 ប្រជាជនរៀបចំពិធីបុណ្យសពសម្រាប់ជនរងគ្រោះដោយសារភ្លៀងធ្លាក់ខ្លាំង និងទឹកជំនន់នៅស្រុក Buner នៃខេត្ត Khyber Pakhtunkhwa ប្រទេសប៉ាគីស្ថាន ថ្ងៃទី ១៦ ខែសីហា ឆ្នាំ ២០២៥។ រូបថត៖ REUTERS/Stringer |
ប្រមុខទីភ្នាក់ងារគ្រប់គ្រងគ្រោះមហន្តរាយខេត្ត Khyber Pakhtunkhwa លោក Asfandyar Khattak បានបញ្ជាក់ថា យ៉ាងហោចណាស់មនុស្ស ១៥០ នាក់នៅក្នុងស្រុក Buner កំពុងបាត់ខ្លួន ដែលអាចជាប់គាំងនៅក្រោមគំនរបាក់បែក ឬត្រូវបានទឹកជំនន់ជន់លិច។ ទន្ទឹមនឹងនេះដែរ មនុស្សរាប់សិបនាក់ក៏ត្រូវបានរាយការណ៍ថា បានបាត់ខ្លួននៅក្នុងស្រុក Shangla ផងដែរ។
ទឹកជំនន់បានបង្កការខូចខាតយ៉ាងធ្ងន់ធ្ងរដល់ប្រព័ន្ធអគ្គិសនី និងទូរគមនាគមន៍នៅទីក្រុង Buner បណ្តាលឱ្យដាច់ចរន្តអគ្គិសនី និងរំខានដល់ការទំនាក់ទំនង។ ភ្លៀងធ្លាក់ខ្លាំងកំពុងធ្វើឱ្យកិច្ចខិតខំប្រឹងប្រែងជួយសង្គ្រោះជួបការលំបាក។ បច្ចុប្បន្ននេះ បុគ្គលិកសង្គ្រោះប្រហែល ២.០០០ នាក់នៅតែជួបការលំបាកជាមួយនឹងភ្លៀងធ្លាក់ខ្លាំង និងភក់ត្រឹមជង្គង់ ដើម្បីជីករកផ្ទះសម្បែងដែលត្រូវបានពន្លិច និងស្វែងរកអ្នកនៅរស់រានមានជីវិត។ ប្រតិបត្តិការជួយសង្គ្រោះកំពុងត្រូវបានដាក់ពង្រាយនៅតាមស្រុកចំនួន ៩ ដែលរងផលប៉ះពាល់៕
