ព្រឹត្តិការណ៍នេះគឺជាផ្នែកមួយនៃកម្មវិធី famtrip ដើម្បីស្ទង់មតិទេសចរណ៍ វៀតណាម ដែលប្រព្រឹត្តទៅនៅខេត្ត Ninh Binh និង Thanh Hoa ចាប់ពីថ្ងៃទី ១៥ ដល់ ១៩ តុលា។
ក្នុងពិធីនេះ លោក Vu The Binh ប្រធានសមាគមទេសចរណ៍វៀតណាមបានមានប្រសាសន៍ថា វៀតណាមកំពុងខិតខំប្រែក្លាយប្រទេសដ៏មានឥទ្ធិពលនិងអភិវឌ្ឍន៍ ហើយទេសចរណ៍កំពុងក្លាយជាវិស័យសេដ្ឋកិច្ចដ៏សំខាន់។ ចំនួនភ្ញៀវទេសចរអន្តរជាតិមកវៀតណាមមានការកើនឡើងពីមួយថ្ងៃទៅមួយថ្ងៃ ជាពិសេសភ្ញៀវមកពីប្រទេសកូរ៉េខាងត្បូងនិងហ្វីលីពីន។ ដើម្បីរួមចំណែកបង្កើនចំនួនភ្ញៀវទេសចរណ៍វៀតណាមពីទីផ្សារសំខាន់ទាំងពីរនេះ យ៉ាងឆាប់រហ័សនិងនិរន្តរភាព សមាគមទេសចរណ៍ វៀតណាមបានសម្របសម្រួលជាមួយមូលដ្ឋានរៀបចំពិធីទទួលគណៈប្រតិ ភូធុរកិច្ចទេសចរណ៍នៃប្រទេសទាំងពីរមកវៀតណាម ដើម្បីស្ទាបស្ទង់មើលផលិតផលទេសចរណ៍ថ្មី ជួបជាមួយធុរកិច្ចទេសចរណ៍វៀតណាម និងបង្កើតទំនាក់ទំនងសហប្រតិបត្តិការអាជីវកម្មដោយបើកចំហ មិត្តភាព និងផលប្រយោជន៍ទៅវិញទៅមក។ វៀតណាមក៏នឹងជំរុញការកើនឡើងយ៉ាងឆាប់រហ័សនៃភ្ញៀវទេសចរវៀតណាមទៅកាន់ប្រទេសកូរ៉េ និងហ្វីលីពីននាពេលខាងមុខ។ ក្នុងកម្មវិធីនេះ ធុរកិច្ចទេសចរណ៍វៀតណាម និងធុរកិច្ចទេសចរណ៍កូរ៉េខាងជើង និងហ្វីលីពីនបានណែនាំ និងពិភាក្សាអំពីផលិតផលនិងសេវាកម្មទេសចរណ៍ ជាពិសេស ទេសចរណ៍ធម្មជាតិ ទេសចរណ៍ខាងវិញ្ញាណ ទេសចរណ៍រមណីយដ្ឋាន និងផលិតផលទេសចរណ៍វាយកូនហ្គោល ដែលជាចំណុចខ្លាំងរបស់តំបន់ភាគកណ្តាលប៉ែកខាងជើង។
ក្នុងឱកាសនេះ សមាគមទេសចរណ៍វៀតណាម និងសមាគមទេសចរណ៍ហ្វីលីពីនបានចុះហត្ថលេខាលើការប្តេជ្ញាចិត្តគាំទ្រការផ្សព្វផ្សាយទេសចរណ៍៕
