ក្រៅពីវិស័យសន្តិសុខ ប្រធានរដ្ឋចិនក៏បានអំពាវនាវឱ្យ SCO ដើរតួនាទីយ៉ាងសកម្មក្នុងការរៀបចំសណ្តាប់ធ្នាប់ពិភពលោកពហុប៉ូល ប្រកបដោយយុត្តិធម៌ និងសមហេតុផលជាង ដោយផ្អែកលើគោលការណ៍ "រួមគ្នាពិគ្រោះយោបល់ រួមគ្នាកសាង រួមគ្នាទទួលផលប្រយោជន៍" ក្នុងការលើកកម្ពស់សកលភាវូបនីយកម្មសេដ្ឋកិច្ចតាមទិសដៅបរិយាប័ន្ន និងយុត្តិធម៌។
 ប្រធានរដ្ឋចិនលោក Xi Jinping ជួបជាមួយរដ្ឋមន្ត្រីការបរទេសដែលចូលរួមកិច្ចប្រជុំក្រុមប្រឹក្សារដ្ឋមន្ត្រីការបរទេសនៃអង្គការសហប្រតិបត្តិការសៀងហៃ (SCO) នៅមហាសាលប្រជាជនក្នុងទីក្រុងប៉េកាំងកាលពីថ្ងៃទី ១៥ ខែកក្កដា។ រូបថត៖ ក្រសួងការបរទេសចិន |
ត្រូវបានបង្កើតឡើងក្នុងឆ្នាំ ២០០១ បច្ចុប្បន្ន SCO មានប្រទេសសមាជិកចំនួន ១០ រួមមាន ចិន រុស្ស៊ី កាហ្សាក់ស្ថាន កៀហ្ស៊ីស៊ីស្ថាន តាជីគីស្ថាន អ៊ូសបេគីស្ថាន ឥណ្ឌា ប៉ាគីស្ថាន អ៊ីរ៉ង់ និងបេឡារុស្ស។ ប្រទេសចិនកាន់តួនាទីជាប្រធាន SCO នៅឆ្នាំនេះ ហើយនឹងធ្វើជាម្ចាស់ផ្ទះនៃកិច្ចប្រជុំកំពូល SCO នៅថ្ងៃទី ៣១ ខែសីហា និងថ្ងៃទី ១ ខែកញ្ញា ខាងមុខ នៅទីក្រុង Tianjin ប្រទេសចិន៕
