ສວນຜັກຂອງແມ່ຕູ້ ມອກ
(vovworld) – ປະຊາຄົມຊາວຫວຽດນາມ ທີ່ດ່ຳລົງຊີວິດ ແລະ ເຮັດວຽກຢູ່ວໍຊິງຕັນ ດີຊີ ອາເມລິກາ ທຸກຄົນ ຕ່າງກໍ່ຮູ້ຈັກເຖິງ “ຕະຫຼາດສວນ” ເຊິ່ງແມ່ນແຫ່ງໜຶ່ງດຽວໃນເຂດ ເຊິ່ງຄົນທັງຫຼາຍສາມາດຊອກຊື້ຜັກປະເພດຕ່າງຂອງຫວຽດນາມ ຄື: ຜັກບົ້ງ, ຜັກປໍ, ໝາກບວບ, ຜັກຫອມ… ທີ່ປູກຢູ່ກັບທີ່ໄດ້. ແຕ່ສິ່ງເປັນໜ້າສົນໃຈນັ້ນແມ່ນ ເຈົ້າຂອງສວນແຫ່ງນີ້ພັດແມ່ນພໍ່ຕູ້ອາເມລິກາຄົນໜຶ່ງ.
ຮອດຍາມຮຸ່ງເຊົ້າ, ພໍ່ຕູ້ທີ່ມີອາຍຸ 70 ກວ່າປີ ໄດ້ເມົາມົວກັບວຽກງານເຮັດສວນປູກກຜັກ. ພໍ່ຕູ້ເວົ້າວ່າ, ນີ້ແມ່ນຄາບກາເຟຍາມເຊົ້າຂອງທ່ານໃນຕະຫຼອດ 30 ກວ່າປີຜ່ານມາ. ນີ້ແມ່ນສ່ວນໜຶ່ງໃນວຽກງານປະຈຳວັນຂອງພໍ່ຕູ້ເຈົ້າຂອງສວນຜັກທີ່ມີຊື່ສຽງໃນເຂດ ວໍຊິນຕັນ ດີຊີ ແລະ ເຂດອ້ອມແອ້ມ, ເຊິ່ງປະຊາຄົມຊາວຫວຽດນາມ ຢູ່ທີ່ນີ້ເຄີຍເອີ້ນວ່າ “ຕະຫຼາດສວນ”. ແຕ່ຄວາມຈິງແລ້ວ, ນີ້ພຽງແຕ່ແມ່ນເຂດສວນທີ່ປູກຜັກຂອງຜົວເມຍພໍ່ຕູ້ Jean ແລະ ແມ່ຕູ້ ໂງທິບອກ, ຊາວຫວຽດນາມ, ທີ່ມີບ້ານເກີດຢູ່ແຂວງຮຶງອຽນ. ຢູ່ອາເມລິກາ, ບ່ອນໃດມີຜູ້ຊື້, ຜູ້ຂາຍລ້ວນແຕ່ຖືກເອີ້ນວ່າຕະຫຼາດ. ຢາກກິນຜັກປະເພດຕ່າງໆຂອງຫວຽດນາມ, ພຽງແຕ່ເຂົ້າ "ຕະຫຼາດສວນ" ກໍ່ສາມາດຊື້ໄດ້, ສ່ວນບັນດາຕະຫຼາດອາຊີອື່ນໆກໍ່ມີ ແຕ່ບໍ່ຫຼາຍ ແລະ ບໍ່ສົດອີກ. ສວນຂອງແມ່ຕູ້ ບອກ ມີຜັກທຸກປະເພດຄື: ຜັກກາດ, ຜັກບົ້ງ, ຜັກປັງ, ຜັກປໍ, ຜັກບົວ, ຜັກທຽມ… ຖ້າບໍ່ຢາກຊື້ຜັກທີ່ໄດ້ຕັດກ່ອນແລ້ວ, ແຂກສາມາດລົງສວນຕັດເອງຕາມໃຈມັກ. ສວນຂອງແມ່ຕູ້ ບອກ ມີແຂກມາຊື້ຫຼາຍຄົນຕະຫຼອດວັນ , ດັ່ງນັ້ນຈຶ່ງເອີ້ນວ່າຕະຫຼາດ. ບໍ່ພຽງແຕ່ຊາວຫວຽດນາມເທົ່ານັ້ນ, ຫາກຊາວເອີລົບ, ຈີນ, ອິນເດຍ... ກໍ່ລ້ວນແຕ່ຮູ້ຈັກເຖິງ "ຕະຫຼາດສວນ" ນີ້. ສັບປະດາໃດປ້າ Ania Sowinska, ຊາວລັດ Virginia, ກໍ່ມາຊື້ຜັກຢູ່ຕະຫຼາດສວນນີ້.
“ຂ້າພະເຈົ້າມັກຕະຫຼາດສວນນີ້ຫຼາຍ ຍ້ອນມັນທັງໃກ້, ທັງມີຜັກຫຼາຍປະເພດເຊິ່ງຕະຫຼາດອື່ນພັດບໍ່ມີ. ຜັກ ແລະ ໝາກໄມ້ຢູ່ທີນີ້ມີລົດຊາດຫອມ ແລະ ສົດກວ່າຢູ່ບ່ອນອື່ນ”.
ແມ່ຕູ້ພວມຊັ່ງຜັກໃຫ້ລູກຄ້າ
ຜົວເມຍແມ່ຕູ້ ບອກ ຜູ້ລະວຽກທັງເຮັດສວນທັງຂາຍຜັກ, ແມ່ຕູ້ເວົ້າວ່າ. ຜັກຢູ່ອາເມລິກາ ບໍ່ອຶດ ແຕ່ບໍ່ແຊບ, ດັ່ງນັ້ນເຂົາເຈົ້າຈຶ່ງມັກຊື້ຜັກໃນ “ຕະຫຼາດສວນ”ແຫ່ງນີ້.
“ໂດຍຕິດພັນກັບອາຊີບປູກຜັກມາເປັນເວລາສອງສາມສິບປີແລ້ວ, ມື້ໃດຂ້າພະເຈົ້າກໍ່ຕື່ນນອນແຕ່ເວລາ 3 ໂມງເຊົ້າ ແລະ ເຮັດວຽກເຖິງເວລາ 23 ໂມງ. ໃນລະດູຮ້ອນ, ແຕ່ລະມື້ຂ້າພະເຈົ້າພັກຜ່ອນພຽງສອງສາມຊົ່ວໂມງເທົ່ານັ້ນ. ຂ້າພະເຈົ້າເຮັດວຽກໝົດມື້ແຕ່ບໍ່ຮູ້ອິດບໍ່ຮູ້ເມື່ອຍ. ເມື່ອເຫັນຜັກຂຽວສົດ, ຂ້າພະເຈົ້າດີໃຈຫຼາຍ ແລະ ຮູ້ສຶກເອກອ້າງທະນົງໃຈເມື່ອແຂກມາຊື້ເວົ້າວ່າ, ຍ້ອນມີຕະຫຼາດສວນນີ້, ເຂົາເຈົ້າຈຶ່ງໄດ້ກິນຜັກແຊບ ແລະ ສົດຄືແນວນັ້ນ”.
ຜົວເມຍແມ່ຕູ້ ບອກ ມີລູກ 3 ຄົນ, ເຂົາເຈົ້າລ້ວນແຕ່ເຕີບໃຫຍ່ ແລະ ໄດ້ສ້າງຄອບຄົວແລ້ວ. ເມື່ອຮອດທ້າຍເດືອນ 11 ຂອງທຸກໆປີ, ເວລານັ້ນອາກາດຢູ່ ວໍຊິງຕັນ ດີຊີ ໜາວຫຼາຍ, ປູກຜັກບໍ່ໄດ້. ຜົວເມຍແມ່ຕູ້ກໍ່ກັບຄືນບ້ານຂອງຕົນຢູ່ລັດ Florida ທາງພາກໃຕ້ອາເມລິກາເພື່ອພັກໜາວ. ເວລານັ້ນ, ບັນດາລູກຄ້າຜູ້ທີ່ມັກກິນຜັກຫວຽດນາມ ຈະຕ້ອງລໍຖ້າຮອດເດືອນ 4 ປີໜ້າ ຈຶ່ງມີຜັກເພື່ອຊື້ໄດ້.