້າພະເຈົ້າຈະຈົດຈຳການຕ້ອນຮັບຢ່າງສະໜິດສະໜົມຂອງພວກເພື່ອນຕະຫຼອດ ” .