ໄປຕະຫຼາດນັດຍາມທ້າຍອາທິດ ໄດ້ກາຍເປັນຄວາມລຶ້ງເຄີຍ ແລະ ກໍແມ່ນຄວາມມ່ວນຊື່ນຂອງຊາວນະຄອນໂຮ່ຈິມິນຫຼາຍຄົນໃນປະຈຸບັນ. ພິເສດໃນໄລຍະມໍ່ໆມານີ້, ໂດຍຕອບສະໜອງແຜນນະໂຍບາຍຮັບປະກັນຫຼັກອະນາໄມ, ຄວາມປອດໄພດ້ານສະບຽງອາຫານ, ສະໜອງບັນດາຜະລິດຕະພັນກະເສດສະອາດ ໃຫ້ແກ່ປະຊາຊົນ, ທາງນະຄອນໄດ້ຈັດຕັ້ງໂຮມຕະຫຼາດນັດຜະລິດຕະພັນກະເສດສະອາດ. ຕະຫຼາດນັດຍາມທ້າຍອາທິດໄດ້ຮັບການຕອບສະໜອງຈາກຊາວນະຄອນໂຮ່ຈິມິນຢ່າງຫຼວງຫຼາຍ.
ຕະຫຼາດນັດຜະລິດຕະພັນກະເສດຍາມທ້າຍອາທິດຢູ່ນະຄອນໂຮ່ຈິມິນ |
ຕະຫຼາດນັດຜະລິດຕະພັນກະເສດຄັ້ງທີ 5 ໄດ້ດຳເນີນແຕ່ວັນທີ 6 ຫາວັນທີ 10/10/2016 ຢູ່ສວນສາທາລະນະ ກໍເວີບທີ່ເມືອງກໍເວີບ. ນີ້ແມ່ນຕະຫຼາດນັດທີ່ໄດ້ຮັບຄວາມຄອຍຖ້າຈາກແມ່ເຮືອນຫຼາຍຄົນ. ຕະຫຼາດນັດນີ້ໂດຍແມ່ນສະມາຄົມຊາວກະສີກອນນະຄອນໂຮ່ຈິມິນ, ພະແນກກະສີກຳ ແລະ ພັດທະນາຊົນນະບົດພ້ອມກັບພະແນກອຸດສາຫະກຳການຄ້ານະຄອນໂຮ່ຈິມິນສົມທົບກັນຈັດຂຶ້ນ, ອັນໄດ້ດຶງດູດ 100 ຫົວໜ່ວຍ, ສ່ວນບຸກຄົນເຂົ້າຮ່ວມດ້ວຍຮ້ານວາງສະແດງກວ່າ 170 ຮ້ານ. ດ້ວຍຫົວເລື່ອງ “ຜະລິດຕະພັນກະເສດ, ອາຫານ, ດອກໄມ້ປະດັບນະຄອນຜູກຮັດກັບຜູ້ອຸປະໂພກ ” ຕະຫຼາດນັດຄັ້ງນີ້ ຖືກຈັດວາງຕາມ 8 ເຂດເຊັ່ນ: ເຂດວາງສະແດງດອກກ້ວຍໄມ້, ຕົ້ນໄມ້ປະດັບ, ເຂດຜະລິດຕະພັນກະເສດ, ສິນທະເລຜ່ານການປຸງແຕ່ງ, ເຂດວາງສະແດງເຄື່ອງສິລະປະຫັດຖະກຳ, ໝູ່ບ້ານອາຊີບ. ພ້ອມກັບບັນດາຮ້ານວາງສະແດງຂອງນະຄອນໂຮ່ຈິມິນນັ້ນ, ບັນດາແຂວງເຂດເຂດທາງທິດຕາເວັນຕົກພາກໃຕ້, ເຂດທາງທິດຕາເວັນອອກພາກໃຕ້ ກໍໄດ້ເຂົ້າຮ່ວມດ້ວຍສິນຄ້າປະເພດໝາກໄມ້ຫຼາຍຊະນິດ. ອ້າຍບາລົກ, ຊາວກະສີກອນທີ່ມາຈາກເມືອງ ແຕ້ງລີງ, ບີງຖ້ວນ ໃຫ້ຮູ້ວ່າ :
“ ນ້ອງມີຄວາມຫວັງຢາກແບ່ງປັນສິນຄ້າບາງປະເພດເພື່ອໃຫ້ທຸກໆຄົນໄດ້ຮູ້ຈັກ. ເພາະວ່າມີຫຼາຍຄົນມັກກິນໝາກທູລຽນ ແຕ່ກ້າໄປຊື້ຢູ່ຕະຫຼາດ, ສ່ວນຮ້ານຂອງຂ້ອຍ ກໍແມ່ນສິນຄ້າສະອາດ, ປອດສານພິດແທ້ ”
ຕະຫຼາດນັດຜະລິດຕະພັນກະເສດນະຄອນໂຮ່ຈິມິນຖືກດຳເນີນ 2 ອາທິດ/ຄັ້ງ, ຕະຫຼາດນັດແຕ່ລະຄັ້ງແກ່ຍາວເປັນເວລາ 2 ວັນ ຄືໃນມື້ວັນເສົາ ແລະ ວັນທິດ ແຕ່ 6 ໂມງຫາ 18 ໂມງ ຊຶ່ງຂາຍແຕ່ຜະລິດຕະພັນກະເສດສະອາດ, ຜ່ານນັ້ນ ກໍຊ່ວຍໃຫ້ຜູ້ບໍລິໂພກຮູ້ເຖິງຕົ້ນກຳເນີດສິນຄ້າ ແລະ ມີຄວາມອຸ່ນອຽນໃຈນຳໃຊ້. ນາງຟານທິທູຮັ່ງ ອາຈານສອນຢູ່ມະຫາວິທະຍາໄລແຫ່ງໜຶ່ງຕັ້ງຢູ່ບໍລິເວນເມືອງ 3 ນະຄອນໂຮ່ຈິມິນ ເວົ້າວ່າ :
“ ຊາວກະສີກອນຫຼາຍຄົນທີ່ມາຈາກແຂວງຕ່າງໆເຊັ່ນ : ເລີມດົງ, ບີງເຟືອກ, ເບັນແຈ, ຕຽນຢາງ, ລ້ວນແຕ່ມານີ້ໝົດ. ແຕ່ລະມື້, ເຂົາເຈົ້າຢູ່ບ້ານນາ, ແຕ່ຮອດທ້າຍອາທິດ, ພວກເຂົາມານີ້ເພື່ອແລກປ່ຽນຄ້າຂາຍກັບລູກຄ້າ. ສິນຄ້າທັງໝົດນີ້, ລ້ວນແຕ່ແມ່ນປະເພດສະອາດ ປອດສານພິດ ແລະ ຮັບປະກັນຄຸນນະພາບ ”
ຈາກການຕອບສະໜອງຂອງຜູ້ບໍລິໂພກ ກໍຄືຄວາມມານະພະຍາຍາມຂອງຂະແໜງການ, ຂັ້ນຕ່າງໆນັ້ນ, ນັບມື້ນັບມີຕະຫຼາດນັດທີ່ປອດໄພຖືກຈັດຂຶ້ນຫຼາຍຄັ້ງຢູ່ນະຄອນໂຮ່ຈິມິນ, ອັນໄດ້ນຳຜົນປະໂຫຍດທີ່ແທດຈິງໃຫ້ແກ່ຜູ້ບໍລິໂພກ ແລະ ນັກຜະລິດ.