(VOV)_វេទិកាសន្ទនា Shangri-La លើកទី១៥ ដែលទើបនឹងបានបិទបញ្ចប់នៅសិង្ហ បុរី ក្រោយរយៈពេល៣ថ្ងៃធ្វើការ និងពិភាក្សាយ៉ាងផុលផុស។ ដោយបានប្រព្រឹត្តទៅក្នុង
សភាពការសន្តិសុខតំបន់កំពុងប្រឈមមុខនឹងការលំបាកសាកល្បងជាច្រើននោះជាពិ
សេសគឺទំនុកទុកចិត្តយុទ្ធសាស្ត្ររវាងប្រទេសនានាត្រូវបានថយចុះ ហើយនៅក្នុងវេទិកា
សន្ទនានេះ វៀតណាមបានផ្តល់មតិជាច្រើន ដោយបានផ្ញើសារលិខិតច្បាស់លាស់ស្ដីអំពីសន្តិភាព អំពីផលប្រយោជន៍ជាតិ និងការទទួលខុសត្រូវក្នុងការកសាងខឿនសន្តិភាព
រួម។
Shangri-La ជាវេទិកាសន្តិសុខសំខាន់ជួរមុខនៅក្នុងតំបន់។ ព្រឹត្តិការណ៍នេះទាក់
ទាញ ការយកចិត្តទុកដាក់ជាពិសេសរបស់រដ្ឋមន្ត្រីក្រសួងការពារជាតិ មន្ត្រី និងមជ្ឈ
ដ្ឋាន អ្នកប្រាជ្ញ នានាលើពិភពលោក។ វេទិកាសន្ទនា Shangri-La ២០១៦ បានទាក់ទាញ
ការចូលរួមរបស់ អ្នកជំនាញការ និងអ្នកប្រាជ្ញាច្រើនបំផុតតាំងពីមុនមក។ ឆ្លងកាត់
រយៈពេល១៥ឆ្នាំកសាងនិង អភិវឌ្ឍន៍ Shangri-La បានដើរតួនាទីដ៏សែនសំខាន់ ដែល
គ្មានវេទិកាណាមួយអាច បដិសេធឬប្រៀបធៀបបានឡើយ។ ជាប្រទេសមួយមានសិទ្ធិ
និងផលប្រយោជន៍ផ្ទាល់ ចំពោះបំរ៉ែបំរួលសន្តិសុខកាន់តែតានតឹងឡើងៗក្នុងតំបន់
នាពេលថ្មីៗនេះ វៀតណាម បាន សកម្មឡើងសម្លេង ដើម្បីកសាងបរិយាកាសមួយប្រ
កបដោយសន្តិភាពស្ថិរភាពនៅក្នុងតំបន់ និងលើពិភពលោក។
 |
| អនុរដ្ឋមន្ត្រីក្រសួងការពារប្រទេសវៀតណាម Nguyen Chi Vinh |
ផលប្រយោជន៍ជាតិត្រូវសម្របសម្រូលជាមួយផលប្រយោជន៍របស់ប្រទេសជាតិ
ផ្សេងៗទៀត
អាចឃើញថា៖ ខ្លឹមសារមួយដែលបានដើរតួនាទីសំខាន់ ក្នុងវេទិកា Shangri-La
លើកនេះ ហើយបានសាធារណមតិរង់ចាំជាច្រើន នោះគឺដំណោះស្រាយសំរាប់ភាពតានតឹងនាបច្ចុប្បន្ន។ បញ្ហាគ្រប់គ្រងភាពតានតឹងត្រូវបានលើកយកមកពិភាក្សា
ជាច្រើន នៅក្នុងកិច្ចប្រជុំនានានៅ Shangri-La ។
ក្នុងកិច្ចប្រជុំពិសេស ស្ដីអំពី៖គ្រប់គ្រងភាពតានតឹងនៅសមុទ្រខាងកើត វៀត
ណាមបានលើកច្បាស់នូវដំណោះស្រាយជាក់ស្ដែងដើម្បីដោះស្រាយជំលោះ។ នោះគឺភា
គីទាំងឡាយត្រូវសកម្មស្វែងរកដំណោះស្រាយកាត់បន្ថយជំលោះនៅលើសមុទ្រ ដូចជា៖
បង្កើតខ្សែទូរស័ព្ទ Hotline រួមគ្នាធ្វើការយាមល្បាតរួមរវាងកងទ័ពជើងទឹករបស់ប្រ
ទេសផ្សេងៗ។ អនុរដ្ឋមន្ត្រីក្រសួងការពារប្រទេសវៀតណាម Nguyen Chi Vinh បាន
ស្នើថា៖
“ ប្រទេសទាំងឡាយត្រូវរួមគ្នាសហប្រតិបត្តិការជាមួយគ្នា និងតស៊ូដើម្បីដោះ
ស្រាយជំលោះ កាត់បន្ថយការវិវាទ បង្កើនកិច្ចសហប្រតិបត្តិការ រួមគ្នាអភិវឌ្ឍន៍
កសាងទំនុកទុកចិត្ត គោរពផលប្រយោជន៍ត្រឹមត្រូវរបស់គ្នាទៅវិញទៅមក។ ទោះបី
ជាសហប្រតិបត្តិការ និងតស៊ូក្តី ប៉ុន្តែ មុនបង្អស់គឺត្រូវផ្អែកទៅលើស្មារតីសមភាព
គោរពគោលការណ៍នានារបស់ច្បាប់អន្តរជាតិ ចាត់ទុកនេះគឺជាស្តង់ដាដើម្បីដោះ
ស្រាយជំលោះ ការខ្វែងគំនិត ដោះស្រាយដោយសន្តិវិធី មិនបានប្រើប្រាស់អំពើ
ហឹង្សាឬការគំរាមគំហែងប្រើប្រាស់អំពើហឹង្សា។ ”
លើកកំពស់ស្មារតីគោរពច្បាប់
នៅវេទិកាសន្ទនា Shangri-La លើកនេះសេចក្ដីថ្លែងការណ៍ ស្ដីអំពីប្រតិបត្តិ
សម្រាប់ភាគីនានានៅសមុទ្រខាងកើត (DOC) ,ក្រមប្រតិបត្តិសំរាប់ភាគីនានា
នៅសមុទ្រខាងកើត
( COC )ជាពាក្យមួយដែលបាននិយាយដល់ច្រើនបំផុត ។ ពីព្រោះ ប្រទេសជាច្រើន
ក្នុងតំបន់ និងលើពិភពលោក យកចិត្តទុកដាក់ជាច្រើនចំពោះតំបន់សមុទ្រខាង
កើត ហើយសង្ឃឹមថា៖ ជំលោះទាំងឡាយនឹងបានដោះស្រាយដោយសន្តិវិធី ផ្អែកទៅ
លើគោលការណ៍ច្បាប់អន្តរជាតិ ដូចជា៖ DOC ,COC និងអនុសញ្ញាអង្គការសហប្រ
ជាជាតិ ស្ដីអំពីច្បាប់សមុទ្រ ១៩៨២(UNCLOS) ។ នៅទីនេះ វៀតណាមក៏មានទស្ស
នះដូចជាប្រទេសនានា គឺត្រូវគោរពច្បាប់អន្តរជាតិ ក្នុងការដោះស្រាយជំលោះ។
អនុរដ្ឋមន្ត្រីក្រសួងការពារប្រទេសវៀតណាម លោក Nguyen Chi Vinh បានអះអាងថា៖
“ ទស្សនះរបស់វៀតណាមចំពោះបញ្ហាសមុទ្រខាងកើតគឺត្រូវដោះស្រាយដោយ
សន្តិវិធី ផ្អែកទៅលើច្បាប់អន្តរជាតិ។ ក្នុងសភាពការណ៍ស្មុគ្រស្មាញនាបច្ចុប្បន្ន មុន
បង្អស់គឺត្រូវអនុវត្តគោលនយោបាយនេះដោយការអះអាងអធិបតេយ្យភាព។ វៀត
ណាមប្រឆាំងជំទាស់រាល់សេចក្ដីប្រកាសផ្សេងៗ ខុសពីសេចក្ដីប្រកាសអធិបតេយ្យ
ភាពរបស់វៀតណាម ពីព្រោះ សេចក្ដីប្រកាសរបស់វៀតណាម មានចរិតលក្ខណះប្រ
វត្តិសាស្ត្រ និងសមស្របជាមួយច្បាប់អន្តរជាតិ។”
ចំពោះបណ្ដាបំរ៉ែបំរួលអស្ថិរភាពនាបច្ចុប្បន្ន ក្នុងតំបន់ អាចអះអាងថា៖ គ្មាន
ប្រទេសណាមួយអាចឈរនៅខាងក្រៅបានឡើយ ដោយបានទាក់ទិនដល់ស្ថិរភាព
ក្នុងតំបន់។ ដូច្នេះ Shangri-La បន្តជាវេទិកាសំខាន់ ដើម្បីប្រទេសនានាក្នុងតំបន់
ពិភាក្សាជាមួយគ្នា ដើម្បីស្វែងរកដំណោះស្រាយចំពោះបញ្ហាសន្តិសុខនាបច្ចុប្បន្ន
រួមចំណែកកសាងតំបន់អាស៊ី-ប៉ាស៊ីហ្វីក ប្រកបដោយសន្តិភាព ស្ថិរភាព និងសម្បូរ
រុងរឿង។ ហើយវៀតណាម ជាប្រទេសមួយមានការទទួលខុសត្រូវ រួមវិភាគទានយ៉ាង
សកម្ម និងខំប្រឹងប្រែងដើម្បី គោលដៅរួមនោះ៕
