 រដ្ឋមន្ត្រី ៣ រូបក្នុងគណៈរដ្ឋមន្ត្រីថ្មីនៃរដ្ឋាភិបាលបណ្តោះអាសន្ននេប៉ាល់ ស្បថចូលកាន់តំណែង នៅវិមានប្រធានាធិបតីនៅថ្ងៃទី ១៥ ខែកញ្ញា។ រូបថត៖ REUTERS/Navesh Chitrakar |
តាមនោះលោក Rameshore Prasad Khanal អតីតរដ្ឋមន្ត្រីក្រសួងហិរញ្ញវត្ថុនឹងវិលមកកាន់តំណែងនេះវិញ។ លោក Kulman Ghising អតីតនាយកប្រតិបត្តិនៃក្រុមហ៊ុនអគ្គិសនីនេប៉ាល់ នឹងទទួលបន្ទុកក្រសួងចំនួន ៣ រួមមាន ក្រសួងថាមពល ធនធានទឹក និងធារាសាស្រ្ត; ក្រសួងដឹកជញ្ជូននិងហេដ្ឋារចនាសម្ព័ន្ធ; និងក្រសួងអភិវឌ្ឍន៍ទីក្រុង។ ជាមួយគ្នានេះ លោក Om Prakash Atyal មេធាវីដែលមានតួនាទីជាទីប្រឹក្សាច្បាប់របស់អភិបាលក្រុង Kathmandu នឹងទទួលបន្ទុកក្រសួងកិច្ចការផ្ទៃក្នុង ច្បាប់ យុត្តិធម៌ និងកិច្ចការសភា។
មុននេះ នៅល្ងាចថ្ងៃទី ១២ ខែកញ្ញា អតីតប្រធានចៅក្រម Sushila Karki បានស្បថចូលកាន់តំណែងជាផ្លូវការ ក្រោមសាក្សីរបស់ប្រធានាធិបតី Ramchandra Paudel ដែលជាចំណុចរបត់ប្រវត្តិសាស្ត្រសម្រាប់នេប៉ាល់ ខណៈដែលលោកស្រីបានក្លាយជានាយករដ្ឋមន្ត្រីបណ្តោះអាសន្នស្ត្រីដំបូងគេនៃប្រទេសអាស៊ីខាងត្បូងមួយនេះ។
ប្រទេសនេប៉ាល់គ្រោងនឹងរៀបចំការបោះឆ្នោតសកលនៅថ្ងៃទី ៥ ខែមីនាឆ្នាំក្រោយក្នុងបរិបទដែលប្រហែល ២០% នៃចំនួនប្រជាជននេប៉ាល់ដែលមានអាយុពី ១៥-២៤ ឆ្នាំកំពុងគ្មានការងារធ្វើ ហើយផលិតផលក្នុងស្រុកសរុប (GDP) របស់មនុស្សម្នាក់ៗមានត្រឹមតែ ១.៤៤៤៧ ដុល្លារអាមេរិកប៉ុណ្ណោះ៕
