vovworld)–
ປາເຄັມພິເສດເຈົາດົກຢູ່ແຂວງອານຢາງໄດ້ມີມາກ່ອນນີ້ນັບຮ້ອຍປີ. ປາເຄັມເຈົາດົກມີຄຸນນະພາບ ແລະ ລົດຊາດພິເສດສະເພາະ. ຍ້ອນຕັ້ງຢູ່ເທິງແມ່ນ້ຳຕຽນ ແລະ ເຮົ້າ, ປະຊາຊົນຢູ່ທີ່ນີ້ມີແຫຼ່ງປານ້ຳຈືດທີ່ອຸດົມສົມບູນ. ມາຕະຫຼາດເຈົາດົກທ່ານສາມາດຊຶ້ປາເຄັມໄດ້ທຸກປະເພດ.
(ພາບ:vov)
ເຂດເຈົາດົກມີຊື່ສຽງດ້ວຍອາຫານພິເສດຄືປາເຄັມ. ຢູ່ແມ່ນ້ຳຕຽນ ແລະ ແມ່ນ້ຳເຮົ້າ ມີປາປະເພດໃດ, ຕະຫຼາດເຈົາດົກກໍ່ຂາຍປາເຄັມປະເພດນັ້ນ. ຊື່ຂອງປາເຄັມຖືກເອີ້ນຕາມຊື່ແທ້ຂອງປາເພື່ອສ້າງຄວາມສະດວກໃຫ້ແກ່ການຊື້ຂາຍ.
ມາຕະຫຼາດເຈົາດົກ, ຜູ້ຄົນທັງຫຼາຍຈະຮູ້ສຶກປະທັບໃຈຕໍ່ກິ່ນ ພິເສດສະເພາະຂອງປາເຄັມ ແລະ ສີສັນຫຼາກຫຼາຍຢູ່ໃນຮ້ານຂາຍປາເຄັມ ກໍ່ຄືປາເຄັມປະເພດຕ່າງໆ. ຢູ່ທີ່ນີ້ໄດ້ວາງຂາຍປະເຄັມນັບຮ້ອຍປະເພດ ແລະ ດ້ວຍເຄື່ອງໝາຍທີ່ແຕກຕ່າງກັນ. ແຕ່ປາເຄັມທີ່ມີຊື່ສຽງ ກ່ວາໝູ່ຢູ່ທີ່ນີ້ແມ່ນປາເຄັມ 55555 ຂອງເອື້ອຍຄູແຂວ, ປາເຄັມຮາຍຊວຽນ, ເຟືອກໂລກ. ປ້າຫງວຽນທິແອງມາຍ ເຈົ້າຂອງຮ້ານຂາຍປາເຄັມຢູ່ ຕະຫຼາດເຈົາດົກ ໃຫ້ຮູ້ວ່າ:
“ ປາເຄັມແມ່ນອາຫານພິເສດສະເພາະຂອງຕະຫຼາດເຈົາດົກ. ແຂກ ທ່ອງທ່ຽວມາຕະຫຼາດນີ້ຊື້ປາເຄັມຫຼາຍທີ່ສຸດ ໂດຍສະເພາະແມ່ນໃນໄລຍະແຕ່ເດືອນຈຽງຫາເດືອນ 4 ໄລ່ຕາມຈັນທະປະຕິທິນ.“
(ພາບ:vov)
ປະຊາຊົນຜະລິດປາເຄັມຢູ່ເຈົາດົກໃຫ້ຮູ້ວ່າ: ປາປະເພດໃດກໍ່ສາມາດຜະລິດເປັນປາເຄັມໄດ້. ເຈົ້າຂອງຮາກຖານ ຜະລິດປາເຄັມແຫ່ງ1 ໃຫ້ຮູ້ວ່າ: ເວລາໃດກໍ່ມີປາເພື່ອຜະລິດປາເຄັມ, ແຕ່ຫຼາຍທີ່ສຸດແມ່ນໃນ ຍາມນ້ຳຖ້ວມ, ເລີ່ມແຕ່ເດືອນ 7 ຫາເດືອນ 10-11. ອ້າຍຫງວຽນຮ່ວາງຟອງ, ເຈົ້າຂອງຮ້ານ ຂາຍປາເຄັມເອື້ອຍຄູມ້ານ-ອາເຮ້ວ ໃຫ້ຮູ້ວ່າ: ຜະລິດປາເຄັມແມ່ນອາຊີບໄດ້ຮັບການສືບທອດມາແຕ່ກ່ອນ, ດ້ວຍເຂັດລັບພິເສດເພື່ອຜະລິດປາສົດເປັນປາເຄັມໂດຍບໍ່ຕ້ອງຄົວໃຫ້ສຸກ:
“ນີ້ແມ່ນເວລາເໝາະສົມເພື່ອຊື້ປາມາຜະລິດປາເຄັມ, ພາຍຫຼັງລ້າງປາໃຫ້ສະອາດແລ້ວ, ເອື້ອບກັບເກືອແລ້ວປະໄວ້ໃນເວລາເຄິ່ງເດືອນ, ຈາກນັ້ນເອົາມາລ້າງຄືນແລ້ວເອືອບກັບເຂົ້າຂົ້ວໃນເວລາປະມານ 3 ເດືອນແມ່ນຈະຂາຍໄດ້”
ມາທ່ອງທ່ຽວເຈົາດົກ, ໂດຍສະເພາະແມ່ນໃນໂອກາດງານບຸນວິນຍານເຈົ້າແມ່ ຊື່ງຈັດຂຶ້ນປະຈຳປີຢູ່ຫໍບູຊາເຈົ້າແມ່, ໃນຕາແສງພູຊາມ, ເທດສະບານເມືອງເຈົາດົກ, ແຂວງອານຢາງ, ແຂກທ່ອງທ່ຽວສາມາດຊື້ປາເຄັມເຈົາດົກ ເພື່ອເປັນຂອງຕ້ອນໃຫ້ແກ່ຍາດຕິພີ່ນ້ອງ, ເພື່ອນມິດ. ແຂກທ່ອງທ່ຽວຜູ້ໜຶ່ງໃຫ້ຮູ້ວ່າ:
“ປາເຄັມຂອງເຈົາດົກແມ່ນແຊບທີ່ສຸດ, ຂ້າພະເຈົ້າຊື້ເພື່ອເປັນຂອງ ຕ້ອນ. ຂ້າພະເຈົ້າໄດ້ໄປທ່ຽວຫຼາຍແຫ່ງແລ້ວແຕ່ເຫັນວ່າມີແຕ່ຢູ່ເຈົາດົກຈຶ່ງມີອາຫານພິເສດນີ້. ປາເຄັມຢູ່ທີ່ນີ້ສ້າງຄວາມດູດດືມໃຈທີ່ສຸດ“
ໃນວັດທະນະທຳອາຫານການກິນຂອງຊາວເຈົາດົກເວົ້າສະເພາະ ແລະ ທ້ອງຖິ່ນຕ່າງໆໃນທາງທິດຕາເວັນຕົກຂອງພາກໃຕ້ຫວຽດນາມ ເວົ້າລວມ, ປາເຄັມມີທີ່ຕັ້ງສຳຄັນພິເສດ. ຄຽງຄູ່ກັນນັ້ນ, ການຍືນຍົງຄົງຕົວ ແລະ ຂອງອາຊີບຜະລິດປາເຄັມຢູ່ເຈົາດົກບໍ່ພຽງແຕ່ມີຄວາມໝາຍດ້ານເສດຖະກິດເທົ່ານັ້ນ, ຫາກສິ່ງສຳຄັນກ່ວາ, ນັ້ນແມ່ນມັນຈະເຮັດໃຫ້ສີສັນວັດທະນະທຳອາຫານການກິນຂອງຊາດຫວຽດນາມ ມີຄວາມອຸດົມສົມບູນຂຶ້ນຕື່ມ./.