ພະອາຈານ Thích Giác Nghia ແມ່ນ 1 ໃນຈຳນວນ ພະພິກຂຸ 6 ອົງຢູ່ແຂວງ Khanh Hoa ສະໝັກໃຈໄປເປັນເຈົ້າອາວາດວັດ, ເຄື່ອນໄຫວວຽກງານພຸດທະສາສະໜາຢູ່ວັດແຫ່ງຕ່າງໆໃນເກາະ Truong Sa ໃຫ່ຍ, Sinh Ton, Song Tu Tay ຂຶ້ນກັບເຂດໝູ່ເກາະ Truong Sa ເມືອງ Truong Sa. ພະອາຈານ Thích Giác Nghia ກໍຄືບັນດາພະພິຂຸ ສະໝັກໃຈໄປເກາະ Truong Sa ດ້ວຍຄວາມຮັກແພງຕໍ່ເຂດດິນແດນຕອນໜື່ງຂອງປະເທດຊາດ.
![ພະອາຈານ Thích Giác Nghia ຢູ່ເກາະ Truong Sa ໃຫ່ຍ - ảnh 1](https://photo-cms-vovworld.zadn.vn/w730/uploaded/vovworld/bcgmbuiq/2012_05_25/su.jpg)
ບັນດາພະຂຸສະໝັກໃຈໄປເກາະ Truong Sa
(ພາບ: soha.vn)
ສຳລັບພະອາຈານ Thích Giác Nghia ແລ້ວ, ຊີວິດການເປັນຢູ່ຢູ່ເທດສະບານເມືອງ Truong Sa ມີຄວາມສະຫງົບງຽບ, ອາກາດປອດໂປ່ງ, ເໝາະສົມສຳລັບການຈຳສິນກິນບວດທີ່ສຸດ. ໃນຍາມຮຸ່ງເຊົ້າ ແລະ ຍາສາຍັນ, ພະອາຈານ Thích Giác Nghia ໄດ້ເທດທຳສວດມົນ ແລະ ພາວະນາ ຂໍໃຫ້ປະເທດຊາດ ແລະ ປະຊາຊົນມີຄວາມສະຫງົບສຸກ
![ພະອາຈານ Thích Giác Nghia ຢູ່ເກາະ Truong Sa ໃຫ່ຍ - ảnh 2](https://photo-cms-vovworld.zadn.vn/w730/uploaded/vovworld/bcgmbuiq/2012_05_25/song%20tu%20tay.jpg)
ວັດ Song Tu Tay
(ພາບ: giacngo.vn )
ພະອາຈານ Thích Giác Nghia ເລົ່າຄວາມໃນໃຈສູ່ຟັງວ່າ: ການໄປເປັນເຈົ້າອາວາດວັດຢູ່ Truong Sa ໃຫ່ຍ ແມ່ນມີຄວາມໝາຍຫຼາຍທີ່ສຸດ. ນີ້ບໍ່ພຽງແຕ່ແມ່ນການໄປເພື່ອປະຕິບັດພາລະໜ້າທີ່ດ້ານພຸດທະສາສະໜາເທົ່ານັ້ນ, ຫາກຍັງແມ່ນໂອກາດເພື່ອສະແດງໃຫ້ເຫັນຄວາມຮັກຊາດຂອງຊາວຫວຽດນາມ ຜູ້ໜື່ງອີກດ້ວຍ:
“ພາຍຫຼັງການໄປສວດມົນໃຫ້ບັນດານັກຮົບເສຍສະຫຼະຊີວິດຢູ່ເຂດໝູ່ເກາະ Truong Sa 3 ຄັ້ງ, ອາຕາມາເຫັນວ່າ ຕົນເອງຕ້ອງມີຄວາມຮັບພິຊອບຕໍ່ບ້ານເກີດເມືອງນອນຂອງຕົນ, ມີຄວາມຮັບຜິດຊອບຕໍ່ການປົກປັກຮັກສາອະທິປະໄຕ ຊື່ງລຸ້ນກ່ອນໄດ້ເສຍສະຫຼະເລືອດເນື້ອເພື່ອປົກປັກຮັກສາ, ພວກເຮົາຕ້ອງສືບທອດພາລະກິດຂອງລຸ້ນພໍ່ລຸ້ອ້າຍ, ສະນັ້ນ ພວກອາຕາມາໄດ້ຕັດສິນໃຈໄປຢູ່ Truong Sa ໃນໄລຍະເວລາຍາວນານ”
![ພະອາຈານ Thích Giác Nghia ຢູ່ເກາະ Truong Sa ໃຫ່ຍ - ảnh 3](https://photo-cms-vovworld.zadn.vn/w730/uploaded/vovworld/bcgmbuiq/2012_05_25/thich-giac-nghia-170412-2.jpg)
ພະອາຈານ Thích Giác Nghia
(ພາບ:nguyenminhquang.com)
ພະອາຈານ Thích Giác Nghia ໃຫ້ຮູ້ວ່າ, ເມື່ອທຽບກັບຊີວິດຢູ່ເຂດດິນຕໍ່ແຜ່ນ, Truong Sa ຍັງມີຄວາມຫຍຸ້ງຍາກຫຼາຍຢ່າງ ແຕ່ນ້ຳໃຈລະຫວ່າງທະຫານ, ປະຊາຊົນ ພັດມີຄວາມສະໜິດສະໜົມທີ່ສຸດ. ນັບແຕ່ເມື່ອພະອາຈານ Thích Giác Nghia ໄປເປັນເຈົ້າອາວາດວັດ Truong Sa ໃຫ່ຍ, ຊີວິດການເປັນຢູ່ຢູ່ທີ່ນີ້ມີຊີວິດຊີວາ, ອຸດົມສົມບູນຂຶ້ນຕື່ມ ດ້ວຍບັນດາການເຄືອ່ນໄຫວດ້ານຈິດວິນຍານ. ພະອາຈານ Thích Giác Nghia ເວົ້າວ່າ:
“ພວກອາຕາມາມາຍັງແຫ່ງນີ້ເພື່ອສວດມົນ, ພ້ອມກັບປະຊາຊົນໃນເກາະ ພາວະນາໃຫ້ວງວິນຍານບັນດານັກຮົບ ແລະ ປະຊາຊົນ ຜູ້ທີ່ໄດ້ເສຍສະຫຼະຊີວິດເພື່ອຊາດ. ພວກອາຕາມາມາຍັງແຫ່ງນີ້ດ້ວຍຄວາມປາດຖະໜາ ຢາກປະກອບສ່ວນກຳລັງເຫື່ອແຮງອັນເລັກນ້ອຍຂອງຕົນ ເຂົ້າໃນພາລະກິດປົກປັກຮັກສາອະທິປະໄຕເຂດທະເລໝູ່ເກາະອັນສັກກະລະບູຊາຂອງປະເທດຊາດ“
ເອື້ອຍ Bui Thi Trang Nhung ຊາວເທດສະບານ Truong Sa ຜູ້ 1 ໃຫ້ຮູ້ວ່າ: ສຳລັບຜູ້ທີ່ດຳລົງຊີວິດໃນໝູ່ເກາະແລ້ວ, ວັດແຫ່ງຕ່າງໆຢູ່ທີ່ນີ້ ບໍ່ພຽງແຕ່ແມ່ນບ່ອນເພິ່ງພາດ້ານຈິດໃຈເທົ່ານັ້ນ:
“ວັດໃນເກາະແມ່ນຄວາມເປັນກຽດ, ຄວາມຜາສຸກຂອງປະຊາຊົນ ກໍຄືນັກຮົບໃນເກາະ ແລະ ທັງສະແດງໃຫ້ເຫັນຈິດໃຈ, ຈິດວິນຍານຂອງເຮົາ ຕໍ່ການກຳເນີດຂອງພະພຸດທະເຈົ້າ, ພິເສດແມ່ນຄວາມເຊື່ອໝັ້ນເພື່ອປົກປັກຮັກສາເຂດໝູ່ເກາະ, ຜືນແຜ່ນດິນອັນຄົບຖ້ວນຂອງປະເທດຊາດຢ່າງໝັ້ນຄົງ. ພວກຂ້າພະເຈົ້າໄປວັດເພື່ອໃຫ້ຈິດໃຈມີຄວາມສົດຊື່ນ ແລະ ໂປ່ງໃສກ່ວາ. ມີຄວາມສະຫງົບສຸກ ໂຊກດີ“.